ਮੁੰਬਈ (ਬਿਊਰੋ): ਸਾਊਥ ਅਦਾਕਾਰਾ ਅਦਿਤੀ ਰਾਓ ਹੈਦਰੀ ਇਨ੍ਹੀਂ ਦਿਨੀਂ ਰਾਜਸਥਾਨ 'ਚ ਛੁੱਟੀਆਂ ਮਨਾ ਰਹੀ ਹੈ। ਦਰਅਸਲ ਅਦਾਕਾਰਾ ਤੋਂ ਰਾਜਨੇਤਾ ਬਣੀ ਬੀਨਾ ਕਾਕ ਨੇ ਹਾਲ ਹੀ 'ਚ ਅਦਿਤੀ ਨਾਲ ਕੁਝ ਤਸਵੀਰਾਂ ਆਪਣੇ ਇੰਸਟਾਗ੍ਰਾਮ 'ਤੇ ਸ਼ੇਅਰ ਕੀਤੀਆਂ ਹਨ। ਜਿਸ 'ਚ ਅਦਿਤੀ ਦੇ ਨਾਲ ਅਦਾਕਾਰ ਸਿਧਾਰਥ ਵੀ ਨਜ਼ਰ ਆ ਰਹੇ ਹਨ। ਉਹ 'ਰੰਗ ਦੇ ਬਸੰਤੀ' ਅਦਾਕਾਰ ਸਿਧਾਰਥ ਨੂੰ ਡੇਟ ਕਰਨ ਨੂੰ ਲੈ ਕੇ ਚਰਚਾ 'ਚ ਹੈ।
ਅਦਿਤੀ ਅਤੇ ਸਿਧਾਰਥ ਨਾਲ ਤਸਵੀਰਾਂ ਸ਼ੇਅਰ ਕਰਦੇ ਹੋਏ ਬੀਨਾ ਨੇ ਕੈਪਸ਼ਨ ਲਿਖਿਆ 'ਸਭ ਤੋਂ ਜ਼ਿਆਦਾ ਖੁਸ਼ੀ ਉਦੋਂ ਹੁੰਦੀ ਹੈ ਜਦੋਂ ਬੱਚੇ ਮੇਰੇ ਘਰ ਆਉਂਦੇ ਹਨ।' ਪਹਿਲੀ ਤਸਵੀਰ 'ਚ ਅਦਿਤੀ ਪੌੜੀਆਂ 'ਤੇ ਬੈਠੀ ਹੈ ਜਦਕਿ ਬੀਨਾ ਉਸ ਨਾਲ ਪੋਜ਼ ਦੇ ਰਹੀ ਹੈ। ਉਸ ਦੇ ਨਾਲ ਫਰੇਮ ਵਿੱਚ ਇੱਕ ਕੁੱਤਾ ਵੀ ਨਜ਼ਰ ਆ ਰਿਹਾ ਸੀ। ਤਸਵੀਰ 'ਚ ਅਦਿਤੀ ਨੇ ਬਲੈਕ ਐਂਡ ਵ੍ਹਾਈਟ ਟੀ-ਸ਼ਰਟ, ਬਲੂ ਡੈਨਿਮ ਅਤੇ ਸਨੀਕਰਸ ਪਾਏ ਹੋਏ ਹਨ। ਬੀਨਾ ਨੂੰ ਆਲ-ਵਾਈਟ ਪਹਿਰਾਵੇ 'ਚ ਦੇਖਿਆ ਗਿਆ। ਦੂਜੀ ਤਸਵੀਰ 'ਚ ਅਦਿਤੀ, ਸਿਧਾਰਥ ਅਤੇ ਬੀਨਾ ਇਕੱਠੇ ਕੈਮਰੇ ਲਈ ਪੋਜ਼ ਦੇ ਰਹੇ ਹਨ।