By ETV Bharat Entertainment Team
Published : Nov 27, 2023, 11:07 AM IST
ਚੰਡੀਗੜ੍ਹ: ਪੰਜਾਬੀ ਮਿਊਜ਼ਿਕ ਵੀਡੀਓਜ਼ ਦੇ ਖੇਤਰ ਵਿੱਚ ਚਰਚਿਤ ਚਿਹਰੇ ਵਜੋਂ ਸ਼ੁਮਾਰ ਕਰਵਾਉਂਦੀ ਜਾ ਰਹੀ ਹੈ ਮਾਡਲ-ਅਦਾਕਾਰਾ ਅਵੀਰਾ ਸਿੰਘ ਮੈਸਨ, ਜੋ ਹਾਲ ਹੀ ਵਿੱਚ ਰਿਲੀਜ਼ ਹੋਏ ਅਫ਼ਸਾਨਾ ਖਾਨ ਦੇ ਨਵੇਂ ਗਾਣੇ 'ਬਾਵਰੀ' ਵਿੱਚ ਫੀਚਰਿੰਗ ਕਰਦੀ ਨਜ਼ਰ ਆਈ ਹੈ, ਜੋ ਵੱਖ-ਵੱਖ ਪਲੇਟਫ਼ਾਰਮ 'ਤੇ ਰਿਲੀਜ਼ ਹੋ ਗਿਆ ਹੈ।
'ਮਿਕਸਟੇਪ' ਦੇ ਲੇਬਲ ਅਧੀਨ ਅਤੇ ਰੁਪਾਲੀ ਗੁਪਤਾ ਵੱਲੋਂ ਪੇਸ਼ ਅਤੇ ਨਿਰਮਿਤ ਕੀਤੇ ਗਏ ਉਕਤ ਟਰੈਕ ਦਾ ਸੰਗੀਤ ਟਰਿਪ ਬੀਟਸ ਵੱਲੋਂ ਤਿਆਰ ਕੀਤਾ ਗਿਆ ਹੈ, ਜਦਕਿ ਇਸ ਦੇ ਬੋਲ ਅਤੇ ਕੰਪੋਜੀਸ਼ਨ ਕੈਵੀ ਰਿਆਜ਼ ਦੀ ਹੈ ਅਤੇ ਪ੍ਰੋਜੈਕਟ ਹੈਡ ਰਨ ਕਰਨ ਡੋਪੇ।
ਪੰਜਾਬੀ ਸੰਗੀਤ ਜਗਤ ਵਿੱਚ ਰਿਲੀਜ਼ ਤੋਂ ਪਹਿਲਾਂ ਹੀ ਚਰਚਾ ਦਾ ਕੇਂਦਰ ਬਿੰਦੂ ਬਣ ਗਿਆ ਸੀ ਇਹ ਗੀਤ। ਗਾਇਕਾ ਅਫ਼ਸਾਨਾ ਖਾਨ ਦੇ ਇਸ ਨਵੇਂ ਟਰੈਕ ਦਾ ਮਿਊਜ਼ਿਕ ਵੀਡੀਓ ਵੀ ਬਹੁਤ ਖੂਬਸੂਰਤ ਬਣਾਇਆ ਗਿਆ ਹੈ, ਜਿਸ ਦਾ ਨਿਰਦੇਸ਼ਨ ਹਿਤੇਸ਼ ਅਰੋੜਾ ਦੁਆਰਾ ਕੀਤਾ ਗਿਆ ਹੈ, ਜਿੰਨਾਂ ਅਨੁਸਾਰ ਉਕਤ ਗਾਣੇ ਦੀ ਆਹਲਾ ਕੀਤੀ ਜਾ ਰਹੀ ਪੇਸ਼ਕਾਰੀ ਦੀ ਤਰਾਂ ਮਿਊਜ਼ਿਕ ਵੀਡੀਓ ਨੂੰ ਤਕਨੀਕੀ ਅਤੇ ਫਿਲਮਾਂਕਣ ਪੱਖੋ ਉਤਮ ਦਰਜੇ ਦਾ ਬਣਾਉਣ ਲਈ ਕਾਫ਼ੀ ਤਰੱਦਦ ਅਮਲ ਵਿੱਚ ਲਿਆਂਦੇ ਗਏ ਹਨ, ਜਿੰਨਾਂ ਤੋਂ ਇਲਾਵਾ ਅਵੀਰਾ ਸਿੰਘ ਦੀ ਬੇਹਤਰੀਨ ਰੂਪ ਵਿੱਚ ਕੀਤੀ ਫੀਚਰਿੰਗ ਨੇ ਵੀ ਇਸ ਮਿਊਜ਼ਿਕ ਵੀਡੀਓ ਨੂੰ ਚਾਰ ਚੰਨ ਲਾਉਣ ਵਿੱਚ ਅਹਿਮ ਭੂਮਿਕਾ ਨਿਭਾਈ ਹੈ।
- ਧਾਰਮਿਕ ਗੀਤ 'ਸੋ ਦੁਖੁ ਕੈਸਾ ਪਾਵੇ' ਹੋਇਆ ਰਿਲੀਜ਼, ਇਸ ਗੀਤ ਰਾਹੀ ਪਹਿਲੀ ਵਾਰ ਇਕੱਠੇ ਹੋਏ ਜੱਸੀ ਗਿੱਲ, ਗੁਰਨਾਜ਼ਰ ਅਤੇ ਜਯਾ ਕਿਸ਼ੋਰੀ
- ਪੰਜਾਬੀ ਫਿਲਮ 'ਪਾਰ ਚਨਾ ਦੇ' ਦੀ ਟੀਮ ਪੁੱਜੀ ਲੰਦਨ, ਗੀਤਾਜ ਬਿੰਦਰਖੀਆ ਮੈਂਡੀ ਤੱਖਰ ਨਿਭਾ ਰਹੇ ਨੇ ਲੀਡ ਭੂਮਿਕਾਵਾਂ
- Aaveera Singh Masson: ਚਰਚਿਤ ਮਾਡਲ-ਅਦਾਕਾਰਾ ਅਵੀਰਾ ਸਿੰਘ ਮੈਸਨ ਨੇ ਖਰੀਦੀ ਆਪਣੀ ਪਹਿਲੀ ਲਗਜ਼ਰੀ ਗੱਡੀ, ਮੰਨੇ-ਪ੍ਰਮੰਨੇ ਐਕਟਰਜ਼ ਨੇ ਦਿੱਤੀਆਂ ਵਧਾਈਆਂ
ਉਨਾਂ ਅੱਗੇ ਦੱਸਿਆ ਕਿ ਇਸ ਮਿਊਜ਼ਿਕ ਵੀਡੀਓ ਦੀ ਸ਼ੂਟਿੰਗ ਮੁੰਬਈ ਦੇ ਵੱਖ-ਵੱਖ ਸਟੂਡਿਓਜ਼ ਅਤੇ ਉਥੋਂ ਦੇ ਆਸ-ਪਾਸ ਦੀਆਂ ਹੋਰ ਮਨਮੋਹਕ ਲੋਕੇਸ਼ਨਾਂ 'ਤੇ ਮੁਕੰਮਲ ਕੀਤੀ ਗਈ ਹੈ। ਅਵੀਰਾ ਸਿੰਘ ਮੈਸਨ ਨੇ ਇਸ ਗਾਣੇ ਅਤੇ ਮਿਊਜ਼ਿਕ ਵੀਡੀਓ ਨਾਲ ਪੰਜਾਬੀ ਮੰਨੋਰੰਜਨ ਉਦਯੋਗ ਵਿੱਚ ਇੱਕ ਵਾਰ ਫਿਰ ਸਨਸਨੀ ਪੈਦਾ ਕਰ ਦਿੱਤੀ ਹੈ।
ਮਾਡਲ-ਅਦਾਕਾਰਾ ਅਵੀਰਾ ਸਿੰਘ ਦੇ ਹਾਲੀਆ ਕਰੀਅਰ ਵੱਲ ਨਜ਼ਰਸਾਨੀ ਕੀਤੀ ਜਾਵੇ ਤਾਂ ਉਹਨਾਂ ਦੀ ਸ਼ਾਨਦਾਰ ਅਦਾਕਾਰੀ ਨਾਲ ਸਜੇ ਕਈ ਮਿਊਜ਼ਿਕ ਵੀਡੀਓ ਸਫਲਤਾ ਅਤੇ ਮਕਬੂਲੀਅਤ ਦੇ ਨਵੇਂ ਆਯਾਮ ਕਾਇਮ ਕਰਨ ਵਿੱਚ ਸਫ਼ਲ ਰਹੇ ਹਨ, ਜਿੰਨਾਂ ਵਿੱਚ ਕਰਨ ਔਜਲਾ ਦਾ 'ਝਾਂਜਰ', ਹੈਪੀ ਰਾਏਕੋਟੀ ਅਤੇ ਸਿਮਰ ਕੌਰ ਦਾ 'ਜੱਟਾ ਤੇਰੀ ਹੈਬਟ ਕੀ ਹੈ', ਗਿੱਪੀ ਗਰੇਵਾਲ ਦਾ ਗਾਇਆ 'ਚਿੱਤ ਕਰੇ', ਗਗਨ ਕੋਕਰੀ ਅਤੇ ਗੁਰਲੇਜ਼ ਅਖ਼ਤਰ ਦਾ 'ਸੋਹਣਾ ਯਾਰ', ਰਣਜੀਤ ਬਾਵਾ-ਬੰਟੀ ਬੈਂਸ ਅਤੇ ਦੇਸੀ ਕਰਾਓ ਦਾ 'ਲੋਡ', ਯੁਵਰਾਜ ਹੰਸ ਦਾ 'ਸੂਟ' ਆਦਿ ਸ਼ੁਮਾਰ ਰਹੇ ਹਨ।
