ਹੈਦਰਾਬਾਦ: ਬਾਹੂਬਲੀ ਸਟਾਰ ਪ੍ਰਭਾਸ ਅਤੇ ਕ੍ਰਿਤੀ ਸੈਨਨ ਸਟਾਰਰ ਫਿਲਮ ਆਦਿਪੁਰਸ਼ ਅੱਜ ਯਾਨੀ 16 ਜੂਨ ਨੂੰ ਦੇਸ਼ ਅਤੇ ਦੁਨੀਆ ਭਰ ਵਿੱਚ 10,000 ਤੋਂ ਵੱਧ ਸਕ੍ਰੀਨਜ਼ 'ਤੇ ਰਿਲੀਜ਼ ਹੋ ਗਈ ਹੈ। ਓਮ ਰਾਉਤ ਦੁਆਰਾ ਨਿਰਦੇਸ਼ਿਤ ਫਿਲਮ ਆਦਿਪੁਰਸ਼ ਨੂੰ ਦਰਸ਼ਕਾਂ ਦਾ ਮਿਲਿਆ-ਜੁਲਿਆ ਹੁੰਗਾਰਾ ਮਿਲ ਰਿਹਾ ਹੈ। ਇੱਥੇ ਕ੍ਰਿਤੀ ਸੈਨਨ ਨੇ ਬੀਤੀ ਰਾਤ ਆਪਣੇ ਪਰਿਵਾਰ ਨਾਲ ਫਿਲਮ ਦੀ ਸਕ੍ਰੀਨਿੰਗ ਕੀਤੀ। ਆਦਿਪੁਰਸ਼ ਲਈ 1.5 ਲੱਖ ਤੋਂ ਵੱਧ ਮੁਫਤ ਟਿਕਟਾਂ ਵੰਡੀਆਂ ਗਈਆਂ ਹਨ ਅਤੇ ਹਰ ਥੀਏਟਰ ਵਿੱਚ ਬਜਰੰਗਬਲੀ ਲਈ ਇੱਕ ਸੀਟ ਰਾਖਵੀਂ ਰੱਖੀ ਗਈ ਹੈ। ਇਸ ਦੇ ਨਾਲ ਹੀ ਫਿਲਮ ਦੇ ਰਿਲੀਜ਼ ਹੋਣ ਤੋਂ ਬਾਅਦ ਇੱਕ ਥੀਏਟਰ ਤੋਂ ਇੱਕ ਵੀਡੀਓ ਸਾਹਮਣੇ ਆਇਆ ਹੈ। ਇਸ ਵੀਡੀਓ 'ਚ ਹਨੂੰਮਾਨ ਜੀ ਦੀ ਮੂਰਤੀ ਨੂੰ ਸਿਨੇਮਾਘਰ 'ਚ ਪਹਿਲੀ ਸੀਟ 'ਤੇ ਬਿਠਾਇਆ ਗਿਆ ਹੈ ਅਤੇ ਇਕ ਵੀਡੀਓ 'ਚ ਦੇਖਿਆ ਜਾ ਰਿਹਾ ਹੈ ਕਿ ਸਿਨੇਮਾ ਹਾਲ 'ਚ ਇਕ ਬਾਂਦਰ ਆਦਿਪੁਰਸ਼ ਫਿਲਮ ਦੇਖ ਰਿਹਾ ਹੈ।
IM Rashmika ਨਾਮ ਦੇ ਟਵਿੱਟਰ ਹੈਂਡਲ ਨੇ ਇਸ ਵੀਡੀਓ ਨੂੰ ਸ਼ੇਅਰ ਕੀਤਾ ਹੈ। ਇਸ ਵੀਡੀਓ 'ਚ ਦੇਖਿਆ ਜਾ ਰਿਹਾ ਹੈ ਕਿ ਫਿਲਮ ਆਦਿਪੁਰਸ਼ ਇਕ ਥੀਏਟਰ 'ਚ ਚੱਲ ਰਹੀ ਹੈ ਅਤੇ ਉਥੇ ਇਕ ਬਾਂਦਰ ਖੁੱਲ੍ਹੀ ਖਿੜਕੀ 'ਚੋਂ ਫਿਲਮ ਦੇਖ ਰਿਹਾ ਹੈ। ਇਸ ਦੇ ਨਾਲ ਹੀ ਥੀਏਟਰ 'ਚ ਬੈਠੇ ਦਰਸ਼ਕ ਬਾਂਦਰ ਨੂੰ ਆਪਣੀ ਰਾਖਵੀਂ ਸੀਟ 'ਤੇ ਆ ਕੇ ਫਿਲਮ ਦੇਖਣ ਲਈ ਕਹਿ ਰਹੇ ਹਨ।