ਮੁੰਬਈ (ਬਿਊਰੋ): ਸ਼ਾਹਰੁਖ ਖਾਨ ਦੀ ਤੂਫਾਨੀ ਫਿਲਮ 'ਪਠਾਨ' ਦੀ ਕਮਾਈ ਦਾ ਤੂਫਾਨ ਰੁਕਣ ਦਾ ਨਾਂ ਨਹੀਂ ਲੈ ਰਿਹਾ ਹੈ। ਫਿਲਮ ਨੇ ਆਪਣੇ ਪਹਿਲੇ ਦਿਨ ਤੋਂ ਹੀ ਬਾਕਸ ਆਫਿਸ 'ਤੇ ਦਬਦਬਾ ਬਣਾਇਆ ਅਤੇ 5 ਦਿਨਾਂ 'ਚ 500 ਕਰੋੜ ਰੁਪਏ ਤੋਂ ਜ਼ਿਆਦਾ ਦੀ ਕਮਾਈ ਕਰਕੇ ਰਿਕਾਰਡ ਹੋਲਡਰ ਫਿਲਮ ਸਾਬਤ ਹੋਈ। ਹੁਣ ਫਿਲਮ ਦੀ ਛੇਵੇਂ ਦਿਨ ਦੀ ਕਮਾਈ ਸਾਹਮਣੇ ਆ ਗਈ ਹੈ। ਫਿਲਮ ਨੇ 6 ਦਿਨਾਂ 'ਚ 600 ਕਰੋੜ ਦਾ ਅੰਕੜਾ ਪਾਰ ਕਰ ਲਿਆ ਹੈ। ਫਿਲਮ ਵਰਕਿੰਗ ਡੇਅ 'ਤੇ ਭਾਵੇਂ ਘੱਟ ਕਲੈਕਸ਼ਨ ਕਰ ਰਹੀ ਹੈ ਪਰ ਛੁੱਟੀ ਵਾਲੇ ਦਿਨ ਫਿਲਮ ਕਾਫੀ ਕਮਾਈ ਕਰ ਰਹੀ ਹੈ।
ਤੁਹਾਨੂੰ ਦੱਸ ਦੇਈਏ ਕਿ ਪਠਾਨ ਦੀ ਛੇਵੇਂ ਦਿਨ ਦੀ ਕਮਾਈ ਬਾਕਸ ਆਫਿਸ ਇੰਡੀਆ ਦੀ ਰਿਪੋਰਟ ਮੁਤਾਬਕ ਪਠਾਨ ਨੇ ਆਪਣੇ ਛੇਵੇਂ ਦਿਨ (ਸੋਮਵਾਰ) ਘਰੇਲੂ ਬਾਕਸ ਆਫਿਸ 'ਤੇ 25 ਕਰੋੜ ਰੁਪਏ ਦਾ ਕਾਰੋਬਾਰ ਕਰ ਲਿਆ ਹੈ। ਇਸ ਦੇ ਨਾਲ ਹੀ ਫਿਲਮ ਦਾ ਭਾਰਤੀ ਬਾਕਸ ਆਫਿਸ ਕਲੈਕਸ਼ਨ 295 ਕਰੋੜ ਹੋ ਗਿਆ ਹੈ। ਦੁਨੀਆ ਭਰ 'ਚ ਫਿਲਮ ਨੇ ਸਿਰਫ 6 ਦਿਨਾਂ 'ਚ 600 ਕਰੋੜ ਦੀ ਕਮਾਈ ਕਰ ਲਈ ਹੈ।
KGF-2 ਦਾ ਤੋੜਿਆ ਰਿਕਾਰਡ:'ਬਾਹੂਬਲੀ-2' (40.25 ਕਰੋੜ) ਪਹਿਲੇ ਸੋਮਵਾਰ ਦੀ ਕਮਾਈ ਸੂਚੀ 'ਚ ਟਾਪ 'ਤੇ ਹੈ। ਇਸ ਤੋਂ ਬਾਅਦ ਸੋਮਵਾਰ ਨੂੰ 'ਟਾਈਗਰ ਜ਼ਿੰਦਾ ਹੈ' (36.54 ਕਰੋੜ), 'ਹਾਊਸਫੁੱਲ 4 (34.56 ਕਰੋੜ), 'ਕ੍ਰਿਸ਼' (33.41 ਕਰੋੜ) ਅਤੇ 'ਬਜਰੰਗੀ ਭਾਈਜਾਨ' (27.05 ਕਰੋੜ) ਸੋਮਵਾਰ ਨੂੰ ਵੱਡੇ ਕਲੈਕਸ਼ਨ ਦੀ ਸੂਚੀ 'ਚ ਹਨ। ਇਸ ਦੇ ਨਾਲ ਹੀ ਮਹਾਂਮਾਰੀ ਤੋਂ ਬਾਅਦ ਰਿਲੀਜ਼ ਹੋਈ ਫਿਲਮ KGF-2 ਨੇ ਪਹਿਲੇ ਸੋਮਵਾਰ (25 ਕਰੋੜ) ਦਾ ਕਲੈਕਸ਼ਨ ਕੀਤਾ, ਜੋ ਪਠਾਨ ਤੋਂ ਘੱਟ ਹੈ।
ਤੁਹਾਨੂੰ ਦੱਸ ਦੇਈਏ ਫਿਲਮ ਪਠਾਨ ਨੇ 55 ਕਰੋੜ ਦੀ ਓਪਨਿੰਗ ਕਰਕੇ ਬਾਕਸ ਆਫਿਸ 'ਤੇ ਹਲਚਲ ਮਚਾ ਦਿੱਤੀ ਸੀ। ਇਸ ਦੇ ਨਾਲ ਹੀ ਫਿਲਮ ਨੂੰ ਰਿਲੀਜ਼ ਹੋਏ ਇਕ ਹਫਤਾ ਵੀ ਨਹੀਂ ਹੋਇਆ ਹੈ ਅਤੇ ਫਿਲਮ ਦਾ ਕੁਲੈਕਸ਼ਨ 600 ਕਰੋੜ ਨੂੰ ਪਾਰ ਕਰ ਗਿਆ ਹੈ। ਉਮੀਦ ਕੀਤੀ ਜਾ ਰਹੀ ਹੈ ਕਿ ਫਿਲਮ ਪਠਾਨ ਆਪਣੇ ਲਾਈਫਟਾਈਮ ਕਲੈਕਸ਼ਨ 'ਚ ਮੋਟੀ ਕਮਾਈ ਕਰ ਸਕਦੀ ਹੈ।
ਇਹ ਵੀ ਪੜ੍ਹੋ:Priyanka Chopra Daughter Malti Marie Pics: ਪ੍ਰਿਅੰਕਾ ਚੋਪੜਾ ਨੇ ਪਹਿਲੀ ਵਾਰ ਦਿਖਾਇਆ ਆਪਣੀ ਲਾਡਲੀ ਮਾਲਤੀ ਦਾ ਚਿਹਰਾ
