ਮੁੰਬਈ (ਬਿਊਰੋ):ਆਪਣੀ ਐਕਟਿੰਗ ਅਤੇ ਖੂਬਸੂਰਤੀ ਨਾਲ ਟੀਵੀ ਤੋਂ ਲੈ ਕੇ ਫਿਲਮ ਇੰਡਸਟਰੀ ਤੱਕ ਸਾਰਿਆਂ ਨੂੰ ਦੀਵਾਨਾ ਬਣਾਉਣ ਵਾਲੀ ਹਿਨਾ ਖਾਨ ਇਕ ਵਾਰ ਫਿਰ ਤੀਰਥ ਯਾਤਰਾ 'ਤੇ ਨਿਕਲ ਗਈ ਹੈ। ਅਦਾਕਾਰਾ ਉਮਰਾਹ ਲਈ ਦੂਜੀ ਵਾਰ ਸਾਊਦੀ ਅਰਬ ਪਹੁੰਚੀ ਹੈ। ਅੱਜ 12 ਜਨਵਰੀ ਨੂੰ ਅਦਾਕਾਰਾ ਨੇ ਤੀਰਥ ਅਸਥਾਨ ਤੋਂ ਇੱਕ ਖਾਸ ਝਲਕ ਸਾਂਝੀ ਕੀਤੀ ਹੈ। ਇਸ ਦੇ ਲਈ ਉਸ ਨੇ ਸੋਸ਼ਲ ਮੀਡੀਆ ਦਾ ਸਹਾਰਾ ਲਿਆ ਹੈ।
ਹਿਨਾ ਖਾਨ ਨੇ ਸ਼ੁੱਕਰਵਾਰ ਨੂੰ ਆਪਣੇ ਅਧਿਕਾਰਤ ਇੰਸਟਾਗ੍ਰਾਮ 'ਤੇ ਉਮਰਾਹ ਦੀਆਂ ਕਈ ਤਸਵੀਰਾਂ ਸ਼ੇਅਰ ਕੀਤੀਆਂ ਹਨ। ਇਨ੍ਹਾਂ ਤਸਵੀਰਾਂ ਨੂੰ ਸ਼ੇਅਰ ਕਰਦੇ ਹੋਏ ਅਦਾਕਾਰਾ ਨੇ ਕੈਪਸ਼ਨ 'ਚ ਲਿਖਿਆ ਹੈ, 'ਜੁਮਾ ਮੁਬਾਰਕ, ਮੁਬਾਰਕ ਅਲਹਮਦੁਲਿਲਾਹ, ਅਰਦਾਸਾਂ ਪੂਰੀਆਂ ਹੋਈਆਂ।' ਇਨ੍ਹਾਂ ਤਸਵੀਰਾਂ 'ਚ ਪਵਿੱਤਰ ਸਥਾਨ ਦੀ ਝਲਕ ਸਾਫ ਦਿਖਾਈ ਦੇ ਸਕਦੀ ਹੈ। ਕੁਝ ਤਸਵੀਰਾਂ 'ਚ ਹਿਨਾ ਨੂੰ ਪ੍ਰਾਰਥਨਾ ਕਰਦੇ ਦੇਖਿਆ ਜਾ ਸਕਦਾ ਹੈ।