ਈਟੀਵੀ ਭਾਰਤ ਡੈਸਕ:ਪੰਜਾਬੀ ਫ਼ਿਲਮਾਂ ਅਤੇ ਸੰਗੀਤ ਜਗਤ ਵਿਚ ਵਿਲੱਖਣ ਪਹਿਚਾਣ ਰੱਖਦੇ ਜੱਸੀ ਗਿੱਲ ਨੂੰ ਬਾਲੀਵੁੱਡ ’ਚ ਇਕ ਹੋਰ ਵੱਡੀ ਬ੍ਰੇਕ ਮਿਲੀ ਹੈ। ਜੋ ‘ਕਿਸੀ ਕਾ ਭਾਈ ਕਿਸੀ ਕੀ ਜਾਨ’ ਵਿਚ ਸਲਮਾਨ ਖ਼ਾਨ ਦੇ ਨਾਲ ਪ੍ਰਭਾਵਸ਼ਾਲੀ ਕਿਰਦਾਰ ’ਚ ਨਜ਼ਰ ਆਉਣਗੇ।
ਫਿਲਮ ਵਿੱਚ ਮੌਜੂਦ ਕਲਾਕਾਰ: ਫ਼ਰਹਾਦ ਸਾਮਜੀ ਵੱਲੋਂ ਨਿਰਦੇਸ਼ਿਤ ਇਸ ਫ਼ਿਲਮ ਵਿਚ ਡੀ. ਵੇਂਕਟੇਸ਼, ਪੂਜਾ ਹੈਗੜ੍ਹੇ, ਜਗਪਤੀ ਬਾਬੂ , ਬੌਕਸਰ ਵਜਿੰਦਰ ਸਿੰਘ ਅਤੇ ਸ਼ਹਿਨਾਜ਼ ਗਿੱਲ ਵੀ ਮਹੱਤਵਪੂਰਨ ਭੂਮਿਕਾਵਾਂ ਨਿਭਾ ਰਹੇ ਹਨ। ਜਿਸ ਦਾ ਨਿਰਮਾਣ ਜੀ ਸਟੂਡਿਊਜ਼ ਦੇ ਬੈਨਰ ਹੇਠ ਸਲਮਾਨ ਖ਼ਾਨ ਅਤੇ ਸਾਜ਼ਿਦ ਨਾਡਿਆਡਆਲਾ ਵੱਲੋਂ ਕੀਤਾ ਗਿਆ ਹੈ।
ਫਿਲਮ ਵਿੱਚ ਜੱਸੀ ਗਿੱਲ ਦਾ ਰੋਲ: ਹਾਲ ਹੀ ਵਿਚ ਆਈਆਂ ਆਪਣੀਆਂ ਹਿੰਦੀ ਫ਼ਿਲਮਜ਼ ‘ਪੰਗਾ’ ਅਤੇ ‘ਕਯਾ ਮੇਰੀ ਸੋਨਮ ਗੁਪਤਾ ਬੇਵਫ਼ਾ ਹੈ’ ਵਿਚ ਕਾਫ਼ੀ ਸਰਾਹੇ ਗਏ। ਜੱਸੀ ਆਪਣੇ ਇਸ ਨਵੇਂ ਪ੍ਰੋਜੈਕਟ ਵਿਚ ਸਲਮਾਨ ਖ਼ਾਨ ਦੇ ਛੋਟੇ ਭਰਾ ਦੀ ਭੂਮਿਕਾ ਨਿਭਾ ਰਹੇ ਹਨ। ਜਿੰਨ੍ਹਾਂ ਅਨੁਸਾਰ ਕਾਫ਼ੀ ਚੁਣੌਤੀਪੂਰਨ ਹੈ।