Ileana DCruz: 'ਬਹੁਤ ਜ਼ਿਆਦਾ ਥਕਾਵਟ, ਨਹੀਂ ਕਰ ਪਾ ਰਹੀ ਕੋਈ ਕੰਮ', ਇਲਿਆਨਾ ਡੀਕਰੂਜ਼ ਨੇ ਪ੍ਰੈਗਨੈਂਸੀ ਦੇ ਆਖਰੀ ਮਹੀਨੇ ਦੀ ਦਿਖਾਈ ਝਲਕ

'ਰੁਸਤਮ' ਦੀ ਅਦਾਕਾਰਾ ਇਲਿਆਨਾ ਡੀਕਰੂਜ਼ ਇਨ੍ਹੀਂ ਦਿਨੀਂ ਆਪਣੀ ਪ੍ਰੈਗਨੈਂਸੀ ਦੇ ਦਿਨਾਂ ਦਾ ਆਨੰਦ ਮਾਣ ਰਹੀ ਹੈ। ਉਹ ਅਕਸਰ ਆਪਣੇ ਪ੍ਰਸ਼ੰਸਕਾਂ ਨੂੰ ਆਪਣੀ ਪ੍ਰੈਗਨੈਂਸੀ ਬਾਰੇ ਅਪਡੇਟ ਕਰਦੀ ਰਹਿੰਦੀ ਹੈ। ਹਾਲ ਹੀ 'ਚ ਅਦਾਕਾਰਾ ਨੇ ਸੋਸ਼ਲ ਮੀਡੀਆ 'ਤੇ ਆਪਣੀ ਤਸਵੀਰ ਸ਼ੇਅਰ ਕੀਤੀ ਹੈ।

ਮੁੰਬਈ:ਇਲਿਆਨਾ ਡੀਕਰੂਜ਼ ਐਂਟਰਟੇਨਮੈਂਟ ਇੰਡਸਟਰੀ ਦੀ ਸਭ ਤੋਂ ਖੂਬਸੂਰਤ ਅਦਾਕਾਰਾ 'ਚੋਂ ਇਕ ਹੈ। ਉਹ ਅਕਸਰ ਆਪਣੀ ਸ਼ਾਨਦਾਰ ਅਦਾਕਾਰੀ ਅਤੇ ਤਸਵੀਰਾਂ ਨਾਲ ਆਪਣੇ ਪ੍ਰਸ਼ੰਸਕਾਂ ਨੂੰ ਹੈਰਾਨ ਕਰ ਦਿੰਦੀ ਹੈ। ਇਸ ਸਮੇਂ ਇਹ ਅਦਾਕਾਰਾ ਆਪਣੀ ਨਿੱਜੀ ਜ਼ਿੰਦਗੀ ਕਾਰਨ ਕਾਫੀ ਸੁਰਖੀਆਂ ਬਟੋਰ ਰਹੀ ਹੈ। ਇਲਿਆਨਾ ਇਨ੍ਹੀਂ ਦਿਨੀਂ ਆਪਣੀ ਪ੍ਰੈਗਨੈਂਸੀ ਦੇ ਖਾਸ ਪਲਾਂ ਦਾ ਆਨੰਦ ਲੈ ਰਹੀ ਹੈ। ਜਦੋਂ ਤੋਂ ਉਸਨੇ 28 ਅਪ੍ਰੈਲ, 2023 ਨੂੰ ਆਪਣੀ ਗਰਭ ਅਵਸਥਾ ਦਾ ਐਲਾਨ ਕੀਤਾ, ਉਹ ਆਪਣੇ ਨਵੇਂ ਸਫ਼ਰ ਦੀਆਂ ਅਨਮੋਲ ਝਲਕੀਆਂ ਸਾਂਝੀਆਂ ਕਰਦੀ ਰਹਿੰਦੀ ਹੈ। ਹਾਲਾਂਕਿ, ਇਲਿਆਨਾ ਨੇ ਅਜੇ ਤੱਕ ਆਪਣੇ ਅਣਜੰਮੇ ਬੱਚੇ ਦੇ ਪਿਤਾ ਦੀ ਪਛਾਣ ਦਾ ਖੁਲਾਸਾ ਨਹੀਂ ਕੀਤਾ ਹੈ।

ਇਲਿਆਨਾ ਨੇ ਤਸਵੀਰ ਸਾਂਝੀ ਕਰ ਦਿਖਾਇਆ ਪ੍ਰੈਗਨੈਂਸੀ ਗਲੋ: ਐਤਵਾਰ ਨੂੰ ਇਲਿਆਨਾ ਡੀਕਰੂਜ਼ ਨੇ ਆਪਣੀ ਇੰਸਟਾਗ੍ਰਾਮ ਸਟੋਰੀ 'ਤੇ ਇਕ ਤਸਵੀਰ ਅਪਲੋਡ ਕੀਤੀ। ਤਸਵੀਰ ਵਿੱਚ ਜਲਦ ਹੀ ਮਾਂ ਬਣਨ ਵਾਲੀ ਅਦਾਕਾਰਾ ਨੂੰ ਸੈਲਫੀ ਲੈਂਦੇ ਸਮੇਂ ਆਪਣੀ ਪ੍ਰੈਗਨੈਂਸੀ ਗਲੋ ਨੂੰ ਸ਼ੇਅਰ ਕਰਦੇ ਹੋਏ ਦੇਖਿਆ ਜਾ ਸਕਦਾ ਹੈ। ਇਸ ਦੇ ਨਾਲ ਹੀ ਉਸ ਨੇ ਆਪਣੀ 9 ਮਹੀਨੇ ਦੀ ਪ੍ਰੈਗਨੈਂਸੀ ਦੀ ਝਲਕ ਦਿਖਾਈ ਅਤੇ ਇਸ ਮਹੀਨੇ ਹੋਣ ਵਾਲੀ ਚੁਣੌਤੀ ਬਾਰੇ ਗੱਲ ਕੀਤੀ।

ਇਲਿਆਨਾ ਡੀਕਰੂਜ਼

ਇਲਿਆਨਾ ਨੇ ਤਸਵੀਰ ਸਾਂਝੀ ਕਰ ਦਿੱਤੀ ਇਹ ਕੈਪਸ਼ਨ: ਇਲਿਆਨਾ ਨੇ ਦੱਸਿਆ ਕਿ 9ਵੇਂ ਮਹੀਨੇ ਦੀ ਥਕਾਵਟ ਕਾਰਨ ਉਹ ਕੋਈ ਕੰਮ ਨਹੀਂ ਕਰ ਪਾ ਰਹੀ ਹੈ। ਤਸਵੀਰ ਵਿੱਚ ਇਲਿਆਨਾ ਨੂੰ ਇੱਕ ਸੁੰਦਰ ਪੀਚ ਰੰਗ ਦੀ ਢਿੱਲੀ ਸਲੀਵਲੇਸ ਟੀ-ਸ਼ਰਟ ਵਿੱਚ ਆਪਣੇ ਬੇਬੀ ਬੰਪ ਨੂੰ ਫਲਾਂਟ ਕਰਦੇ ਦੇਖਿਆ ਜਾ ਸਕਦਾ ਹੈ। ਜਿਸ ਨੂੰ ਉਨ੍ਹਾਂ ਨੇ ਬਲੈਕ ਕਲਰ ਦੀ ਸਪੋਰਟਸ ਬ੍ਰਾ ਨਾਲ ਸਟਾਈਲ ਕੀਤਾ ਹੈ। ਤਸਵੀਰ ਸ਼ੇਅਰ ਕਰਦੇ ਹੋਏ ਉਨ੍ਹਾਂ ਨੇ ਲਿਖਿਆ, 'ਕੁਝ ਕੰਮ ਸੰਭਾਲਣ ਦੀ ਕੋਸ਼ਿਸ਼ ਕਰ ਰਹੀ ਹਾਂ, ਪਰ ਇਸ 9ਵੇਂ ਮਹੀਨੇ 'ਚ ਥਕਾਵਟ ਬਹੁਤ ਜ਼ਿਆਦਾ ਹੋ ਰਹੀ ਹੈ।'

ਇਲਿਆਨਾ ਡੀਕਰੂਜ਼ ਦਾ ਵਰਕ ਫਰੰਟ: ਇਲਿਆਨਾ ਨੂੰ ਬਰਫੀ, ਫਟਾ ਪੋਸਟਰ ਨਿਕਲਾ ਹੀਰੋ, ਰੁਸਤਮ ਅਤੇ ਹੈਪੀ ਐਂਡਿੰਗ ਵਰਗੀਆਂ ਬਾਲੀਵੁੱਡ ਫਿਲਮਾਂ 'ਚ ਆਪਣੀ ਅਦਾਕਾਰੀ ਲਈ ਜਾਣਿਆ ਜਾਂਦਾ ਹੈ। ਉਨ੍ਹਾਂ ਨੇ ਅਭਿਸ਼ੇਕ ਬੱਚਨ ਨਾਲ ਪਾਗਲਪੰਤੀ ਅਤੇ ਦਿ ਬਿਗ ਬੁੱਲ ਵਿੱਚ ਵੀ ਕੰਮ ਕੀਤਾ ਹੈ। ਅਦਾਕਾਰਾ ਨੇ ਰਣਦੀਪ ਹੁੱਡਾ ਨਾਲ ਅਨਫੇਅਰ ਐਂਡ ਲਵਲੀ ਵੀ ਸਾਈਨ ਕੀਤੀ ਹੈ। ਉਨ੍ਹਾਂ ਨੇ ਵਿਦਿਆ ਬਾਲਨ, ਪ੍ਰਤੀਕ ਗਾਂਧੀ ਅਤੇ ਸੇਂਥਿਲ ਰਾਮਾਮੂਰਤੀ ਨਾਲ ਵੀ ਇੱਕ ਪ੍ਰੋਜੈਕਟ ਸਾਈਨ ਕੀਤਾ ਹੈ।