ਮੁੰਬਈ: ਸਲਮਾਨ ਖਾਨ, ਕੈਟਰੀਨਾ ਕੈਫ ਅਤੇ ਇਮਰਾਨ ਹਾਸ਼ਮੀ ਸਟਾਰਰ ਐਕਸ਼ਨ ਫਿਲਮ 'ਟਾਈਗਰ 3' ਨੇ ਘਰੇਲੂ ਬਾਕਸ ਆਫਿਸ 'ਤੇ 6 ਦਿਨਾਂ 'ਚ 200 ਕਰੋੜ ਰੁਪਏ ਦਾ ਅੰਕੜਾ ਪਾਰ ਕਰ ਲਿਆ ਹੈ। ਇਸ ਤੋਂ ਪਹਿਲਾਂ ਇਹ ਫਿਲਮ ਪੰਜ ਦਿਨਾਂ 'ਚ ਦੁਨੀਆ ਭਰ 'ਚ 300 ਕਰੋੜ ਦੇ ਕਲੱਬ 'ਚ ਐਂਟਰੀ ਕਰ ਚੁੱਕੀ ਹੈ। ਇਹ ਫਿਲਮ ਦੀਵਾਲੀ 'ਤੇ 12 ਨਵੰਬਰ ਨੂੰ ਰਿਲੀਜ਼ ਹੋਈ ਸੀ। ਇਸ ਦੇ ਨਾਲ ਹੀ ਅੱਜ 18 ਨਵੰਬਰ ਨੂੰ ਫਿਲਮ 'ਟਾਈਗਰ 3' ਆਪਣੀ ਰਿਲੀਜ਼ ਦਾ ਇੱਕ ਹਫਤਾ ਪੂਰਾ ਕਰਨ ਜਾ ਰਹੀ ਹੈ।
ਤੁਹਾਨੂੰ ਦੱਸ ਦਈਏ ਕਿ ਫਿਲਮ ਦੀ ਲੀਡ ਸਟਾਰ ਕਾਸਟ ਸਲਮਾਨ ਖਾਨ, ਕੈਟਰੀਨਾ ਕੈਫ ਅਤੇ ਇਮਰਾਨ ਹਾਸ਼ਮੀ ਨੂੰ ਟਾਈਗਰ 3 ਦੇ ਸਫਲਤਾ ਸਮਾਗਮ ਵਿੱਚ ਪ੍ਰਸ਼ੰਸਕਾਂ ਨਾਲ ਗੱਲਬਾਤ ਕਰਦੇ ਦੇਖਿਆ ਗਿਆ। ਬੀਤੀ 17 ਨਵੰਬਰ ਦੀ ਰਾਤ ਮੁੰਬਈ 'ਚ ਟਾਈਗਰ 3 ਦੇ ਸਫਲਤਾ ਸਮਾਗਮ 'ਚ ਸਲਮਾਨ ਖਾਨ ਨੇ ਸਟੇਜ 'ਤੇ ਖੂਬ ਮਸਤੀ ਕੀਤੀ ਅਤੇ ਕੈਟਰੀਨਾ ਕੈਫ ਨਾਲ 'ਲੇਕੇ ਪ੍ਰਭੂ ਕਾ ਨਾਮ' ਗੀਤ 'ਤੇ ਡਾਂਸ ਵੀ ਕੀਤਾ। ਇਸ ਦੇ ਨਾਲ ਹੀ ਫਿਲਮ ਦੀ ਸਫਲਤਾ ਦੇ ਮੌਕੇ 'ਤੇ ਸਲਮਾਨ ਖਾਨ ਅਤੇ ਇਮਰਾਨ ਹਾਸ਼ਮੀ ਵਿਚਾਲੇ ਕੁਝ ਅਜਿਹਾ ਹੋਇਆ, ਜਿਸ ਨੇ ਸਭ ਨੂੰ ਹੈਰਾਨ ਕਰ ਦਿੱਤਾ।