ਚੰਡੀਗੜ੍ਹ:ਇੱਕ ਹੋਰ ਨਵੀਂ ਪੰਜਾਬੀ ਫਿਲਮ ਦੀ ਰਿਲੀਜ਼ ਡੇਟ ਅਤੇ ਪੋਸਟਰ ਸਾਹਮਣੇ ਆਇਆ ਹੈ। ਜੀ ਹਾਂ...2023 ਦੀ ਤੀਜੀ ਤਿਮਾਹੀ ਕਾਫੀ ਦਿਲਚਸਪ ਜਾਪਦੀ ਹੈ ਕਿਉਂਕਿ ਸਿਰਫ਼ ਇੱਕ ਹਫਤਾ ਹੀ ਰਹਿ ਗਿਆ ਹੈ ਸਾਲ ਦੀ ਤੀਜੀ ਤਿਮਾਹੀ ਸ਼ੁਰੂ ਹੋਣ ਨੂੰ ਅਤੇ ਕਈ ਫਿਲਮਾਂ ਦੀ ਰਿਲੀਜ਼ ਡੇਟ ਦਾ ਐਲਾਨ ਹੋ ਗਿਆ ਹੈ। ਇਨ੍ਹਾਂ 'ਚੋਂ ਇਕ 'ਫੇਰ ਮਾਮਲਾ ਗੜਬੜ ਹੈ' ਵੀ ਹੈ। ਫਿਲਮ ਦਾ ਐਲਾਨ 2021 ਵਿੱਚ ਕੀਤਾ ਗਿਆ ਸੀ ਅਤੇ ਹੁਣ ਆਖਰੀ ਰਿਲੀਜ਼ ਡੇਟ ਸਾਹਮਣੇ ਆ ਗਈ ਹੈ।
ਨਿੰਜਾ ਅਤੇ ਪ੍ਰੀਤ ਕਮਲ ਦੀ ਮੁੱਖ ਭੂਮਿਕਾ ਵਾਲੀ ਇਸ ਫਿਲਮ ਵਿੱਚ ਉਪੇਸ਼ ਜੰਗਵਾਲ, ਜਸਵਿੰਦਰ ਭੱਲਾ, ਬੀਐਨ ਸ਼ਰਮਾ, ਬਨਿੰਦਰ ਬੰਨੀ, ਭੂਮਿਕਾ ਸ਼ਰਮਾ, ਗੁਰਪ੍ਰੀਤ ਕੌਰ ਭੰਗੂ, ਰੋਜ਼ ਜੇ ਕੌਰ, ਦਿਲਾਵਰ ਸਿੱਧੂ, ਭੋਟੂ ਸ਼ਾਹ ਅਤੇ ਨਗਿੰਦਰ ਗੱਖੜ ਵੀ ਸ਼ਾਮਲ ਹਨ। 'ਫੇਰ ਮਾਮਲਾ ਗੜਬੜ ਹੈ' ਇੱਕ ਰੋਮਾਂਟਿਕ ਕਾਮੇਡੀ ਹੈ, ਜੋ 6 ਅਕਤੂਬਰ 2023 ਨੂੰ ਸਿਨੇਮਾਘਰਾਂ ਵਿੱਚ ਰਿਲੀਜ਼ ਹੋਵੇਗੀ।
ਓਹਰੀ ਪ੍ਰੋਡਕਸ਼ਨ, ਰਾਇਲ ਪੰਜਾਬ ਫਿਲਮਜ਼ ਅਤੇ ਬ੍ਰੀਮਿੰਗ ਵਿਜ਼ਨ ਫਿਲਮਜ਼ ਨੇ ਫਿਲਮ ਦਾ ਪੋਸਟਰ ਰਿਲੀਜ਼ ਕੀਤਾ। ਇਹ ਹਾਸੇ, ਭਾਵਨਾਵਾਂ ਅਤੇ ਮੰਨੋਰੰਜਨ ਦੀ ਇੱਕ ਯਾਤਰਾ ਦਾ ਵਾਅਦਾ ਕਰਦਾ ਹੈ। ਸਟਾਰ-ਕਾਸਟ, ਆਕਰਸ਼ਕ ਸੰਗੀਤ ਅਤੇ ਮਜ਼ੇਦਾਰ ਸੰਵਾਦਾਂ ਨਾਲ, ਇਹ ਫਿਲਮ ਬਿਨਾਂ ਸ਼ੱਕ ਸਾਰੇ ਪੰਜਾਬੀ ਫਿਲਮਾਂ ਦੇ ਸ਼ੌਕੀਨਾਂ ਲਈ ਦੇਖਣੀ ਜ਼ਰੂਰੀ ਹੈ।
ਟੀਮ ਆਪਣੇ ਸੋਸ਼ਲ ਮੀਡੀਆ 'ਤੇ ਗਈ ਅਤੇ ਪ੍ਰਮੁੱਖ ਵੇਰਵਿਆਂ ਦੇ ਨਾਲ ਇੱਕ ਪੋਸਟਰ ਸਾਂਝਾ ਕੀਤਾ। ਇਹ ਨਿੰਜਾ ਨੂੰ ਵਿਅੰਗਮਈ ਅਵਤਾਰ ਵਿੱਚ ਦਰਸਾਉਂਦਾ ਹੈ। ਤੁਸੀਂ ਨਿੰਜਾ ਨੂੰ ਗਹਿਣਿਆਂ ਅਤੇ ਬਿੰਦੀ ਦੇ ਨਾਲ ਸੂਟ ਪਹਿਨੇ ਹੋਏ ਦੇਖੋਗੇ। ਭਾਵ ਕਿ ਤੁਸੀਂ ਨਿੰਜਾ ਨੂੰ ਇੱਕ ਔਰਤ ਅਵਤਾਰ ਵਿੱਚ ਬਦਲਦੇ ਹੋਏ ਵੀ ਦੇਖੋਗੇ।
ਪੋਸਟਰ ਨੇ ਪ੍ਰਸ਼ੰਸਕਾਂ ਵਿੱਚ ਉਤਸ਼ਾਹ ਪੈਦਾ ਕਰ ਦਿੱਤਾ ਹੈ ਅਤੇ ਹੁਣ ਪ੍ਰਸ਼ੰਸਕ ਟੀਜ਼ਰ ਅਤੇ ਟ੍ਰੇਲਰ ਨੂੰ ਦੇਖਣ ਲਈ ਬੇਤਾਬ ਹਨ। ਹਾਲਾਂਕਿ ਫਿਲਮ ਲਈ ਲਗਭਗ ਡੇਢ ਮਹੀਨਾ ਬਾਕੀ ਰਹਿ ਗਿਆ ਹੈ।
