ਚੰਡੀਗੜ੍ਹ: ਬਹੁਤ ਸਮੇਂ ਤੋਂ ਉਡੀਕੀ ਜਾ ਰਹੀ ਫਿਲਮ 'ਕਲੀ ਜੋਟਾ' (Kali Jotta release) ਦੇ ਪ੍ਰਸ਼ੰਸਕਾਂ ਲਈ ਖੁਸ਼ਖ਼ਬਰੀ ਹੈ, ਜੀ ਹਾਂ...ਸਤਿੰਦਰ ਸਰਤਾਜ ਦੀ ਆਵਾਜ਼ ਵਿੱਚ ਫਿਲਮ ਦਾ ਪਹਿਲਾਂ ਗੀਤ 'ਨਿਹਾਰ ਲੈਣ ਦੇ' ਰਿਲੀਜ਼ ਹੋ ਗਿਆ ਹੈ। ਫਿਲਮ ਇਸ ਸਾਲ 4 ਫਰਵਰੀ ਨੂੰ ਰਿਲੀਜ਼ ਹੋਣ ਲਈ ਤਿਆਰ ਹੈ।
ਕਿਹੋ ਜਿਹਾ ਹੈ ਗੀਤ: ਗੀਤ 'ਨਿਹਾਰ ਲੈਣ ਦੇ' (Nihaar Lain De Song Out) ਇੱਕ ਰੋਮਾਂਟਿਕ ਟਰੈਕ ਹੈ ਅਤੇ ਗੀਤ ਦਾ ਮਿਊਜ਼ਿਕ ਵੀਡੀਓ ਸਤਿੰਦਰ ਸਰਤਾਜ ਅਤੇ ਨੀਰੂ ਬਾਜਵਾ ਦੀ ਕੈਮਿਸਟਰੀ ਨੂੰ ਖੂਬਸੂਰਤੀ ਨਾਲ ਕੈਪਚਰ ਕਰਦਾ ਹੈ। ਪਿਆਰ ਦੇ ਇਸ ਗੀਤ ਨੂੰ ਸਕੂਲ, ਬੱਸ ਸਟੈਂਡ ਵਰਗੇ ਸਥਾਨਾਂ 'ਤੇ ਸ਼ੂਟ ਕੀਤਾ ਗਿਆ ਹੈ। ਗੀਤ ਪਿਆਰ ਅਤੇ ਪਿਆਰੇ ਦੀਆਂ ਨੋਕਾ ਝੋਕਾ ਨੂੰ ਬਾਖੂਬੀ ਨਾਲ ਬਿਆਨ ਕਰਦਾ ਹੈ।
ਗੀਤ (Nihaar Lain De Song Out) ਦੀ ਵੀਡੀਓ ਨੂੰ ਸਾਂਝੀ ਕਰਦੇ ਹੋਏ ਨੀਰੂ ਬਾਜਵਾ ਨੇ ਲਿਖਿਆ 'ਇਹ ਹੈ … ਮੇਰਾ ਸਭ ਤੋਂ ਪਸੰਦੀਦਾ ਗੀਤ #niharlainde #ਕਾਲੀਜੋਟਾ ਤੋਂ.... ਉਮੀਦ ਆ ਤੁਸੀ ਸਾਰੇ ਪਸੰਦ ਕਰੋਗੇ। ਧੰਨਵਾਦ #team ਹਰੇਕ ਮੈਂਬਰ ਦਾ। ਅਸੀਂ ਜਾਣਦੇ ਹਾਂ ਕਿ ਅਸੀਂ ਇਸ ਫਿਲਮ ਵਿੱਚ ਕਿੰਨਾ ਕੁ ਪਾਉਂਦੇ ਹਾਂ। ਇਸ ਨੂੰ ਲਿਖਣ ਲਈ @harinderkour5 ਦਾ ਧੰਨਵਾਦ। @vijaycam ਇਸਨੂੰ ਇੰਨਾ ਸੁੰਦਰ ਬਣਾਉਣ ਲਈ। @thite_santosh @sunnyrajusa ਇਸ ਖੂਬਸੂਰਤ ਕਹਾਣੀ 'ਤੇ ਵਿਸ਼ਵਾਸ ਕਰਨ ਲਈ ਅਤੇ ਡਾਕਟਰ @satindersartaaj ਅਜਿਹੇ ਮਨਮੋਹਕ ਸੰਗੀਤ ਨੂੰ ਬਣਾਉਣ ਲਈ ਅਤੇ ਆਪਣਾ ਸਭ ਤੋਂ ਵਧੀਆ ਦੇਣ ਲਈ।