ਮੁੰਬਈ: ਬਾਲੀਵੁੱਡ ਸਿਤਾਰੇ ਆਪਣੀ ਐਕਟਿੰਗ ਦੇ ਨਾਲ-ਨਾਲ ਸਾਈਡ ਬਿਜ਼ਨੈੱਸ ਲਈ ਵੀ ਜਾਣੇ ਜਾਂਦੇ ਹਨ। ਬਾਲੀਵੁੱਡ ਦੇ ਕਈ ਸਿਤਾਰੇ ਹਨ, ਜਿਨ੍ਹਾਂ ਦੇ ਆਪਣੇ ਰੈਸਟੋਰੈਂਟ ਅਤੇ ਹੋਟਲ ਦੇ ਨਾਲ-ਨਾਲ ਕਈ ਸਾਈਡ ਬਿਜ਼ਨੈੱਸ ਵੀ ਹਨ। ਇਸ ਕੜੀ 'ਚ ਬਾਲੀਵੁੱਡ ਦੇ ਸੰਜੂ ਯਾਨੀ ਸੰਜੇ ਦੱਤ ਫਿਲਮਾਂ ਤੋਂ ਇਲਾਵਾ ਆਪਣੇ ਸਾਈਡ ਬਿਜ਼ਨੈੱਸ ਕਾਰਨ ਲਾਈਮਲਾਈਟ 'ਚ ਆ ਗਏ ਹਨ। ਸੰਜੇ ਦੱਤ ਨੇ ਇੱਕ ਸ਼ਰਾਬ ਕੰਪਨੀ ਵਿੱਚ ਨਿਵੇਸ਼ ਕਰਕੇ ਇੱਕ ਨਵਾਂ ਬ੍ਰਾਂਡ ਲਾਂਚ ਕੀਤਾ ਹੈ।
ਸੰਜੇ ਦੱਤ ਨੇ ਅਲਕੋਹਲ ਅਤੇ ਬੇਵਰੇਜ ਸਟਾਰਟਅੱਪ ਕਾਰਟੇਲ ਐਂਡ ਬ੍ਰੋਸ ਨਾਲ ਹੱਥ ਮਿਲਾਇਆ ਹੈ। ਸੰਜੇ ਦੱਤ ਨੇ ਇਸ ਕੰਪਨੀ ਦੇ ਨਾਲ ਮਿਲ ਕੇ 'ਦਿ ਗਲਾਵੋਕ' ਨਾਮ ਦਾ ਸਕਾਚ ਵਿਸਕੀ ਬ੍ਰਾਂਡ ਲਾਂਚ ਕੀਤਾ ਹੈ।
ਮਹੱਤਵਪੂਰਨ ਗੱਲ ਇਹ ਹੈ ਕਿ ਅਲਕੋਹਲ ਕੰਪਨੀ 'ਦਿ ਗਲਾਵੋਕ' ਭਾਰਤ ਵਿੱਚ ਆਪਣੇ ਸ਼ਰਾਬ ਦੇ ਬ੍ਰਾਂਡਾਂ ਨੂੰ ਨਿਰਯਾਤ ਅਤੇ ਪ੍ਰਚੂਨ ਵੇਚਣ ਦੀ ਯੋਜਨਾ ਬਣਾ ਰਹੀ ਹੈ। ਕੰਪਨੀ ਨੇ ਲਿਵਿੰਗ ਲਿਕਵਿਡਜ਼ ਦੇ ਸੈਣੀ ਅਤੇ ਡ੍ਰਿੰਕ ਬਾਰ ਅਕੈਡਮੀ ਦੇ ਜੇਐਸ ਮਰਾਨੀ ਦੇ ਨਾਲ ਮੋਰਗਨ ਬੇਵਰੇਜ ਕੰਪਨੀ ਨਾਲ ਵੀ ਸਮਝੌਤਾ ਕੀਤਾ ਹੈ।
ਇਸ ਦੇ ਨਾਲ ਹੀ ਭਾਰਤ 'ਚ ਸ਼ਰਾਬ ਦਾ ਬਾਜ਼ਾਰ ਵਧਦਾ ਜਾ ਰਿਹਾ ਹੈ ਅਤੇ ਸੰਜੇ ਦੱਤ ਬਾਰੇ ਕਿਹਾ ਜਾ ਰਿਹਾ ਹੈ ਕਿ ਅਦਾਕਾਰ ਨੇ ਸਹੀ ਸਮੇਂ 'ਤੇ ਇਸ ਕਾਰੋਬਾਰ 'ਚ ਐਂਟਰੀ ਕੀਤੀ ਹੈ। ਸਕਾਚ ਵਿਸਕੀ ਐਸੋਸੀਏਸ਼ਨ ਦੀ ਰਿਪੋਰਟ ਅਨੁਸਾਰ ਸਾਲ 2022 ਵਿੱਚ ਭਾਰਤ ਸਕਾਚ ਵਿਸਕੀ ਬਾਜ਼ਾਰ ਦੇ ਨਿਰਯਾਤ ਵਿੱਚ ਫਰਾਂਸ ਤੋਂ ਕਾਫੀ ਅੱਗੇ ਨਿਕਲ ਗਿਆ ਹੈ। ਰਿਪੋਰਟਾਂ ਮੁਤਾਬਕ ਭਾਰਤ 'ਚ ਇਸ ਕਾਰੋਬਾਰ 'ਚ 60 ਫੀਸਦੀ ਦਾ ਵਾਧਾ ਹੋਇਆ ਹੈ।
ਸੰਜੇ ਦੱਤ ਦਾ ਵਰਕਫਰੰਟ:ਸੰਜੇ ਦੱਤ ਹੁਣ ਇੱਕ ਅਦਾਕਾਰ ਦੇ ਰੂਪ ਵਿੱਚ ਨਹੀਂ ਬਲਕਿ ਇੱਕ ਖਲਨਾਇਕ ਦੇ ਰੂਪ ਵਿੱਚ ਫਿਲਮਾਂ ਉੱਤੇ ਰਾਜ ਕਰ ਰਹੇ ਹਨ। ਸੰਜੇ ਦੱਤ ਨੇ ਮੇਗਾ-ਬਲਾਕਬਸਟਰ ਫਿਲਮ KGF-2 'ਚ ਅਧੀਰਾ ਨਾਂ ਦਾ ਖਲਨਾਇਕ ਬਣ ਕੇ ਖਲਨਾਇਕ ਦੀ ਦੁਨੀਆ 'ਚ ਆਪਣੀ ਪਛਾਣ ਬਣਾਈ ਹੈ। ਅਜਿਹੇ 'ਚ ਸੰਜੇ ਦੱਤ ਹੁਣ ਸ਼ਾਹਰੁਖ ਖਾਨ ਦੀ ਫਿਲਮ ਜਵਾਨ ਅਤੇ ਸਾਊਥ ਸੁਪਰਸਟਾਰ ਵਿਜੇ ਦੀ ਫਿਲਮ ਲਿਓ 'ਚ ਖਤਰਨਾਕ ਵਿਲੇਨ ਦੀ ਭੂਮਿਕਾ 'ਚ ਨਜ਼ਰ ਆਉਣ ਵਾਲੇ ਹਨ।
