ਹੈਦਰਾਬਾਦ: ਹਾਲੀਵੁੱਡ ਦੇ ਦਿੱਗਜ ਨਿਰਦੇਸ਼ਕ ਜੇਮਸ ਕੈਮਰਨ ਦੇ ਨਿਰਦੇਸ਼ਨ 'ਚ ਬਣੀ ਫਿਲਮ 'ਅਵਤਾਰ: ਦਿ ਵੇਅ ਆਫ ਵਾਟਰ' ਭਾਰਤ 'ਚ ਬੀਤੀ 16 ਦਸੰਬਰ ਤੋਂ ਰਿਲੀਜ਼ ਹੋ ਚੁੱਕੀ ਹੈ। ਫਿਲਮ ਨੂੰ ਲੈ ਕੇ ਭਾਰਤੀ ਦਰਸ਼ਕਾਂ 'ਚ ਖਾਸ ਕ੍ਰੇਜ਼ ਹੈ। ਅਜਿਹੇ 'ਚ ਫਿਲਮ 'ਅਵਤਾਰ-2' ਨੂੰ ਪਹਿਲੇ ਦਿਨ ਚੰਗਾ ਰਿਸਪਾਂਸ ਮਿਲਿਆ ਹੈ। ਟ੍ਰੇਡ ਐਨਾਲਿਸਟ ਮੁਤਾਬਕ ਫਿਲਮ ਨੇ ਪਹਿਲੇ ਦਿਨ ਹੀ ਸਿਨੇਮਾਘਰਾਂ 'ਚ ਧਮਾਲਾਂ ਪਾਈਆਂ ਹਨ ਪਰ ਫਿਲਮ ਤੋਂ ਜੋ ਉਮੀਦਾਂ ਸਨ, ਉਹ ਰਿਕਾਰਡ ਤੋੜ ਉਮੀਦਾਂ 'ਤੇ ਖਰਾ ਨਹੀਂ ਉਤਰ ਸਕੀ। ਫਿਲਮ 'ਅਵਤਾਰ-2' ਹਾਲੀਵੁੱਡ ਫਿਲਮ 'ਐਵੇਂਜਰਸ ਐਂਡਗੇਮ' ਅਤੇ ਸਾਊਥ ਸਿਨੇਮਾ ਦੀ ਮੇਗਾਬਲਾਕਰ ਫਿਲਮ KGF-2 ਦੇ ਓਪਨਿੰਗ ਡੇ ਕਲੈਕਸ਼ਨ ਦਾ ਰਿਕਾਰਡ ਤੋੜਨ 'ਚ ਅਸਫਲ ਰਹੀ ਹੈ। ਆਓ ਜਾਣਦੇ ਹਾਂ 'ਅਵਤਾਰ-2' ਨੇ ਪਹਿਲੇ ਦਿਨ ਬਾਕਸ ਆਫਿਸ 'ਤੇ ਕਿੰਨੀ ਕਮਾਈ ਕੀਤੀ ਅਤੇ ਇਹ ਵੀ ਜਾਣਦੇ ਹਾਂ ਕਿ ਫਿਲਮ 'ਐਵੇਂਜਰਸ ਐਂਡਗੇਮ' ਅਤੇ 'ਕੇਜੀਐਫ-2' ਦੀ ਸ਼ੁਰੂਆਤੀ ਦਿਨ ਦੀ ਕਮਾਈ ਤੋਂ ਕਿੰਨੀ ਪਿੱਛੇ ਰਹੀ?
ਦਰਸ਼ਕਾਂ ਨੇ ਕੀਤਾ 13 ਸਾਲ ਇੰਤਜ਼ਾਰ: 'ਅਵਤਾਰ' (2009) ਦੇ ਸੀਕਵਲ ਲਈ ਦਰਸ਼ਕਾਂ ਨੂੰ 13 ਸਾਲ ਇੰਤਜ਼ਾਰ ਕਰਨਾ ਪਿਆ। ਭਾਰਤ 'ਚ 'ਅਵਤਾਰ-2' ਦੇਸ਼ ਭਰ 'ਚ 3800 ਸਕ੍ਰੀਨਜ਼ 'ਤੇ ਰਿਲੀਜ਼ ਹੋ ਚੁੱਕੀ ਹੈ, ਜਿਸ ਦੇ ਰੋਜ਼ਾਨਾ 17,000 ਸ਼ੋਅ ਹੋ ਰਹੇ ਹਨ। ਫਿਲਮ ਦੀ ਐਡਵਾਂਸ ਬੁਕਿੰਗ 'ਚ ਵੀ ਵੱਡਾ ਵਾਧਾ ਹੋਇਆ ਹੈ। ਹੁਣ 'ਅਵਤਾਰ: ਦਿ ਵੇ ਆਫ ਵਾਟਰ' ਦੀ ਪਹਿਲੇ ਦਿਨ ਦੀ ਬਾਕਸ ਆਫਿਸ ਕਲੈਕਸ਼ਨ ਰਿਪੋਰਟ ਆ ਗਈ ਹੈ। ਮੀਡੀਆ ਰਿਪੋਰਟਾਂ ਮੁਤਾਬਕ ਫਿਲਮ ਨੇ ਭਾਰਤ 'ਚ ਬਾਕਸ ਆਫਿਸ 'ਤੇ ਪਹਿਲੇ ਦਿਨ 30 ਤੋਂ 40 ਕਰੋੜ ਰੁਪਏ ਦੀ ਕਮਾਈ ਕੀਤੀ ਹੈ। ਰਿਪੋਰਟਾਂ ਮੁਤਾਬਕ 'ਅਵਤਾਰ: ਦਿ ਵੇ ਆਫ ਵਾਟਰ' ਦੇ ਪਹਿਲੇ ਦਿਨ ਭਾਰਤ ਭਰ 'ਚ ਕੁੱਲ 4,41,960 ਟਿਕਟਾਂ ਵਿਕੀਆਂ ਹਨ।
Avatar: The Way of Water ਅਤੇ ਭਾਰਤ 'ਚ ਫਿਲਮ ਨੂੰ ਲੈ ਕੇ ਵਧਿਆ ਕ੍ਰੇਜ਼ ਦੱਸ ਰਿਹਾ ਸੀ ਕਿ ਫਿਲਮ 'ਅਵਤਾਰ-2' ਭਾਰਤ 'ਚ ਸਭ ਤੋਂ ਵੱਧ ਕਮਾਈ ਕਰਨ ਵਾਲੀ ਸੀ। ਪਹਿਲੇ ਦਿਨ ਸਭ ਤੋਂ ਵੱਧ ਕਮਾਈ ਕਰਨ ਦਾ ਰਿਕਾਰਡ ਰੱਖਣ ਵਾਲੀ ਮਾਰਵਲ ਸਟੂਡੀਓ ਦੀ ਹਾਲੀਵੁੱਡ ਫਿਲਮ 'ਐਵੇਂਜਰਸ ਐਂਡਗੇਮ' ਰਿਕਾਰਡ ਤੋੜੇਗੀ, ਪਰ ਅਜਿਹਾ ਨਹੀਂ ਹੋ ਸਕਿਆ। ਤੁਹਾਨੂੰ ਦੱਸ ਦੇਈਏ ਕਿ 'Avengers Endgame' ਨੇ ਭਾਰਤ 'ਚ ਪਹਿਲੇ ਦਿਨ 53 ਕਰੋੜ ਦੀ ਕਮਾਈ ਕੀਤੀ ਸੀ। ਇਸ ਦੇ ਨਾਲ ਹੀ ਰੌਕਿੰਗ ਸਟਾਰ ਯਸ਼ ਸਟਾਰਰ ਫਿਲਮ 'ਕੇਜੀਐਫ-2' ਨੇ ਇਸ ਸਾਲ ਬਾਕਸ ਆਫਿਸ 'ਤੇ ਪਹਿਲੇ ਦਿਨ 53.95 ਕਰੋੜ ਰੁਪਏ ਦੀ ਕਮਾਈ ਕੀਤੀ ਹੈ।