ਚੰਡੀਗੜ੍ਹ:ਕਲਰਜ਼ 'ਤੇ ਇੰਨ੍ਹੀਂ ਦਿਨ੍ਹੀਂ ਆਨ-ਏਅਰ ਅਤੇ ਆਪਾਰ ਲੋਕਪ੍ਰਿਯਤਾ ਹਾਸਿਲ ਕਰ ਰਹੇ ਸੀਰੀਅਲ ‘ਜਨੂੰਨੀਅਤ’ ਨੂੰ ਚਾਰ ਚੰਨ ਲਾਉਣ ’ਚ ਅੱਜਕੱਲ੍ਹ ਪੰਜਾਬੀ ਸਿਨੇਮਾ, ਥੀਏਟਰ ਅਤੇ ਕਲਾ ਖਿੱਤੇ ਨਾਲ ਜੁੜੇ ਕਈ ਮੰਝੇ ਹੋਏ ਕਲਾਕਾਰ ਅਹਿਮ ਭੂਮਿਕਾ ਨਿਭਾ ਰਹੇ ਹਨ, ਜਿੰਨ੍ਹਾਂ ਦੀ ਹੀ ਲੜ੍ਹੀ ਨੂੰ ਹੁਣ ਹੋਰ ਸੋਹਣੇ ਨਕਸ਼ ਦੇਣ ਦਾ ਮਾਣ ਹਾਸਿਲ ਕਰਨ ਜਾ ਰਹੇ ਹਨ ਬਹੁਮੁੱਖੀ ਅਦਾਕਾਰ ਇੰਦਰਜੀਤ ਸਿੰਘ। ਜਿੰਨ੍ਹਾਂ ਨੂੰ ਇਸ ਸ਼ੋਅ ਵਿਚ ਇਕ ਅਹਿਮ ਭੂਮਿਕਾ ਲਈ ਚੁਣਿਆ ਗਿਆ ਹੈ।
‘ਡਰਾਮੀਯਾਤਾ ਪ੍ਰੋਡੋਕਸ਼ਨ ਹਾਊਸ’ ਦੇ ਬੈਨਰ ਅਧੀਨ ਨਿਰਮਾਤਰੀ ਸਰਗੁਣ ਮਹਿਤਾ ਅਤੇ ਉਨਾਂ ਦੇ ਪਤੀ ਰਵੀ ਦੂਬੇ ਵੱਲੋਂ ਨਿਰਮਿਤ ਕੀਤਾ ਰਿਹਾ ਇਹ ਸੀਰੀਅਲ ਆਪਣੀ ਸੰਗੀਤਮਈ ਰੰਗਾਂ ’ਚ ਕਹਾਣੀ ਅਤੇ ਕਲਾਕਾਰਾਂ ਦੇ ਸ਼ਾਨਦਾਰ ਅਭਿਨੈ ਨੂੰ ਲੈ ਕੇ ਕਾਫ਼ੀ ਚਰਚਾ ਅਤੇ ਮਕਬੂਲੀਅਤ ਹਾਸਿਲ ਕਰ ਰਿਹਾ ਹੈ, ਜਿਸ ਵਿਚ ਲੀਡ ਭੂਮਿਕਾਵਾਂ ਬਿੱਗ ਬੌਗ 16 ਦੇ ਚਰਚਿਤ ਚਿਹਰੇ ਰਹੇ ਅੰਕਿਤ ਗੁਪਤਾ, ਗੌਤਮ ਵਿਜ਼ ਤੋਂ ਇਲਾਵਾ ਨੇਹਾ ਰਾਣਾ, ਰਿੰਕੂ ਘੋਸ਼, ਟਾਈਗਰ ਹਰਮੀਕ ਸਿੰਘ, ਅਭੀਨਾਸ਼ੂ ਵੋਹਰਾ, ਬਲਵਿੰਦਰ ਕੌਰ, ਗੁਰਵਿੰਦਰ ਕੌਰ, ਪਾਲੀ ਸੰਧੂ, ਪ੍ਰਮੋਦ ਪੱਬੀ ਆਦਿ ਅਦਾ ਕਰ ਰਹੇ ਹਨ।
ਹਰਿਆਣਾ ਦੇ ਪੰਚਕੂਲਾ ਨਾਲ ਸੰਬੰਧਤ ਅਤੇ ਮੌਜੂਦਾ ਸਮੇਂ ਹਿੰਦੀ ਅਤੇ ਪੰਜਾਬੀ ਸਿਨੇਮਾ ਦੇ ਨਾਲ ਨਾਲ ਛੋਟੇ ਪਰਦੇ ਲਈ ਵੀ ਬਰਾਬਰ ਸਰਗਰਮ ਇੰਦਰਜੀਤ ਸਿੰਘ ਦੱਸਦੇ ਹਨ, ਬਾਲੀਵੁੱਡ ਦੇ ਇਕ ਵੱਡੇ ਪ੍ਰੋਡੋਕਸ਼ਨ ਹਾਊਸ ਦੁਆਰਾ ਇਕ ਪ੍ਰਭਾਵੀ ਭੂਮਿਕਾ ਲਈ ਚੁਣਿਆ ਜਾਣਾ ਉਨਾਂ ਲਈ ਮਾਣ ਵਾਲੀ ਗੱਲ ਹੈ।
- ਰਣਬੀਰ ਕਪੂਰ ਨੇ ਲੰਡਨ 'ਚ ਪਰਿਵਾਰ ਨਾਲ ਮਨਾਇਆ ਮਾਂ ਨੀਤੂ ਸਿੰਘ ਦਾ ਜਨਮਦਿਨ, ਪਤਨੀ ਆਲੀਆ ਅਤੇ ਬੇਟੀ ਰਾਹਾ ਨੂੰ ਕੀਤਾ ਯਾਦ
- ਕਾਰਤਿਕ ਆਰੀਅਨ ਦੀ ਸਪੋਰਟਸ ਡਰਾਮਾ 'ਚੰਦੂ ਚੈਂਪੀਅਨ' 'ਚ ਸ਼ਰਧਾ ਕਪੂਰ ਦੀ ਐਂਟਰੀ, ਫਿਲਮ ਇਸ ਦਿਨ ਹੋਵੇਗੀ ਰਿਲੀਜ਼
- Balle O Chalak Sajjna: ਪੰਜਾਬੀ ਫਿਲਮ ‘ਬੱਲੇ ਓ ਚਲਾਕ ਸੱਜਣਾ‘ ਦਾ ਪਹਿਲਾਂ ਲੁੱਕ ਹੋਇਆ ਰਿਲੀਜ਼, ਰੋਇਲ ਸਿੰਘ ਵੱਲੋਂ ਕੀਤਾ ਗਿਆ ਹੈ ਨਿਰਦੇਸ਼ਨ