ਮੁੰਬਈ (ਬਿਊਰੋ): ਸਲਮਾਨ ਖਾਨ ਦੀ ਸੁਪਰਹਿੱਟ ਫਿਲਮ 'ਤੇਰੇ ਨਾਮ' ਦੀ ਅਦਾਕਾਰਾ ਭੂਮਿਕਾ ਚਾਵਲਾ ਨੇ ਹੈਰਾਨ ਕਰਨ ਵਾਲਾ ਖੁਲਾਸਾ ਕੀਤਾ ਹੈ। ਭੂਮਿਕਾ ਇਨ੍ਹੀਂ ਦਿਨੀਂ ਸਲਮਾਨ ਦੀ ਹਾਲ ਹੀ 'ਚ ਰਿਲੀਜ਼ ਹੋਈ ਫਿਲਮ 'ਕਿਸੀ ਕਾ ਭਾਈ ਕਿਸੀ ਕੀ ਜਾਨ' ਨੂੰ ਲੈ ਕੇ ਚਰਚਾ 'ਚ ਹੈ। ਇਸ ਫਿਲਮ 'ਚ ਉਹ ਸਲਮਾਨ ਖਾਨ ਦੇ ਸਾਲੇ ਦੀ ਪਤਨੀ ਦੇ ਕਿਰਦਾਰ 'ਚ ਨਜ਼ਰ ਆ ਰਹੀ ਹੈ।
ਫਿਲਮ 'ਤੇਰੇ ਨਾਮ' 'ਚ ਭੂਮਿਕਾ ਦੀ ਸਾਦਗੀ ਅਤੇ ਖੂਬਸੂਰਤੀ ਨੇ ਕਈ ਪ੍ਰਸ਼ੰਸਕਾਂ ਦਾ ਦਿਲ ਜਿੱਤ ਲਿਆ ਸੀ ਅਤੇ 20 ਸਾਲ ਬਾਅਦ ਇਕ ਵਾਰ ਫਿਰ ਸਲਮਾਨ ਅਤੇ ਭੂਮਿਕਾ ਇਕੱਠੇ ਨਜ਼ਰ ਆਏ ਹਨ। 2003 'ਚ 'ਤੇਰੇ ਨਾਮ' ਵਰਗੀ ਬਲਾਕਬਸਟਰ ਫਿਲਮ ਕਰਨ ਤੋਂ ਬਾਅਦ ਭੂਮਿਕਾ ਚਾਵਲਾ ਬਾਲੀਵੁੱਡ ਤੋਂ ਗਾਇਬ ਹੋਣ ਲੱਗੀ ਅਤੇ ਉਸ ਤੋਂ ਬਾਅਦ ਉਹ ਕੁਝ ਹੀ ਫਿਲਮਾਂ 'ਚ ਨਜ਼ਰ ਆਈ। ਭੂਮਿਕਾ ਦੇ ਬਾਲੀਵੁੱਡ ਤੋਂ ਗਾਇਬ ਹੋਣ ਦਾ ਕਾਰਨ ਸਾਹਮਣੇ ਆਇਆ।
ਹੁਣ ਫਿਲਮ 'ਕਿਸੀ ਕਾ ਭਾਈ ਕਿਸੀ ਕੀ ਜਾਨ' ਨਾਲ ਜੁੜੇ ਇਕ ਇੰਟਰਵਿਊ ਦੌਰਾਨ ਭੂਮਿਕਾ ਨੇ ਆਪਣੇ ਡੁੱਬਦੇ ਕਰੀਅਰ ਨੂੰ ਲੈ ਕੇ ਵੱਡਾ ਖੁਲਾਸਾ ਕੀਤਾ ਹੈ। ਅਦਾਕਾਰਾ ਨੇ ਦੱਸਿਆ ਹੈ ਕਿ ਫਿਲਮ 'ਜਬ ਵੀ ਮੀਟ' ਲਈ ਮੇਕਰਸ ਦੀ ਪਹਿਲੀ ਪਸੰਦ ਕਰੀਨਾ ਕਪੂਰ ਨਹੀਂ ਸੀ ਸਗੋਂ ਉਨ੍ਹਾਂ ਨੂੰ ਇਸ ਫਿਲਮ ਲਈ ਸਾਈਨ ਕੀਤਾ ਗਿਆ ਸੀ। ਇੰਨਾ ਹੀ ਨਹੀਂ, ਉਸ ਨੂੰ ਫਿਲਮ ਮੁੰਨਾਭਾਈ ਐਮਬੀਬੀਐਸ ਵਿੱਚ ਸੰਜੇ ਦੱਤ ਦੇ ਨਾਲ ਸਾਈਨ ਕੀਤਾ ਗਿਆ ਸੀ।
'ਤੇਰੇ ਨਾਮ' ਦੀ ਅਦਾਕਾਰਾ ਭੂਮਿਕਾ ਚਾਵਲਾ ਦਾ ਹੈਰਾਨ ਕਰਨ ਵਾਲਾ ਖੁਲਾਸਾ: ਫਿਲਮ 'ਜਬ ਵੀ ਮੀਟ' ਬਾਰੇ ਕਿਹਾ 'ਮੈਂ ਫਿਲਮ ਸਾਈਨ ਕੀਤੀ ਸੀ ਪਰ ਇਸ ਦੇ ਬਾਵਜੂਦ ਮੈਂ ਇਸ ਫਿਲਮ ਦਾ ਹਿੱਸਾ ਨਹੀਂ ਬਣ ਸਕੀ, ਇਸ ਲਈ ਮੈਨੂੰ ਬਹੁਤ ਬੁਰਾ ਲੱਗਾ, ਇਸ ਫਿਲਮ 'ਚ ਮੈਨੂੰ ਅਤੇ ਬੌਬੀ ਦਿਓਲ ਨੂੰ ਚੁਣਿਆ ਗਿਆ ਅਤੇ ਫਿਲਮ ਦਾ ਨਾਂ ਟਰੇਨ ਰੱਖਿਆ ਗਿਆ ਸੀ ਪਰ ਬਾਅਦ 'ਚ ਸ਼ਾਹਿਦ ਅਤੇ ਮੈਨੂੰ ਫਿਲਮ ਲਈ ਚੁਣਿਆ ਗਿਆ, ਇਸ ਤੋਂ ਬਾਅਦ ਮੇਰੀ ਜਗ੍ਹਾ ਆਇਸ਼ਾ ਟਾਕੀਆ ਨੂੰ ਲਿਆ ਗਿਆ ਅਤੇ ਫਿਰ 'ਜਬ ਵੀ ਮੀਟ' 'ਚ ਸ਼ਾਹਿਦ ਅਤੇ ਕਰੀਨਾ ਨੂੰ ਲਿਆ ਗਿਆ।'
ਫਿਲਮ 'ਮੁੰਨਾਭਾਈ ਐੱਮਬੀਬੀਐੱਸ' 'ਚ ਰੋਲ ਮਿਲਣ ਤੋਂ ਬਾਅਦ ਉਸ ਨੇ ਕਿਹਾ 'ਮੈਂ ਇਹ ਫਿਲਮ ਵੀ ਸਾਈਨ ਕੀਤੀ ਸੀ, ਪਰ ਮੈਨੂੰ ਇਸ ਫਿਲਮ 'ਚੋਂ ਵੀ ਕੱਢ ਦਿੱਤਾ ਗਿਆ, ਜਦੋਂ ਮੈਂ 10-12 ਸਾਲ ਬਾਅਦ ਰਾਜਕੁਮਾਰ ਹਿਰਾਨੀ ਨੂੰ ਮਿਲੀ ਤਾਂ ਉਨ੍ਹਾਂ ਨੇ ਮੈਨੂੰ ਇਸ ਦਾ ਕਾਰਨ ਦੱਸਿਆ। ਉਹਨਾਂ ਨੇ ਕਿਹਾ ਕਿ ਮੈਨੂੰ ਕਿਸੇ ਦੀ ਗਲਤੀ ਕਾਰਨ ਫਿਲਮ ਤੋਂ ਕੱਢ ਦਿੱਤਾ ਗਿਆ ਸੀ। ਤੁਹਾਨੂੰ ਦੱਸ ਦਈਏ ਫਿਲਮ ਮੁੰਨਾਭਾਈ ਐਮਬੀਬੀਐਸ ਸਾਲ 2003 ਵਿੱਚ ਅਤੇ ਜਬ ਵੀ ਮੀਟ ਸਾਲ 2007 ਵਿੱਚ ਰਿਲੀਜ਼ ਹੋਈ ਸੀ। ਹਿੰਦੀ ਸਿਨੇਮਾ ਦੀਆਂ ਇਹ ਦੋਵੇਂ ਫ਼ਿਲਮਾਂ ਬਲਾਕਬਸਟਰ ਸਾਬਤ ਹੋਈਆਂ ਸਨ।
ਇਹ ਵੀ ਪੜ੍ਹੋ:Diljit Dosanjh: ਦਿਲਜੀਤ ਦੁਸਾਂਝ ਨੇ ਕੋਚੇਲਾ 'ਚ ਭਾਰਤੀ ਝੰਡੇ ਦੇ ਵਿਵਾਦ ਨੂੰ ਲੈ ਕੇ ਕੀਤਾ ਟਵੀਟ, ਕਿਹਾ...
