ਚੰਡੀਗੜ੍ਹ: ਗਾਇਕ ਪਰਮੀਸ਼ ਵਰਮਾ ਨੇ ਕੁਝ ਸਮਾਂ ਪਹਿਲਾਂ ਖੁਸ਼ਖਬਰੀ ਸਾਂਝੀ ਕੀਤੀ ਸੀ ਕਿ ਉਹ 2 ਤੋਂ 3 ਦੇ ਹੋ ਗਏ ਹਨ। ਜੀ ਹਾਂ...ਪਿਛਲੇ ਸਾਲ ਪਰਮੀਸ਼ ਵਰਮਾ ਧੀ ਸਦਾ ਦੇ ਪਿਤਾ ਬਣ ਗਏ ਸਨ। ਇਸ ਬਾਰੇ ਪਰਮੀਸ਼ ਨੇ ਖੁਦ ਸੋਸ਼ਲ ਮੀਡੀਆ 'ਤੇ ਪੋਸਟ ਸ਼ੇਅਰ ਕਰਕੇ ਜਾਣਕਾਰੀ ਦਿੱਤੀ ਸੀ। ਇਸ ਤੋਂ ਇਲਾਵਾ ਵੀ ਅਦਾਕਾਰ-ਗਾਇਕ ਆਏ ਦਿਨ ਆਪਣੀ ਬੇਟੀ ਸਦਾ ਦੀਆਂ ਵੀਡੀਓਜ਼ ਅਤੇ ਤਸਵੀਰਾਂ ਸਾਂਝੀਆਂ ਕਰਦਾ ਰਹਿੰਦਾ ਹੈ।
ਪਰ ਹੁਣ ਜਿਸ ਗੱਲ ਕਾਰਨ ਗਾਇਕ ਚਰਚਾ ਦਾ ਵਿਸ਼ਾ ਬਣਿਆ ਹੋਇਆ ਹੈ ਉਹ ਹੈ ਗਾਇਕ ਦਾ ਨਵਾਂ ਗੀਤ। ਇਸ ਗੀਤ ਦੀ ਖਾਸੀਅਤ ਇਹ ਹੈ ਕਿ ਇਸ ਗੀਤ ਰਾਹੀਂ ਗਾਇਕ ਆਪਣੀ ਧੀ ਸਦਾ ਨੂੰ ਚਿੱਠੀ ਲਿਖ ਰਿਹਾ ਹੈ। ਇਸ ਬਾਰੇ ਗਾਇਕ ਨੇ ਖੁਦ ਇੰਸਟਾਗ੍ਰਾਮ ਪੋਸਟ ਰਾਹੀਂ ਦੱਸਿਆ।
ਜੀ ਹਾਂ...ਗਾਇਕ ਪਰਮੀਸ਼ ਵਰਮਾ ਨੇ 'ਟੌਹਰ ਨਾਲ ਛੜਾ' ਤੋਂ 'ਨੋ ਮੋਰ ਛੜਾ' ਤੱਕ ਦੇ ਆਪਣੇ ਸਫ਼ਰ ਨੂੰ ਬਹੁਤ ਹੀ ਖੂਬਸੂਰਤੀ ਨਾਲ ਵਿਅਕਤ ਕੀਤਾ ਹੈ ਅਤੇ ਹੁਣ ਉਹ ਇੱਕ ਪਿਆਰੀ ਧੀ ਸਦਾ ਦੀ ਬਖਸ਼ਿਸ਼ ਨਾਲ ਪਾਲਣ ਪੋਸ਼ਣ ਨੂੰ ਗਲੇ ਲਗਾ ਰਿਹਾ ਹੈ। ਗਾਇਕ ਨੂੰ ਅਕਸਰ ਆਪਣੀ ਜ਼ਿੰਦਗੀ ਜਾਂ ਉਸਦੇ ਆਲੇ ਦੁਆਲੇ ਵਾਪਰ ਰਹੀਆਂ ਚੀਜ਼ਾਂ ਬਾਰੇ ਗਾਣਿਆਂ ਨੂੰ ਗਾਉਂਦੇ ਦੇਖਿਆ ਗਿਆ ਹੈ ਅਤੇ ਸ਼ਾਇਦ ਇਸੇ ਲਈ ਉਹ ਆਪਣਾ ਅਗਲਾ ਗੀਤ ਆਪਣੀ ਬੱਚੀ ਸਦਾ ਨੂੰ ਸਮਰਪਿਤ ਕਰ ਰਿਹਾ ਹੈ।
- Munda Southal Da Release Date: ਤਨੂੰ ਗਰੇਵਾਲ-ਅਰਮਾਨ ਬੇਦਿਲ ਦੀ ਫਿਲਮ 'ਮੁੰਡਾ ਸਾਊਥਾਲ ਦਾ' ਦੀ ਰਿਲੀਜ਼ ਮਿਤੀ ਦਾ ਐਲਾਨ, ਇਸ ਸਤੰਬਰ ਹੋਵੇਗੀ ਰਿਲੀਜ਼
- Unseen Pictures: ਪਰਿਣੀਤੀ ਚੋਪੜਾ-ਰਾਘਵ ਚੱਢਾ ਦੀ ਮੰਗਣੀ ਦੀਆਂ ਨਵੀਆਂ ਤਸਵੀਰਾਂ ਆਈਆਂ ਸਾਹਮਣੇ, ਆਸ਼ੀਰਵਾਦ ਲੈਂਦੀ ਨਜ਼ਰ ਆਈ ਜੋੜੀ
- ਫਿਲਮ ਦੇ ਸੈੱਟ 'ਤੇ ਮਿਲੀ ਬਜ਼ੁਰਗ ਔਰਤ ਨੂੰ ਦੇਖ ਕੇ ਸੋਨਮ ਬਾਜਵਾ ਨੂੰ ਆਈ ਆਪਣੀ ਦਾਦੀ ਦੀ ਯਾਦ, ਸਾਂਝੀ ਕੀਤੀ ਪੋਸਟ
ਪੰਜਾਬੀ ਗਾਇਕ ਹੁਣ ਆਪਣੇ ਨਵੇਂ ਗੀਤ 'ਨੀ ਕੁੜੀਏ ਤੂੰ' ਨਾਲ ਮਿਊਜ਼ਿਕ ਚਾਰਟ 'ਤੇ ਜਗ੍ਹਾ ਬਣਾਉਣ ਜਾ ਰਹੇ ਹਨ। 23 ਮਈ 2023 ਨੂੰ ਰਿਲੀਜ਼ ਹੋਣ ਵਾਲੇ ਇਸ ਗੀਤ ਦਾ ਪੋਸਟਰ ਰਿਲੀਜ਼ ਹੋ ਗਿਆ ਹੈ। ਇਸ ਵਿੱਚ ਇੱਕ ਆਦਮੀ ਅਤੇ ਬੱਚਾ ਇੱਕ ਰਿੰਗ ਵਿੱਚ ਮੁੱਕੇਬਾਜ਼ੀ ਦੀ ਕੋਸ਼ਿਸ਼ ਕਰਦੇ ਹੋਏ ਦਿਖਾਇਆ ਗਿਆ ਹੈ ਅਤੇ ਟੈਕਸਟ ਲਿਖਿਆ ਹੈ 'ਨੀ ਕੁੜੀਏ ਤੂੰ...ਮੇਰੀ ਧੀ ਨੂੰ ਪੱਤਰ'। ਪਰਮੀਸ਼ ਵੱਲੋਂ ਗਾਇਆ ਇਸ ਗੀਤ ਦੇ ਬੋਲ ਲਾਡੀ ਚਾਹਲ ਨੇ ਅਤੇ ਸੰਗੀਤ ਸ਼ੇਖ ਨੇ ਦਿੱਤਾ ਹੈ।
ਦੱਸ ਦੇਈਏ ਕਿ ਪਰਮੀਸ਼ ਵਰਮਾ ਨੇ 2021 ਵਿੱਚ ਗਰਲਫਰੈਂਡ ਗੀਤ ਨਾਲ ਵਿਆਹ ਕੀਤਾ ਸੀ ਅਤੇ ਅਪ੍ਰੈਲ 2022 ਵਿੱਚ ਉਸਨੇ ਘੋਸ਼ਣਾ ਕੀਤੀ ਕਿ ਉਸਦੀ ਪਤਨੀ ਜਲਦੀ ਹੀ ਆਪਣੇ ਪਹਿਲੇ ਬੱਚੇ ਨੂੰ ਜਨਮ ਦੇਵੇਗੀ। ਇਸ ਤੋਂ ਬਾਅਦ ਉਨ੍ਹਾਂ ਦੀ ਪਤਨੀ ਗੀਤ ਦੇ ਬੇਬੀ ਸ਼ਾਵਰ ਦੀਆਂ ਤਸਵੀਰਾਂ ਵੀ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਗਈਆਂ ਸਨ। ਪਰਮੀਸ਼ ਪੰਜਾਬੀ ਐਂਟਰਟੇਨਮੈਂਟ ਇੰਡਸਟਰੀ 'ਚ ਕਾਫੀ ਧੂਮ ਮਚਾ ਰਹੇ ਹਨ। ਨੌਜਵਾਨ ਉਸ ਦੇ ਗੀਤਾਂ 'ਤੇ ਖੂਬ ਡਾਂਸ ਕਰਦੇ ਹਨ ਅਤੇ ਯੂ-ਟਿਊਬ 'ਤੇ ਵੀ ਕਾਫੀ ਹਿੱਟ ਹੁੰਦੇ ਹਨ। ਗਾਇਕ ਨੂੰ ਇੰਸਟਾਗ੍ਰਾਮ ਉਤੇ 7.9 ਮਿਲੀਅਨ ਲੋਕ ਫਾਲੋ ਕਰਦੇ ਹਨ।
