ਮੁੰਬਈ (ਬਿਊਰੋ):ਸ਼ਾਹਰੁਖ ਖਾਨ ਦੀ ਐਕਸ਼ਨ ਨਾਲ ਭਰਪੂਰ ਫਿਲਮ 'ਪਠਾਨ' ਨੇ ਪਹਿਲੇ ਦਿਨ 70 ਕਰੋੜ ਦੀ ਕਮਾਈ ਕਰਕੇ ਬਾਕਸ ਆਫਿਸ 'ਤੇ ਧਮਾਲ ਮਚਾ ਦਿੱਤਾ ਹੈ। 'ਪਠਾਨ' ਨੇ ਇਹ ਕਾਰਨਾਮਾ 26 ਜਨਵਰੀ ਦੀ ਛੁੱਟੀ 'ਤੇ ਕੀਤਾ ਸੀ। ਇਸ ਦੇ ਨਾਲ ਹੀ 25 ਜਨਵਰੀ ਨੂੰ ਬਿਨਾਂ ਛੁੱਟੀ ਵਾਲੇ ਦਿਨ ਰਿਲੀਜ਼ ਹੋਈ ਇਸ ਫਿਲਮ ਨੇ ਭਾਰਤੀ ਬਾਕਸ ਆਫਿਸ 'ਤੇ 57 ਕਰੋੜ ਰੁਪਏ ਦਾ ਖਾਤਾ ਖੋਲ੍ਹਿਆ ਹੈ। ਹੁਣ ਫਿਲਮ ਦੀ ਤੀਜੇ ਦਿਨ ਦੀ ਕਮਾਈ ਸਾਹਮਣੇ ਆ ਗਈ ਹੈ। ਪਹਿਲੇ ਅਤੇ ਦੂਜੇ ਦਿਨ ਦੇ ਮੁਕਾਬਲੇ ਤੀਜੇ ਦਿਨ 'ਪਠਾਨ' ਦੀ ਕਮਾਈ ਬਹੁਤ ਘੱਟ ਹੈ। ਹਾਲਾਂਕਿ, ਫਿਲਮ ਨੇ ਦੁਨੀਆ ਭਰ ਵਿੱਚ 300 ਕਰੋੜ ਰੁਪਏ ਦਾ ਅੰਕੜਾ ਪਾਰ ਕਰ ਲਿਆ ਹੈ ਅਤੇ ਭਾਰਤੀ ਬਾਕਸ ਆਫਿਸ 'ਤੇ 150 ਰੁਪਏ ਦਾ ਅੰਕੜਾ ਪਾਰ ਕਰ ਲਿਆ ਹੈ।
'ਪਠਾਨ' ਨੇ ਤੀਜੇ ਦਿਨ ਘਰੇਲੂ ਬਾਕਸ ਆਫਿਸ 'ਤੇ 34 ਕਰੋੜ ਰੁਪਏ ਦੀ ਕਮਾਈ ਕੀਤੀ ਹੈ, ਜੋ ਦੂਜੇ ਦਿਨ ਦੇ ਕੁਲੈਕਸ਼ਨ (70 ਕਰੋੜ) ਦਾ ਅੱਧਾ ਵੀ ਨਹੀਂ ਹੈ। ਪਠਾਨ ਨੇ ਦੂਜੇ ਦਿਨ ਦੀ ਕਮਾਈ 'ਚ ਹਿੰਦੀ ਬੈਲਟ 'ਚ ਸਾਰੇ ਰਿਕਾਰਡ ਤੋੜ ਦਿੱਤੇ ਸਨ ਪਰ ਤੀਜੇ ਦਿਨ ਦੀ ਕਮਾਈ 'ਚ ਇਹ 'ਦੰਗਲ', 'ਬਾਹੂਬਲੀ-2' ਅਤੇ 'ਕੇਜੀਐੱਫ-2' ਤੋਂ ਕਾਫੀ ਪਿੱਛੇ ਰਹਿ ਗਈ ਹੈ।