ਹੈਦਰਾਬਾਦ: 90 ਦੇ ਦਹਾਕੇ ਦੀ ਖੂਬਸੂਰਤ ਅਦਾਕਾਰਾ ਕਾਜੋਲ ਦੀ ਅਗਲੀ ਫਿਲਮ 'ਸਲਾਮ ਵੈਂਕੀ' ਦਾ ਟ੍ਰੇਲਰ ਬਾਲ ਦਿਵਸ 2022 ਦੇ ਮੌਕੇ 'ਤੇ ਸੋਮਵਾਰ (14 ਨਵੰਬਰ) ਨੂੰ ਰਿਲੀਜ਼ ਕੀਤਾ ਗਿਆ ਹੈ। ਕਾਜੋਲ ਫਿਲਮ 'ਚ ਇਕ ਬਹਾਦਰ ਔਰਤ ਦਾ ਕਿਰਦਾਰ ਨਿਭਾਅ ਰਹੀ ਹੈ, ਜੋ ਆਪਣੇ ਬੇਟੇ ਦੀ ਜਾਨਲੇਵਾ ਬੀਮਾਰੀ ਦੇ ਸਾਹਮਣੇ ਕੰਧ ਵਾਂਗ ਖੜ੍ਹੀ ਹੈ। ਫਿਲਮ ਦਾ ਟ੍ਰੇਲਰ ਭਾਵੁਕ ਅਤੇ ਜ਼ਿੰਦਗੀ ਦਾ ਸਬਕ ਸਿਖਾਉਂਦਾ ਹੈ। ਇਸ ਫਿਲਮ ਨਾਲ ਕਾਜੋਲ ਨੇ ਇਕ ਵਾਰ ਫਿਰ ਸਿਲਵਰ ਸਕ੍ਰੀਨ 'ਤੇ ਧਮਾਕੇ ਕਰਨ ਦੀ ਤਿਆਰੀ ਕਰ ਲਈ ਹੈ।
ਫਿਲਮ ਦਾ ਟ੍ਰੇਲਰ ਕਿਹੋ ਜਿਹਾ ਰਿਹਾ?: 'ਸਲਾਮ ਵੈਂਕੀ' ਦਾ 2.17 ਮਿੰਟ ਦਾ ਟ੍ਰੇਲਰ ਮਾਂ- ਬੇਟੇ ਦੀ ਕਹਾਣੀ 'ਤੇ ਆਧਾਰਿਤ ਹੈ। ਕਾਜੋਲ ਇੱਕ ਬਹਾਦਰ ਮਾਂ ਦੇ ਰੂਪ ਵਿੱਚ ਆਪਣੇ ਬੇਟੇ ਦੀ ਜ਼ਿੰਦਗੀ ਨੂੰ ਸੁਧਾਰ ਕਰਨ ਦੀ ਪ੍ਰਕਿਰਿਆ ਵਿੱਚ ਹੈ। ਕਾਜੋਲ ਦਾ ਬੇਟਾ ਇੱਕ ਘਾਤਕ ਬਿਮਾਰੀ ਤੋਂ ਪੀੜਤ ਹੈ, ਜਿਸ ਦੀ ਦੇਖਭਾਲ ਲਈ ਕਾਜੋਲ ਦਿਨ-ਰਾਤ ਮਿਹਨਤ ਕਰ ਰਹੀ ਹੈ। ਇਹ ਫਿਲਮ ਇਕ ਸੱਚੀ ਘਟਨਾ 'ਤੇ ਆਧਾਰਿਤ ਹੈ। ਇਹ ਫਿਲਮ ਬੱਚਿਆਂ ਲਈ ਮਾਂ ਦੇ ਸੰਘਰਸ਼ ਨੂੰ ਬਿਆਨ ਕਰਦੀ ਹੈ।