ਚੰਡੀਗੜ੍ਹ: ਲਵਪ੍ਰੀਤ ਕੌਰ ਗਿੱਲ ਇੱਕ ਮਸ਼ਹੂਰ ਮਾਡਲ ਅਤੇ ਪੰਜਾਬੀ ਕਲਾਕਾਰ ਹੈ। ਪਿਛਲੇ ਸਾਲ ਰਿਲੀਜ਼ ਹੋਈ ਪੰਜਾਬੀ ਫਿਲਮ 'ਸ਼ੱਕਰ ਪਾਰੇ' ਵਿੱਚ ਅਦਾਕਾਰ ਇਕਲਵਿਆ ਪਦਮ ਨਾਲ ਰੁਮਾਂਸ ਕਰਨ ਵਾਲੀ ਲਵ ਗਿੱਲ (Kuriyan Jawan Bapu Preshaan fame Love Gill) ਤਸਵੀਰਾਂ ਕਾਰਨ ਆਏ ਦਿਨ ਸੁਰਖ਼ੀਆਂ ਵਿੱਚ ਰਹਿੰਦੀ ਹੈ। ਹੁਣ ਅਦਾਕਾਰਾ ਨੇ ਆਪਣੇ ਟੀਚੇ ਨੂੰ ਲੈ ਕੇ ਕੁੱਝ ਗੱਲਾਂ ਸਾਂਝੀਆਂ ਕੀਤੀਆਂ ਹਨ।
ਲਵ ਗਿੱਲ ਦੀ ਪਾਲੀਵੁੱਡ ਵਿੱਚ ਐਂਟਰੀ: ਕਰਨ ਔਜਲਾ ਦੇ ਮਿਊਜ਼ਿਕ ਵੀਡੀਓ 'ਫੈਕਟ' ਲਈ ਮਾਡਲ ਵਜੋਂ ਆਪਣੀ ਸ਼ੁਰੂਆਤ ਕਰਨ ਵਾਲੀ ਅਦਾਕਾਰਾ ਲਵ ਗਿੱਲ ਨੇ ਆਪਣੇ ਟੀਚਿਆਂ ਵੱਲ ਹੌਲੀ-ਹੌਲੀ ਸਫ਼ਰ ਤੈਅ ਕੀਤਾ ਸੀ। ਸਭ ਤੋਂ ਪਹਿਲਾਂ ਅਦਾਕਾਰਾ ਨੂੰ ਸੰਗੀਤ ਵੀਡੀਓਜ਼ ਵਿੱਚ ਦੇਖਿਆ ਗਿਆ, ਇਸ ਤੋਂ ਬਾਅਦ ਲਵ ਗਿੱਲ ਨੇ ਇੱਕ ਪੰਜਾਬੀ ਟੀਵੀ ਸ਼ੋਅ 'ਤੂੰ ਪਤੰਗ ਮੈਂ ਡੋਰ' ਵਿੱਚ ਇੱਕ ਭੂਮਿਕਾ ਨਿਭਾਈ। ਫਿਰ ਅਦਾਕਾਰਾ ਨੇ ਕਰਮਜੀਤ ਅਨਮੋਲ ਦੀ ਫਿਲਮ 'ਕੁੜੀਆਂ ਜਵਾਨ ਬਾਪੂ ਪਰੇਸ਼ਨ' ਨਾਲ ਵੱਡੇ ਪਰਦੇ 'ਤੇ ਅੱਗੇ ਵਧੀ।
ਟੀਚੇ ਬਾਰੇ ਲਵ ਗਿੱਲ:ਅਦਾਕਾਰੀ ਦੀ ਦੁਨੀਆਂ ਵਿੱਚ ਪੈਰ ਰੱਖ ਬਾਰੇ ਅਦਾਕਾਰਾ (Love Gill shared about her acting goals) ਦਾ ਕਹਿਣਾ ਹੈ ਕਿ "ਮੇਰਾ ਬਚਪਨ ਤੋਂ ਹੀ ਅਦਾਕਾਰਾ ਬਣਨ ਦਾ ਇਹ ਅਟੁੱਟ ਸੁਪਨਾ ਸੀ ਅਤੇ ਮੈਂ ਪੂਰੇ ਜੋਸ਼ ਨਾਲ ਇਸ ਨੂੰ ਪੂਰਾ ਕਰ ਰਹੀ ਹਾਂ। ਮੈਂ ਪੰਜਾਬੀ ਇੰਡਸਟਰੀ ਵਿੱਚ ਆਪਣੇ ਜਨੂੰਨ ਅਤੇ ਇੱਕ ਅਦਾਕਾਰ ਵਜੋਂ ਇੱਕ ਸ਼ਾਨਦਾਰ ਮੀਲ ਪੱਥਰ ਹਾਸਲ ਕਰਨ ਦੀ ਇੱਛਾ ਨਾਲ ਆਈ ਹਾਂ। ਬੇਸ਼ੱਕ, ਮੈਂ ਸਕ੍ਰੀਨ ਟੈਸਟਿੰਗ, ਆਡੀਸ਼ਨ ਅਤੇ ਸਾਰੇ ਸਬੰਧਿਤ ਦੌਰ ਵਿੱਚੋਂ ਗੁਜ਼ਰੀ, ਜੋ ਕਿ ਯਕੀਨੀ ਤੌਰ 'ਤੇ ਇੱਕ ਸਖ਼ਤ ਪਰ ਇੱਕ ਕੀਮਤੀ ਚੁਣੌਤੀ ਹੈ।"