ਹੈਦਰਾਬਾਦ: ਬਾਲੀਵੁੱਡ ਸਟਾਰ ਸਲਮਾਨ ਖਾਨ ਨੇ ਆਪਣੀ ਆਉਣ ਵਾਲੀ ਫਿਲਮ 'ਕਿਸੀ ਕਾ ਭਾਈ ਕਿਸੀ ਕੀ ਜਾਨ' ਦੇ ਟ੍ਰੇਲਰ ਲਾਂਚ ਮੌਕੇ ਸ਼ਹਿਨਾਜ਼ ਗਿੱਲ ਅਤੇ ਰਾਘਵ ਜੁਆਲ ਦੇ ਰਿਸ਼ਤੇ ਬਾਰੇ ਸੰਕੇਤ ਦਿੱਤੇ ਜਾਣ ਤੋਂ ਬਾਅਦ ਇੰਟਰਨੈੱਟ 'ਤੇ ਖਲਬਲੀ ਮਚਾ ਦਿੱਤੀ ਹੈ।
ਕਪਿਲ ਸ਼ਰਮਾ ਸ਼ੋਅ 'ਤੇ KKBKKJ ਦੇ ਪ੍ਰਮੋਸ਼ਨ ਦੌਰਾਨ ਦਬੰਗ ਸਟਾਰ ਨੇ ਦੁਬਾਰਾ ਸ਼ਹਿਨਾਜ਼ ਨੂੰ 'ਸਿਡਨਾਜ਼' (ਪ੍ਰਸ਼ੰਸਕਾਂ ਦੁਆਰਾ ਸਿਧਾਰਥ ਸ਼ੁਕਲਾ ਅਤੇ ਸ਼ਹਿਨਾਜ਼ ਨੂੰ ਉਪਨਾਮ ਦਿੱਤਾ ਗਿਆ) ਤੋਂ 'ਜੀਵਨ ਵਿੱਚ ਅੱਗੇ ਵਧਣ' ਦੀ ਅਪੀਲ ਕੀਤੀ ਅਤੇ ਪ੍ਰਸ਼ੰਸਕਾਂ ਨੂੰ ਉਸ ਨੂੰ ਅੱਗੇ ਵਧਣ ਨਾ ਦੇਣ ਲਈ ਤਾੜਨਾ ਕੀਤੀ।
ਸਲਮਾਨ ਨੇ ਦਿ ਕਪਿਲ ਸ਼ਰਮਾ ਸ਼ੋਅ ਦੇ ਸੈੱਟ ਤੋਂ ਸੋਸ਼ਲ ਮੀਡੀਆ 'ਤੇ ਘੁੰਮ ਰਹੇ ਇੱਕ ਵੀਡੀਓ ਵਿੱਚ ਸੋਸ਼ਲ ਮੀਡੀਆ 'ਤੇ "ਸਿਡਨਾਜ਼" ਦੇ ਰੁਝਾਨ ਨੂੰ ਬਣਾਉਣ ਲਈ ਆਪਣੇ ਪ੍ਰਸ਼ੰਸਕਾਂ ਦੀ ਆਲੋਚਨਾ ਕੀਤੀ। ਟ੍ਰੋਲਸ ਨੂੰ ਸੰਬੋਧਿਤ ਕਰਦੇ ਹੋਏ ਅਦਾਕਾਰ ਨੇ ਕਿਹਾ "ਕੀ ਸਿਡਨਾਜ਼ ਲਗਾ ਕੇ ਰੱਖਿਆ ਹੈ?" ਬਾਲੀਵੁੱਡ ਸਟਾਰ ਸਲਮਾਨ ਖਾਨ ਨੇ ਦੱਸਿਆ ਕਿ ਜਦੋਂ ਸ਼ਹਿਨਾਜ਼ ਦੀ ਡੇਟਿੰਗ ਦੀਆਂ ਅਫਵਾਹਾਂ ਹਾਲ ਹੀ ਵਿੱਚ ਆਨਲਾਈਨ ਸਾਹਮਣੇ ਆ ਰਹੀਆਂ ਸੀ ਤਾਂ ਉਹਨਾਂ ਲੋਕਾਂ ਦੁਆਰਾ ਹੀ ਸ਼ਹਿਨਾਜ਼ ਨੂੰ ਟ੍ਰੋਲ ਕੀਤਾ ਗਿਆ।
ਸਲਮਾਨ ਦੇ ਅਨੁਸਾਰ ਸਿਡਨਾਜ਼ ਦੇ ਆਲੇ ਦੁਆਲੇ ਸੋਸ਼ਲ ਮੀਡੀਆ ਦਾ ਜਨੂੰਨ ਸ਼ਹਿਨਾਜ਼ ਨੂੰ ਜ਼ਿੰਦਗੀ ਵਿੱਚ ਅੱਗੇ ਵਧਣ ਵਿੱਚ ਰੁਕਾਵਟ ਪਾਉਂਦਾ ਹੈ। ਉਸਨੇ ਸਪੱਸ਼ਟ ਕੀਤਾ ਕਿ ਅਦਾਕਾਰਾ ਨੇ ਆਖ਼ਰਕਾਰ ਵਿਆਹ ਕਰਨਾ ਹੈ ਅਤੇ ਬੱਚੇ ਪੈਦਾ ਕਰਨੇ ਹਨ, ਉਸ ਨੂੰ ਹਰ ਸਮੇਂ ਸਿਡਨਾਜ਼ ਕਿਉਂ ਕਹਿੰਦੇ ਹੋ? ਸਲਮਾਨ ਨੇ ਕਿਹਾ ਕਿ ਭਾਵੇਂ ਸਿਧਾਰਥ ਸ਼ੁਕਲਾ ਨਹੀਂ ਰਹੇ, ਉਹ ਜਿੱਥੇ ਵੀ ਹਨ ਉਹ ਉਥੇ ਚਾਹੁੰਣਗੇ ਕਿ ਸ਼ਹਿਨਾਜ਼ ਆਪਣੀ ਜ਼ਿੰਦਗੀ 'ਚ ਖੁਸ਼ ਰਹੇ। 57 ਸਾਲਾਂ ਅਦਾਕਾਰ ਨੇ ਬੇਨਤੀ ਕੀਤੀ ਕਿ ਕੋਈ ਵੀ ਸ਼ਹਿਨਾਜ਼ ਨੂੰ "ਸਿਡਨਾਜ਼" ਨਾ ਕਹੇ।
ਇਸ 'ਤੇ ਕਪਿਲ ਸ਼ਰਮਾ ਦਾ ਕਹਿਣਾ ਹੈ ਕਿ ਇਹ ਬਿਲਕੁਲ ਸਹੀ ਹੈ। ਇਸ ਦੇ ਨਾਲ ਹੀ ਸ਼ਹਿਨਾਜ਼ ਗਿੱਲ ਵੀ ਭਾਈਜਾਨ ਸਲਮਾਨ ਖਾਨ ਦੀਆਂ ਗੱਲਾਂ ਨੂੰ ਬਹੁਤ ਗੰਭੀਰਤਾ ਨਾਲ ਸੁਣ ਰਹੀ ਸੀ। ਫਰਹਾਦ ਸਾਮਜੀ ਨੇ ਸਲਮਾਨ ਖਾਨ ਦੀ ਫਿਲਮ ‘ਕਿਸੀ ਕਾ ਭਾਈ ਕਿਸੀ ਕੀ ਜਾਨ’ ਦਾ ਨਿਰਦੇਸ਼ਨ ਕੀਤਾ ਹੈ। ਇਹ ਫਿਲਮ 21 ਅਪ੍ਰੈਲ ਨੂੰ ਸਿਨੇਮਾਘਰਾਂ 'ਚ ਰਿਲੀਜ਼ ਹੋ ਰਹੀ ਹੈ।
ਕਿਸੀ ਕਾ ਭਾਈ ਕਿਸੀ ਕੀ ਜਾਨ ਸੁਪਰਹਿੱਟ ਫਿਲਮ ਵੀਰਮ ਦਾ ਹਿੰਦੀ ਰੀਮੇਕ ਹੈ। ਫਿਲਮ 'ਚ ਸਲਮਾਨ ਖਾਨ, ਭੂਮਿਕਾ ਚਾਵਲਾ, ਪਲਕ ਤਿਵਾਰੀ, ਸਿਧਾਰਥ ਨਿਗਮ, ਵਿਨਾਲੀ, ਵੈਂਕਟੇਸ਼ ਡੱਗੂਬਾਤੀ, ਸ਼ਹਿਨਾਜ਼ ਗਿੱਲ, ਰਾਘਵ ਜੁਆਲ ਅਤੇ ਹੋਰ ਵੀ ਹਨ।
ਇਹ ਵੀ ਪੜ੍ਹੋ:Nafisa First Look: ਫਿਲਮ 'ਨਫ਼ੀਸਾ' ਦਾ ਪਹਿਲਾਂ ਲੁੱਕ ਹੋਇਆ ਜਾਰੀ, ਮਨੀਸ਼ਾ ਠਾਕੁਰ ਲੀਡ ਭੂਮਿਕਾ ’ਚ ਆਵੇਗੀ ਨਜ਼ਰ
