ਮੁੰਬਈ: ਅਨੀਸ ਬਜ਼ਮੀ ਦੀ ਆਉਣ ਵਾਲੀ ਮਨੋਵਿਗਿਆਨਕ ਅਤੇ ਐਕਸ਼ਨ ਥ੍ਰਿਲਰ ਫਿਲਮ 'ਨਾਮ' ਰਿਲੀਜ਼ ਹੋਣ ਲਈ ਤਿਆਰ ਹੈ। ਇਸ 'ਚ ਅਜੇ ਦੇਵਗਨ ਨਜ਼ਰ ਆਉਣਗੇ। ਨਿਰਮਾਤਾਵਾਂ ਦੀ ਨਜ਼ਰ ਫਿਲਮ ਦੀ ਰਿਲੀਜ਼ ਨੂੰ ਲੈ ਕੇ ਮਈ-ਜੁਲਾਈ 'ਤੇ ਹੈ। ਇਹ ਫਿਲਮ ਓਟੀਟੀ 'ਤੇ ਰਿਲੀਜ਼ ਹੋਵੇਗੀ ਜਾਂ ਸਿਨੇਮਾਘਰਾਂ 'ਚ, ਇਹ ਅਜੇ ਤੈਅ ਨਹੀਂ ਹੈ।
ਨਾਮ ਇੱਕ ਮਨੋਵਿਗਿਆਨਕ ਥ੍ਰਿਲਰ ਹੈ ਜਿਸ ਵਿੱਚ ਇੱਕ ਆਦਮੀ ਆਪਣੀ ਯਾਦਾਸ਼ਤ ਗੁਆ ਲੈਂਦਾ ਹੈ ਅਤੇ ਆਪਣੀ ਪਛਾਣ ਲੱਭਣ ਲਈ ਯਾਤਰਾ 'ਤੇ ਜਾਂਦਾ ਹੈ। ਫਿਲਮ ਦੀ ਸ਼ੂਟਿੰਗ ਸਵਿਟਜ਼ਰਲੈਂਡ ਅਤੇ ਮੁੰਬਈ 'ਚ ਕੀਤੀ ਗਈ ਹੈ।
ਫਿਲਮ 'ਹਲਚਲ', 'ਪਿਆਰ ਤੋ ਹੋਣਾ ਹੀ ਥਾ' ਅਤੇ 'ਦੀਵਾਂਗੀ' ਤੋਂ ਬਾਅਦ ਅਜੇ ਨਾਲ ਬਜ਼ਮੀ ਦੀ ਇਹ ਚੌਥੀ ਫਿਲਮ ਹੈ। ਇਸ ਨੂੰ ਹੁਣ ਗੁਜਰਾਤ ਸਥਿਤ ਰੀਅਲ ਅਸਟੇਟ ਮੋਗਲ ਅਤੇ ਬਾਲੀਵੁੱਡ ਨਿਰਮਾਤਾ ਅਨਿਲ ਰੁੰਗਟਾ ਨੇ ਹਾਸਲ ਕਰ ਲਿਆ ਹੈ ਅਤੇ ਇਸਨੂੰ ਰੁੰਗਟਾ ਐਂਟਰਟੇਨਮੈਂਟ ਦੇ ਬੈਨਰ ਹੇਠ ਰਿਲੀਜ਼ ਕੀਤਾ ਜਾਵੇਗਾ।
ਪਹਿਲਾਂ ਇਹ ਫਿਲਮ 1 ਜੂਨ 2008 ਨੂੰ ਰਿਲੀਜ਼ ਹੋਣੀ ਸੀ, ਪਰ ਰਿਲੀਜ਼ ਨਹੀਂ ਹੋ ਸਕੀ ਸੀ।