Ira Khan-Nupur Shikhare: ਇਰਾ ਖਾਨ ਅਤੇ ਨੂਪੁਰ ਸ਼ਿਖਾਰੇ ਦਾ Pre Wedding ਫੰਕਸ਼ਨ ਸ਼ੁਰੂ, ਮਰਾਠੀ ਲੁੱਕ 'ਚ ਨਜ਼ਰ ਆਈ ਆਮਿਰ ਖਾਨ ਦੀ ਲਾਡਲੀ

Ira Khan-Nupur Shikhare Pre Wedding Function: ਇਰਾ ਖਾਨ ਅਤੇ ਨੂਪੁਰ ਸ਼ਿਖਰੇ ਜਨਵਰੀ 2024 ਵਿੱਚ ਵਿਆਹ ਦੇ ਬੰਧਨ ਵਿੱਚ ਬੱਝਣ ਵਾਲੇ ਹਨ। ਵਿਆਹ ਤੋਂ ਪਹਿਲਾਂ ਦੇ ਸਮਾਗਮਾਂ ਦੀ ਸ਼ੁਰੂਆਤ 'ਕੈਲਵਨ' ਦੀ ਰਸਮ ਨਾਲ ਹੋਈ।

ਮੁੰਬਈ (ਬਿਊਰੋ): ਆਮਿਰ ਖਾਨ ਦੀ ਲਾਡਲੀ ਇਰਾ ਖਾਨ ਅਤੇ ਨੂਪੁਰ ਸ਼ਿਖਾਰੇ ਦੇ ਪ੍ਰੀ-ਵੈਡਿੰਗ ਫੰਕਸ਼ਨ ਸ਼ੁਰੂ ਹੋ ਗਏ ਹਨ। ਹਾਲ ਹੀ 'ਚ ਉਨ੍ਹਾਂ ਨੇ ਸੋਸ਼ਲ ਮੀਡੀਆ 'ਤੇ ਕੈਲਵਨ ਫੰਕਸ਼ਨ ਦੀਆਂ ਤਸਵੀਰਾਂ ਸ਼ੇਅਰ ਕੀਤੀਆਂ ਹਨ। ਇਰਾ ਖਾਨ ਅਤੇ ਨੂਪੁਰ ਸ਼ਿਖਾਰੇ ਦਾ ਵਿਆਹ 3 ਜਨਵਰੀ 2024 ਨੂੰ ਹੋਵੇਗਾ। ਇਸ ਜੋੜੇ ਨੇ ਪਿਛਲੇ ਸਾਲ ਨਵੰਬਰ 'ਚ ਮੰਗਣੀ ਕੀਤੀ ਸੀ।

ਇਰਾ ਖਾਨ ਅਤੇ ਨੂਪੁਰ ਸ਼ਿਖਰੇ ਜਨਵਰੀ 2024 ਵਿੱਚ ਵਿਆਹ ਕਰਨ ਜਾ ਰਹੇ ਹਨ। ਇਸ ਤੋਂ ਪਹਿਲਾਂ ਉਨ੍ਹਾਂ ਦੇ ਪ੍ਰੀ-ਵੈਡਿੰਗ ਫੰਕਸ਼ਨ ਦੀ ਸ਼ੁਰੂਆਤ ਰਿਵਾਇਤੀ ਮਹਾਰਾਸ਼ਟਰੀ 'ਕੈਲਵਨ' ਸਮਾਰੋਹ ਨਾਲ ਹੋਈ। ਸਾੜ੍ਹੀ ਵਿੱਚ ਇਰਾ ਬਹੁਤ ਖੂਬਸੂਰਤ ਲੱਗ ਰਹੀ ਸੀ ਅਤੇ ਉਸ ਨੇ ਰਿਵਾਇਤੀ ਮਹਾਰਾਸ਼ਟਰੀ ਨੱਕ ਰਿੰਗ ਪਹਿਨੀ ਹੋਈ ਸੀ। ਇਸ ਸਮਾਰੋਹ 'ਚ ਇਰਾ ਦੀ ਮਾਂ ਰੀਨਾ ਦੱਤ ਅਤੇ ਉਨ੍ਹਾਂ ਦੀ ਖਾਸ ਦੋਸਤ ਮਿਥਿਲਾ ਪਾਲਕਰ ਵੀ ਮੌਜੂਦ ਸਨ।

ਪਿਛਲੇ ਸਾਲ ਇੱਕ ਸ਼ਾਨਦਾਰ ਮੰਗਣੀ ਤੋਂ ਬਾਅਦ ਇਰਾ ਖਾਨ ਅਤੇ ਨੂਪੁਰ ਸ਼ਿਖਰੇ ਜਲਦੀ ਹੀ ਵਿਆਹ ਦੇ ਬੰਧਨ ਵਿੱਚ ਬੱਝਣ ਲਈ ਤਿਆਰ ਹਨ। ਇਸ ਤੋਂ ਪਹਿਲਾਂ ਅਫਵਾਹਾਂ 'ਚ ਕਿਹਾ ਗਿਆ ਸੀ ਕਿ ਦੋਵੇਂ 3 ਅਕਤੂਬਰ ਨੂੰ ਵਿਆਹ ਕਰਨਗੇ। ਹਾਲਾਂਕਿ, ਸਟਾਰ ਕਿਡ ਨੇ ਆਪਣੀ ਇੰਸਟਾਗ੍ਰਾਮ ਸਟੋਰੀ 'ਤੇ ਇਨ੍ਹਾਂ ਅਫਵਾਹਾਂ ਨੂੰ ਖਾਰਜ ਕਰ ਦਿੱਤਾ ਸੀ।

ਇੱਕ ਇੰਟਰਵਿਊ ਵਿੱਚ ਆਮਿਰ ਖਾਨ ਨੇ ਪੁਸ਼ਟੀ ਕੀਤੀ ਸੀ ਕਿ ਵਿਆਹ 2024 ਦੇ ਸ਼ੁਰੂ ਵਿੱਚ ਹੋਵੇਗਾ। ਤਾਰੀਕ ਦੀ ਪੁਸ਼ਟੀ ਕਰਦੇ ਹੋਏ ਆਮਿਰ ਖਾਨ ਨੇ ਕਿਹਾ, 'ਈਰਾ 3 ਜਨਵਰੀ ਨੂੰ ਵਿਆਹ ਕਰ ਰਹੀ ਹੈ। ਜਿਸ ਲੜਕੇ ਨੂੰ ਉਸਨੇ ਚੁਣਿਆ ਹੈ...ਉਹ ਇੱਕ ਟ੍ਰੇਨਰ ਹੈ, ਉਸਦਾ ਨਾਮ ਨੂਪੁਰ ਹੈ। ਉਹ ਇੱਕ ਪਿਆਰਾ ਮੁੰਡਾ ਹੈ।'

ਅਦਾਕਾਰ ਨੇ ਕਿਹਾ, 'ਜਦੋਂ ਇਰਾ ਡਿਪਰੈਸ਼ਨ ਨਾਲ ਜੂਝ ਰਹੀ ਸੀ ਤਾਂ ਉਹ ਉਸ ਦੇ ਨਾਲ ਸੀ। ਉਹ ਸੱਚਮੁੱਚ ਉਹ ਵਿਅਕਤੀ ਹੈ, ਜੋ ਉਸ ਦੇ ਨਾਲ ਖੜ੍ਹਾ ਸੀ ਅਤੇ ਉਸ ਦਾ ਭਾਵਨਾਤਮਕ ਤੌਰ 'ਤੇ ਸਮਰਥਨ ਕਰਦਾ ਸੀ। ਮੈਨੂੰ ਖੁਸ਼ੀ ਹੈ ਕਿ ਉਹ ਇਕੱਠੇ ਇੰਨੇ ਖੁਸ਼ ਹਨ। ਦੋਵੇਂ ਇੱਕ ਦੂਜੇ ਦਾ ਬਹੁਤ ਖਿਆਲ ਰੱਖਦੇ ਹਨ।'