ਮੁੰਬਈ: ਬਾਲੀਵੁੱਡ ਦੇ ਬਾਦਸ਼ਾਹ ਸ਼ਾਹਰੁਖ ਖਾਨ ਹੁਣ ਫਿਲਮ ਇੰਡਸਟਰੀ ਦੇ ਪਠਾਨ ਬਣ ਗਏ ਹਨ। ਸ਼ਾਹਰੁਖ ਖਾਨ ਦੀ ਫਿਲਮ 'ਪਠਾਨ' ਨੇ ਉਹ ਕੰਮ ਕੀਤਾ ਹੈ, ਜਿਸ ਦੀ ਉਨ੍ਹਾਂ ਤੋਂ ਉਮੀਦ ਸੀ। ਪਠਾਨ ਦੀ ਰਿਲੀਜ਼ ਨੂੰ ਇੱਕ ਹਫਤਾ ਹੋ ਗਿਆ ਹੈ ਅਤੇ ਫਿਲਮ ਦੁਨੀਆ ਭਰ ਦੇ ਬਾਕਸ ਆਫਿਸ 'ਤੇ ਸ਼ਾਨਦਾਰ ਪ੍ਰਦਰਸ਼ਨ ਕਰ ਰਹੀ ਹੈ। ਫਿਲਮ ਨੇ ਸੱਤਵੇਂ ਦਿਨ ਬਾਕਸ ਆਫਿਸ 'ਤੇ ਕਿੰਨੀ ਕਮਾਈ ਕੀਤੀ। ਆਓ ਜਾਣਦੇ ਹਾਂ ਸੱਤਵੇਂ ਦਿਨ ਦੀ ਕਮਾਈ 'ਤੇ ਪਠਾਨ ਦੀ ਘਰੇਲੂ ਅਤੇ ਦੁਨੀਆ ਭਰ 'ਚ ਕਿੰਨੀ ਰਹੀ ਕਮਾਈ। ਪਠਾਨ ਨੇ ਸੱਤਵੇਂ ਦਿਨ ਕਿੰਨੀ ਕਮਾਈ ਕੀਤੀ?
25 ਜਨਵਰੀ ਨੂੰ ਰਿਲੀਜ਼ ਹੋਈ 55 ਕਰੋੜ ਦਾ ਖਾਤਾ ਖੋਲ੍ਹਣ ਵਾਲੀ ਫਿਲਮ ਪਠਾਨ ਨੇ ਭਾਰਤੀ ਬਾਕਸ ਆਫਿਸ 'ਤੇ ਸੱਤਵੇਂ ਦਿਨ 21 ਕਰੋੜ ਰੁਪਏ ਦੀ ਕਮਾਈ ਕਰ ਲਈ ਹੈ। ਘਰੇਲੂ ਬਾਕਸ ਆਫਿਸ 'ਤੇ ਪਠਾਨ ਦਾ ਕਲੈਕਸ਼ਨ 350 ਕਰੋੜ ਰੁਪਏ ਦੇ ਨੇੜੇ ਹੈ। ਪਠਾਨ ਦਾ ਸੱਤ ਦਿਨਾਂ ਦਾ ਕੁਲੈਕਸ਼ਨ 328.50 ਕਰੋੜ ਰੁਪਏ ਹੋ ਗਿਆ ਹੈ। ਫਿਲਮ ਨੇ 6 ਦਿਨਾਂ ਵਿੱਚ ਸਭ ਤੋਂ ਤੇਜ਼ੀ ਨਾਲ 300 ਕਰੋੜ ਦਾ ਅੰਕੜਾ ਪਾਰ ਕਰਕੇ ਇੱਕ ਵੱਡਾ ਰਿਕਾਰਡ ਬਣਾਇਆ ਅਤੇ ਬਾਹੂਬਲੀ-2 ਅਤੇ ਕੇਜੀਐਫ-2 ਸਮੇਤ ਸੱਤ ਹਿੰਦੀ ਫਿਲਮਾਂ ਨੂੰ ਮਾਤ ਦਿੱਤੀ।