Celebs Got Married In Rajasthan: ਪਰਿਣੀਤੀ ਚੋਪੜਾ-ਰਾਘਵ ਚੱਢਾ ਹੀ ਨਹੀਂ, ਇਨ੍ਹਾਂ ਬਾਲੀਵੁੱਡ ਹਸਤੀਆਂ ਨੇ ਵੀ ਲਏ ਨੇ ਰਾਜਸਥਾਨ ਵਿੱਚ ਸੱਤ ਫੇਰੇ

Parineeti Raghav Wedding: ਅਦਾਕਾਰਾ ਪਰਿਣੀਤੀ ਚੋਪੜਾ ਅਤੇ ਰਾਘਵ ਚੱਢਾ ਰਾਜਸਥਾਨ ਵਿੱਚ ਸ਼ਾਹੀ ਅੰਦਾਜ਼ ਵਿੱਚ ਵਿਆਹ ਕਰਨਗੇ। ਇਸ ਜੋੜੇ ਤੋਂ ਪਹਿਲਾਂ ਰਾਜਸਥਾਨ 'ਚ ਕਈ ਮਸ਼ਹੂਰ ਹਸਤੀਆਂ ਨੇ ਸ਼ਾਹੀ ਅੰਦਾਜ਼ 'ਚ ਵਿਆਹ ਕਰਵਾਇਆ ਸੀ। ਹੁਣ ਇਥੇ ਅਸੀਂ ਅਜਿਹੀਆਂ ਹੀ ਜੋੜੀਆਂ ਦੀ ਸੂਚੀ ਲੈ ਕੇ ਆਏ ਹਾਂ, ਜਿਹਨਾਂ ਨੇ ਉਦੈਪੁਰ ਵਿੱਚ ਸੱਤ ਫੇਰੇ ਲਏ ਸਨ।

ਮੁੰਬਈ: ਐਸਾ ਦੇਸ਼ ਹੈ ਮੇਰਾ...ਜੀ ਹਾਂ, ਸੋਹਣੇ ਢੰਗ ਨਾਲ ਸਜੇ ਸ਼ਾਹੀ ਮਹਿਲ, ਸੁੰਦਰ ਸਜਾਏ ਸ਼ਹਿਰ ਅਤੇ ਰੰਗ-ਬਿਰੰਗੇ ਸ਼ਾਹੀ ਰਸਾਂ ਵਿੱਚ ਡੁੱਬਿਆ ਰਾਜਸਥਾਨ ਹਰ ਸਾਲ ਵੱਡੀ ਗਿਣਤੀ ਵਿੱਚ ਸੈਲਾਨੀਆਂ ਨੂੰ ਆਪਣੇ ਵੱਲ ਆਕਰਸ਼ਿਤ ਕਰਦਾ ਹੈ। ਹੁਣ ਜੇਕਰ ਵਿਆਹ ਦੀ ਗੱਲ ਕਰੀਏ ਤਾਂ ਪਿਆਰੀ ਕਰਨ ਵਾਲਿਆਂ ਦੀ ਪਹਿਲੀ ਪਸੰਦ ਰਾਜਸਥਾਨ ਹੈ। ਸੁੰਦਰਤਾ ਨਾਲ ਅੋਤਪੋਤ ਇਹਨਾਂ ਦੀਵਾਰਾਂ ਦੇ ਵਿਚਕਾਰ ਜੀਵਨ ਲਈ ਆਪਣੇ ਸਾਥੀ ਦਾ ਹੱਥ ਫੜਨਾ ਇੱਕ ਸੁੰਦਰ ਸੁਪਨਾ ਹੈ, ਜਿਸਨੂੰ ਪਰਿਣੀਤੀ ਚੋਪੜਾ ਅਤੇ ਰਾਘਵ ਚੱਢਾ ਪੂਰਾ ਕਰਨ ਜਾ ਰਹੇ ਹਨ। ਇਸ ਜੋੜੇ ਤੋਂ ਪਹਿਲਾਂ ਵੀ ਫਿਲਮ ਇੰਡਸਟਰੀ ਦੇ ਕਈ ਸਿਤਾਰਿਆਂ ਨੇ ਸ਼ਾਹੀ ਅੰਦਾਜ਼ 'ਚ ਵਿਆਹ ਕੀਤਾ ਸੀ, ਵੇਖੋ ਲਿਸਟ...।

ਪਰਿਣੀਤੀ ਚੋਪੜਾ-ਰਾਘਵ ਚੱਢਾ: ਪਰਿਣੀਤੀ ਚੋਪੜਾ-ਰਾਘਵ ਚੱਢਾ ਰਾਜਨੀਤੀ ਅਤੇ ਫਿਲਮ ਇੰਡਸਟਰੀ ਦੀਆਂ ਵੱਡੀਆਂ ਹਸਤੀਆਂ ਵਿੱਚੋਂ ਇੱਕ ਹਨ। 24 ਸਤੰਬਰ 2023 (ਐਤਵਾਰ) ਨੂੰ ਆਖਿਰਕਾਰ ਦੋਵੇਂ ਹਮੇਸ਼ਾ ਲਈ ਇਕ ਦੂਜੇ ਦਾ ਹੱਥ ਫੜਨ ਜਾ ਰਹੇ ਹਨ। ਵਿਆਹ ਦੀਆਂ ਕਈ ਰਸਮਾਂ ਧੂਮ-ਧਾਮ ਨਾਲ ਕੀਤੀਆਂ ਜਾ ਰਹੀਆਂ ਹਨ ਅਤੇ ਦੋਵੇਂ ਤਿਆਰੀਆਂ 'ਚ ਰੁੱਝੇ ਹੋਏ ਹਨ। ਜਾਣਕਾਰੀ ਮੁਤਾਬਕ ਰਾਘਵ ਅਤੇ ਪਰਿਣੀਤੀ ਦਾ ਵਿਆਹ ਉਦੈਪੁਰ ਦੇ ਮਸ਼ਹੂਰ ਜਲ ਮਹਿਲ 'ਚ ਹੋਵੇਗਾ। ਨਜ਼ਾਰਾ ਸੱਚਮੁੱਚ ਦੇਖਣ ਯੋਗ ਹੋਵੇਗਾ।

ਪ੍ਰਿਅੰਕਾ ਚੋਪੜਾ-ਨਿਕ ਜੋਨਸ: ਗਲੋਬਲ ਸਟਾਰ ਪ੍ਰਿਅੰਕਾ ਚੋਪੜਾ ਅਤੇ ਹਾਲੀਵੁੱਡ ਗਾਇਕ-ਅਦਾਕਾਰ ਨਿਕ ਜੋਨਸ ਨੇ ਵੀ ਰਾਜਸਥਾਨ ਵਿੱਚ ਸ਼ਾਹੀ ਅੰਦਾਜ਼ ਵਿੱਚ ਵਿਆਹ ਕੀਤਾ। ਪ੍ਰਿਅੰਕਾ-ਨਿਕ ਦਾ ਵਿਆਹ ਜੋਧਪੁਰ ਦੇ ਉਮੇਦ ਭਵਨ ਪੈਲੇਸ ਵਿੱਚ ਹੋਇਆ ਸੀ। ਪ੍ਰਿਅੰਕਾ ਅਤੇ ਨਿਕ ਦਾ ਵਿਆਹ 1 ਅਤੇ 2 ਦਸੰਬਰ ਨੂੰ ਦੋ ਰੀਤੀ-ਰਿਵਾਜਾਂ ਨਾਲ ਹੋਇਆ ਸੀ। ਵਿਆਹ 'ਚ ਪ੍ਰਿਅੰਕਾ ਨੇ ਲਾਲ ਰੰਗ ਦਾ ਪਹਿਰਾਵਾ ਪਾਇਆ ਸੀ ਜਦਕਿ ਨਿਕ ਨੇ ਆਫ-ਵਾਈਟ ਪਹਿਰਾਵਾ ਪਾਇਆ ਸੀ।

ਕਿਆਰਾ ਅਡਵਾਨੀ-ਸਿਧਾਰਥ ਮਲਹੋਤਰਾ: ਫਿਲਮ ਇੰਡਸਟਰੀ ਦੀ ਖੂਬਸੂਰਤ ਜੋੜੀ, ਜਿਸਦਾ ਹਾਲ ਹੀ ਵਿੱਚ ਵਿਆਹ ਹੋਇਆ ਹੈ, ਜੀ ਹਾਂ...ਅਸੀਂ ਗੱਲ ਕਰ ਰਹੇ ਹਾਂ ਸਿਧਾਰਥ ਮਲਹੋਤਰਾ ਅਤੇ ਕਿਆਰਾ ਅਡਵਾਨੀ ਦੀ। 7 ਫਰਵਰੀ ਨੂੰ ਜੈਸਲਮੇਰ ਦੇ ਸ਼ਾਹੀ ਸੂਰਜਗੜ੍ਹ ਕਿਲ੍ਹੇ 'ਚ ਦੋਹਾਂ ਨੇ ਜ਼ਿੰਦਗੀ ਭਰ ਲਈ ਇਕ-ਦੂਜੇ ਦਾ ਹੱਥ ਫੜਿਆ ਅਤੇ ਸੱਤ ਫੇਰੇ ਲੈਣ ਤੋਂ ਬਾਅਦ ਸੱਤ ਵਾਅਦੇ ਕਰਕੇ ਇਕ ਦੂਜੇ ਦੇ ਹੋ ਗਏ। ਦੋਵਾਂ ਦੇ ਕਰੀਬੀ ਰਿਸ਼ਤੇਦਾਰ ਅਤੇ ਮਸ਼ਹੂਰ ਹਸਤੀਆਂ ਨੇ ਮਹਿਮਾਨਾਂ ਦੇ ਤੌਰ 'ਤੇ ਸ਼ਾਹੀ ਸੂਰਜਗੜ੍ਹ ਕਿਲੇ 'ਚ ਸ਼ਿਰਕਤ ਕੀਤੀ ਸੀ।

ਕੈਟਰੀਨਾ ਕੈਫ-ਵਿੱਕੀ ਕੌਸ਼ਲ: ਰਾਜਸਥਾਨ ਵਿੱਚ ਸ਼ਾਨਦਾਰ ਸ਼ਾਹੀ ਵਿਆਹ ਕਰਨ ਵਾਲੇ ਸੈਲੇਬਸ ਦੀ ਸੂਚੀ ਵਿੱਚ ਗਲੈਮਰਸ ਅਦਾਕਾਰਾ ਕੈਟਰੀਨਾ ਕੈਫ ਅਤੇ ਪੰਜਾਬੀ ਮੁੰਡਾ ਵਿੱਕੀ ਕੌਸ਼ਲ ਦਾ ਨਾਂ ਵੀ ਸ਼ਾਮਲ ਹੈ। ਕੈਟ-ਵਿੱਕੀ ਨੇ 9 ਦਸੰਬਰ ਨੂੰ ਰਾਜਸਥਾਨ ਦੇ ਸਵਾਈ ਮਾਧੋਪੁਰ ਵਿੱਚ ਸੱਤ ਫੇਰੇ ਲਏ ਸਨ। ਉਨ੍ਹਾਂ ਦੇ ਵਿਆਹ ਦੇ ਹੋਟਲ ਦਾ ਨਾਮ ਸਿਕਸ ਸੈਂਸ ਬਰਵਾੜਾ ਫੋਰਟ ਸੀ।

ਹੰਸਿਕਾ ਮੋਟਵਾਨੀ-ਸੋਹੇਲ ਕਥੂਰੀਆ:ਟੀਵੀ ਤੋਂ ਲੈ ਕੇ ਦੱਖਣ ਅਤੇ ਬਾਲੀਵੁੱਡ ਤੱਕ ਆਪਣੀ ਸ਼ਾਨਦਾਰ ਅਦਾਕਾਰੀ ਦੇ ਜੌਹਰ ਦਿਖਾਉਣ ਵਾਲੀ ਅਦਾਕਾਰਾ ਹੰਸਿਕਾ ਮੋਟਵਾਨੀ ਨੇ ਆਪਣੇ ਪ੍ਰੇਮੀ ਸੋਹੇਲ ਕਥੂਰੀਆ ਦਾ ਹੱਥ ਵੀ ਸ਼ਾਹੀ ਅੰਦਾਜ਼ ਵਿੱਚ ਫੜਿਆ ਸੀ। ਜੋੜੇ ਦਾ ਵਿਆਹ 4 ਦਸੰਬਰ 2022 ਨੂੰ ਪਿੰਕ ਸਿਟੀ ਜੈਪੁਰ ਦੇ ਬਹੁਤ ਹੀ ਖੂਬਸੂਰਤ ਪੈਲੇਸ ਵਿੱਚ ਹੋਇਆ ਸੀ। ਦੋਵਾਂ ਦਾ ਵਿਆਹ ਮੁੰਡੋਟਾ ਫੋਰਟ ਅਤੇ ਪੈਲੇਸ 'ਚ ਹੋਇਆ ਸੀ।