Adipurush Collection Day 4: ਚੌਥੇ ਦਿਨ ਬਾਕਸ ਆਫਿਸ 'ਤੇ ਢੇਰ ਹੋਈ 'ਆਦਿਪੁਰਸ਼', 75 ਫੀਸਦੀ ਕਮਾਈ ਘਟੀ

Adipurush Collection Day 4: ਚੌਥੇ ਦਿਨ ਆਦਿਪੁਰਸ਼ ਦਾ ਬਾਕਸ ਆਫਿਸ ਕਲੈਕਸ਼ਨ ਦੱਸਦਾ ਹੈ ਕਿ ਲੋਕ ਇਸ ਫਿਲਮ ਦੀਆਂ ਕਈ ਕਮੀਆਂ ਨੂੰ ਲੈ ਕੇ ਕਿੰਨੇ ਨਾਰਾਜ਼ ਹਨ। ਫਿਲਮ ਦੀ ਕਮਾਈ 75 ਫੀਸਦੀ ਤੱਕ ਘੱਟ ਗਈ ਹੈ।

ਹੈਦਰਾਬਾਦ:ਦੇਸ਼ ਭਰ 'ਚ ਵਿਰੋਧ ਦਾ ਸਾਹਮਣਾ ਕਰ ਰਹੀ ਫਿਲਮ ਆਦਿਪੁਰਸ਼ ਨੂੰ ਰਿਲੀਜ਼ ਦੇ ਚੌਥੇ ਦਿਨ ਬਾਕਸ ਆਫਿਸ 'ਤੇ ਵੱਡਾ ਝਟਕਾ ਲੱਗਿਆ ਹੈ। ਫਿਲਮ ਦੀ ਕਮਾਈ 75 ਫੀਸਦੀ ਤੱਕ ਘੱਟ ਗਈ ਹੈ। ਫਿਲਮ ਨੇ ਆਪਣੇ ਪਹਿਲੇ ਦਿਨ ਧਮਾਕਾ ਜ਼ਰੂਰ ਕੀਤਾ ਪਰ ਦਰਸ਼ਕਾਂ ਨੂੰ ਫਿਲਮ ਪਸੰਦ ਨਹੀਂ ਆਈ ਅਤੇ ਸੋਮਵਾਰ (19 ਜੂਨ) ਨੂੰ ਫਿਲਮ ਦਾ ਕਾਰੋਬਾਰ ਠੱਪ ਹੋ ਗਿਆ।

ਹਾਲਾਂਕਿ ਫਿਲਮ ਨੇ ਤਿੰਨ ਦਿਨਾਂ 'ਚ 300 ਕਰੋੜ ਦੇ ਕਲੱਬ 'ਚ ਐਂਟਰੀ ਕਰਕੇ ਕਈ ਵੱਡੀਆਂ ਫਿਲਮਾਂ ਦਾ ਰਿਕਾਰਡ ਤੋੜ ਦਿੱਤਾ ਹੈ। ਪਰ ਫਿਲਮ ਦੇ ਚੌਥੇ ਦਿਨ ਦੇ ਕਲੈਕਸ਼ਨ ਨੇ ਇਹ ਸਾਬਤ ਕਰ ਦਿੱਤਾ ਹੈ ਕਿ ਕੋਈ ਵੀ ਇਸ ਫਿਲਮ ਨੂੰ ਦੇਖਣ ਦਾ ਇੱਛੁਕ ਨਹੀਂ ਹੈ। ਫਿਲਮ ਦੇ ਡਾਇਲਾਗ ਲਿਖਣ ਵਾਲੇ ਲੇਖਕ ਮਨੋਜ ਮੁੰਤਸ਼ੀਰ ਨੂੰ ਇਸ ਫਿਲਮ ਨੂੰ ਲੈ ਕੇ ਸਭ ਤੋਂ ਵੱਧ ਵਿਰੋਧ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਫਿਲਮ ਵਿੱਚ ਅਜਿਹੇ ਸੰਵਾਦ ਅਤੇ ਭਾਸ਼ਾ ਦੀ ਵਰਤੋਂ ਕੀਤੀ ਗਈ ਹੈ, ਜਿਸਦੀ ਕਿਸੇ ਨੇ ਕਲਪਨਾ ਵੀ ਨਹੀਂ ਕੀਤੀ ਸੀ।

ਚੌਥੇ ਦਿਨ ਫਿਲਮ ਦੀ ਕਮਾਈ: ਮੀਡੀਆ ਰਿਪੋਰਟਾਂ ਅਤੇ ਕਈ ਟ੍ਰੇਡ ਐਨਾਲਿਸਟਸ ਦੇ ਮੁਤਾਬਕ ਸੋਮਵਾਰ ਨੂੰ ਫਿਲਮ ਦੀ ਕਮਾਈ 75 ਫੀਸਦੀ ਤੱਕ ਘੱਟ ਗਈ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਫਿਲਮ ਨੇ ਸੋਮਵਾਰ ਨੂੰ ਸਿਰਫ 8 ਤੋਂ 9 ਕਰੋੜ ਦੀ ਕਮਾਈ ਕੀਤੀ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਫਿਲਮ ਨੇ ਪਹਿਲੇ ਦਿਨ 86.75 ਕਰੋੜ ਰੁਪਏ ਦਾ ਕਲੈਕਸ਼ਨ ਕੀਤਾ ਸੀ। ਇਸ ਦੇ ਨਾਲ ਹੀ ਫਿਲਮ ਨੇ ਦੂਜੇ ਦਿਨ 65.25 ਕਰੋੜ ਅਤੇ ਤੀਜੇ ਦਿਨ 67 ਰੁਪਏ ਦੀ ਕਮਾਈ ਕੀਤੀ ਹੈ।

ਇਸ ਦੇ ਨਾਲ ਹੀ ਇਸ ਤੋਂ ਪਹਿਲਾਂ ਐਤਵਾਰ ਨੂੰ ਫਿਲਮ ਨੇ ਵਿਰੋਧ ਪ੍ਰਦਰਸ਼ਨਾਂ ਦੇ ਵਿਚਕਾਰ ਬਾਕਸ ਆਫਿਸ 'ਤੇ ਧਮਾਕੇਦਾਰ ਕਮਾਈ ਕੀਤੀ ਸੀ। ਹੁਣ ਫਿਲਮ ਦਾ ਅੰਦਾਜ਼ਨ ਚਾਰ ਦਿਨਾਂ ਦਾ ਘਰੇਲੂ ਕਲੈਕਸ਼ਨ 113 ਕਰੋੜ ਰੁਪਏ ਹੋ ਗਿਆ ਹੈ। ਇਸ ਦੇ ਨਾਲ ਹੀ ਦੁਨੀਆ ਭਰ 'ਚ ਫਿਲਮ ਦੀ ਕਮਾਈ 350 ਕਰੋੜ ਰੁਪਏ ਦੇ ਕਰੀਬ ਪਹੁੰਚ ਗਈ ਹੈ।