ਹੈਦਰਾਬਾਦ:21 ਦਸੰਬਰ ਨੂੰ ਰਿਲੀਜ਼ ਹੋਈ ਸ਼ਾਹਰੁਖ ਖਾਨ ਦੀ 'ਡੰਕੀ' ਦੀ ਚਰਚਾ 2023 ਦੇ ਪੂਰੇ ਸਾਲ ਰਹੀ ਹੈ, ਕਿਉਂਕਿ ਕਿੰਗ ਖਾਨ ਪਹਿਲਾਂ ਹੀ ਆਪਣੀਆਂ ਦੋ ਫਿਲਮਾਂ ਨਾਲ ਬਾਕਸ ਆਫਿਸ ਉਤੇ ਤੂਫਾਨ ਮਚਾ ਚੁੱਕੇ ਸਨ, ਜਿਸ ਕਾਰਨ ਲੋਕਾਂ ਵਿੱਚ ਸ਼ਾਹਰੁਖ ਖਾਨ ਦੀ ਇਸ ਫਿਲਮ ਦਾ ਕਾਫੀ ਇੰਤਜ਼ਾਰ ਦੇਖਣ ਨੂੰ ਮਿਲਿਆ।
ਹਾਲਾਂਕਿ ਪ੍ਰਭਾਸ ਦੀ ਸਾਲਾਰ ਤੋਂ ਕਿੰਗ ਖਾਨ ਦੇ ਪ੍ਰਸ਼ੰਸਕ ਕਾਫੀ ਚਿੰਤਾ ਵਿੱਚ ਸਨ ਕਿ ਫਿਲਮ ਡੰਕੀ ਉਸ ਨੂੰ ਟੱਕਰ ਦੇ ਪਾਏਗੀ ਜਾਂ ਨਹੀਂ ਪਰ ਹੁਣ ਜਦੋਂ ਫਿਲਮ ਨੇ 20 ਦਿਨ ਸਿਨੇਮਾਘਰਾਂ ਵਿੱਚ ਗੁਜ਼ਾਰ ਲਏ ਹਨ ਤਾਂ ਅਸੀਂ ਕਹਿ ਸਕਦੇ ਹਾਂ ਫਿਲਮ ਡੰਕੀ ਨੇ ਆਪਣੇ ਕਲੈਕਸ਼ਨ ਉਤੇ ਸਾਲਾਰ ਦਾ ਕੋਈ ਖਾਸ ਅਸਰ ਨਹੀਂ ਪੈਣ ਦਿੱਤਾ ਹੈ, ਜਿਸ ਦਾ ਨਤੀਜਾ ਇਹ ਹੈ ਕਿ ਫਿਲਮ ਅੱਜ ਵੀ ਸਿਨੇਮਾਘਰਾਂ ਵਿੱਚ ਚੰਗਾ ਪ੍ਰਦਰਸ਼ਨ ਕਰ ਰਹੀ ਹੈ।
ਸੈਕਨਿਲਕ ਦੇ ਸ਼ੁਰੂਆਤੀ ਅੰਕੜਿਆਂ ਮੁਤਾਬਕ 20ਵੇਂ ਦਿਨ ਯਾਨੀ ਤੀਜੇ ਮੰਗਲਵਾਰ ਨੂੰ 'ਡੰਕੀ' ਨੇ 1.30 ਕਰੋੜ ਰੁਪਏ ਦੀ ਕਮਾਈ ਕੀਤੀ ਹੈ, ਜਿਸ ਤੋਂ ਬਾਅਦ ਭਾਰਤ 'ਚ ਬਾਕਸ ਆਫਿਸ 'ਤੇ ਡੰਕੀ ਦਾ ਕਲੈਕਸ਼ਨ 219.27 ਕਰੋੜ ਰੁਪਏ ਹੋ ਗਿਆ ਹੈ। ਜਦੋਂ ਕਿ ਭਾਰਤ ਦੀ ਕੁੱਲ ਕਮਾਈ 261 ਕਰੋੜ ਨੂੰ ਪਾਰ ਕਰ ਗਈ ਹੈ ਅਤੇ ਦੁਨੀਆ ਭਰ ਵਿੱਚ ਇਹ ਅੰਕੜਾ 447 ਕਰੋੜ ਨੂੰ ਪਾਰ ਕਰ ਗਿਆ ਹੈ।
ਦੂਜੇ ਪਾਸੇ ਜੇਕਰ ਕਮਾਈ ਦੀ ਗੱਲ ਵਿਸਥਾਰ ਨਾਲ ਕਰੀਏ ਤਾਂ ਡੰਕੀ ਨੇ ਪਹਿਲੇ ਦਿਨ 29.2 ਕਰੋੜ ਰੁਪਏ, ਦੂਜੇ ਦਿਨ 20.12 ਕਰੋੜ, ਤੀਜੇ ਦਿਨ 25.61 ਕਰੋੜ, ਚੌਥੇ ਦਿਨ 30.7 ਕਰੋੜ, 24.32 ਕਰੋੜ ਦੀ ਕਮਾਈ ਕੀਤੀ ਸੀ। ਪੰਜਵੇਂ ਦਿਨ ਡੰਕੀ ਨੇ 11.56 ਕਰੋੜ ਰੁਪਏ, ਛੇਵੇਂ ਦਿਨ 11.56 ਕਰੋੜ ਰੁਪਏ ਅਤੇ ਸੱਤਵੇਂ ਦਿਨ 11.56 ਕਰੋੜ ਰੁਪਏ ਅਤੇ ਅੱਠਵੇਂ ਦਿਨ 10.5 ਕਰੋੜ, ਨੌਵੇਂ ਦਿਨ 8.21 ਕਰੋੜ ਦੀ ਕਮਾਈ ਕਰਨ ਤੋਂ ਬਾਅਦ ਪਹਿਲੇ ਹਫਤੇ ਦਾ ਕਲੈਕਸ਼ਨ 160.22 ਕਰੋੜ ਰਿਹਾ।
ਦੂਜੇ ਹਫਤੇ ਕਲੈਕਸ਼ਨ 46.25 ਕਰੋੜ ਰੁਪਏ ਰਿਹਾ, ਜੋ ਪਹਿਲੇ ਹਫਤੇ ਦਾ ਅੱਧਾ ਵੀ ਨਹੀਂ ਸੀ। ਦੇਖਣਾ ਇਹ ਹੋਵੇਗਾ ਕਿ ਤੀਜੇ ਹਫਤੇ 'ਚ ਕਲੈਕਸ਼ਨ 15 ਕਰੋੜ ਰੁਪਏ ਨੂੰ ਪਾਰ ਕਰੇਗਾ ਜਾਂ ਨਹੀਂ। ਜਦਕਿ ਸਾਲਾਰ ਦੀ ਕਮਾਈ 600 ਕਰੋੜ ਨੂੰ ਪਾਰ ਕਰਦੀ ਨਜ਼ਰ ਆ ਰਹੀ ਹੈ। ਰਾਜਕੁਮਾਰ ਹਿਰਾਨੀ ਦੁਆਰਾ ਨਿਰਦੇਸ਼ਿਤ ਡੰਕੀ ਵਿੱਚ ਕਿੰਗ ਖਾਨ ਤੋਂ ਇਲਾਵਾ ਵਿੱਕੀ ਕੌਸ਼ਲ, ਤਾਪਸੀ ਪਨੂੰ, ਬੋਮਨ ਇਰਾਨੀ ਵਰਗੇ ਸ਼ਾਨਦਾਰ ਕਲਾਕਾਰ ਹਨ।
