Youtuber Elvish Yadav: ਬਿੱਗ ਬੌਸ ਦੇ ਵਿਜੇਤਾ ਐਲਵਿਸ਼ ਯਾਦਵ ਖਿਲਾਫ FIR ਦਰਜ, ਸੱਪ ਦੀ ਤਸਕਰੀ ਦਾ ਲੱਗਿਆ ਇਲਜ਼ਾਮ

Case Registered Against Youtuber Elvish Yadav: ਨੋਇਡਾ ਪੁਲਿਸ ਨੇ ਬਿੱਗ ਬੌਸ ਦੇ ਜੇਤੂ ਐਲਵਿਸ਼ ਯਾਦਵ ਦੇ ਖਿਲਾਫ ਐਫਆਈਆਰ ਦਰਜ ਕੀਤੀ ਹੈ। ਪੁਲਿਸ ਨੇ ਪਾਰਟੀ ਚੋਂ ਪੰਜ ਜ਼ਹਿਰੀਲੇ ਸੱਪ ਅਤੇ ਸੱਪ ਦਾ ਜ਼ਹਿਰ ਵੀ ਬਰਾਮਦ ਕੀਤਾ ਹੈ।

ਨਵੀਂ ਦਿੱਲੀ: ਬਿੱਗ ਬੌਸ ਦੇ ਜੇਤੂ ਐਲਵਿਸ਼ ਯਾਦਵ ਮੁਸੀਬਤ 'ਚ ਘਿਰਦੇ ਨਜ਼ਰ ਆ ਰਹੇ ਹਨ। ਪੁਲਿਸ ਨੇ ਐਲਵਿਸ਼ ਯਾਦਵ ਦੇ ਖਿਲਾਫ ਨੋਇਡਾ ਵਿੱਚ ਮਾਮਲਾ ਦਰਜ ਕਰ ਲਿਆ ਹੈ। ਦਰਅਸਲ, ਐਲਵਿਸ਼ 'ਤੇ ਨੋਇਡਾ 'ਚ ਰੇਵ ਪਾਰਟੀ ਦਾ ਆਯੋਜਨ ਕਰਨ ਦਾ ਇਲਜ਼ਾਮ ਹੈ। ਇੱਥੋਂ ਤੱਕ ਕਿ ਇਸ ਰੇਵ ਪਾਰਟੀ ਵਿੱਚ ਪਾਬੰਦੀਸ਼ੁਦਾ (case registered against youtuber Elvish Yadav) ਸੱਪ ਦੇ ਜ਼ਹਿਰ ਦੀ ਵਰਤੋਂ ਕੀਤੀ ਜਾ ਰਹੀ ਸੀ।

ਦੱਸ ਦਈਏ ਕਿ ਨੋਇਡਾ ਪੁਲਿਸ ਨੇ ਸੈਕਟਰ 49 ਵਿੱਚ ਛਾਪਾ ਮਾਰ ਕੇ ਪੰਜ ਲੋਕਾਂ ਨੂੰ ਗ੍ਰਿਫਤਾਰ ਕੀਤਾ ਹੈ। ਪੁਲਿਸ ਨੇ ਮੌਕੇ ਤੋਂ ਪੰਜ ਕੋਬਰਾ ਸੱਪ ਬਰਾਮਦ ਕੀਤੇ ਹਨ। ਇਸ ਤੋਂ ਇਲਾਵਾ ਸੱਪ ਦਾ ਜ਼ਹਿਰ ਵੀ ਮਿਲਿਆ ਹੈ। ਗ੍ਰਿਫਤਾਰ ਕੀਤੇ ਗਏ ਲੋਕਾਂ ਤੋਂ ਪੁੱਛਗਿੱਛ ਦੌਰਾਨ ਬਿੱਗ ਬੌਸ ਵਿਨਰ ਐਲਵਿਸ਼ ਯਾਦਵ ਦਾ ਨਾਂ ਵੀ ਸਾਹਮਣੇ (case registered against youtuber Elvish Yadav) ਆਇਆ ਹੈ। ਜਿਸ ਤੋਂ ਬਾਅਦ ਪੁਲਿਸ ਨੇ ਐਲਵਿਸ਼ ਯਾਦਵ ਸਮੇਤ 6 ਲੋਕਾਂ ਨੂੰ ਨਾਮਜ਼ਦ ਕੀਤਾ ਹੈ ਅਤੇ ਅਣਪਛਾਤੇ ਹੋਰਾਂ ਖਿਲਾਫ ਮਾਮਲਾ ਦਰਜ ਕੀਤਾ ਹੈ।

ਤੁਹਾਨੂੰ ਦੱਸ ਦੇਈਏ ਕਿ ਸੰਸਦ ਮੈਂਬਰ ਮੇਨਕਾ ਗਾਂਧੀ ਦੀ ਸੰਸਥਾ ਪੀਪਲ ਫਾਰ ਐਨੀਮਲਜ਼ ਵਿੱਚ ਐਨੀਮਲ ਵੈਲਫੇਅਰ ਅਫਸਰ ਵਜੋਂ ਕੰਮ ਕਰਦੇ ਗੌਰਵ ਗੁਪਤਾ ਨੇ ਐਫਆਈਆਰ ਦਰਜ ਕਰਵਾਈ ਹੈ। ਉਸ ਨੇ ਦੱਸਿਆ ਕਿ YouTuber Elvish ਯਾਦਵ ਹੋਰ YouTuber ਮੈਂਬਰਾਂ ਦੇ ਨਾਲ ਨੋਇਡਾ-NCR ਦੇ ਫਾਰਮ ਹਾਊਸਾਂ ਵਿੱਚ ਸੱਪ ਦੇ ਜ਼ਹਿਰ ਅਤੇ ਲਾਈਵ ਸੱਪਾਂ ਨਾਲ ਵੀਡੀਓ ਸ਼ੂਟ ਕਰਦਾ ਹੈ।

ਐਲਵਿਸ਼ ਯਾਦਵ ਬਾਰੇ ਜਾਣੋ:ਐਲਵੀਸ਼ ਯਾਦਵ ਇੱਕ ਬਹੁਤ ਹੀ ਮਸ਼ਹੂਰ YouTuber ਹੈ। ਉਸ ਦੇ ਯੂਟਿਊਬ ਚੈਨਲ 'ਐਲਵਿਸ਼ ਯਾਦਵ' ਦੇ ਇਸ ਸਮੇਂ 14.5 ਮਿਲੀਅਨ ਤੋਂ ਵੱਧ ਪ੍ਰਸ਼ੰਸਕ ਹਨ। ਯਾਦਵ ਇੰਸਟਾਗ੍ਰਾਮ 'ਤੇ ਵੀ ਕਾਫੀ ਐਕਟਿਵ ਹਨ ਅਤੇ ਉਨ੍ਹਾਂ ਦੇ ਇੰਸਟਾਗ੍ਰਾਮ 'ਤੇ 16 ਮਿਲੀਅਨ ਤੋਂ ਵੱਧ ਪ੍ਰਸ਼ੰਸਕ ਹਨ।