ਆਸਕਰ ਲਈ ਗਈ '12ਵੀਂ ਫੇਲ੍ਹ', ਬਾਕਸ ਆਫਿਸ 'ਤੇ ਕਰ ਚੁੱਕੀ ਹੈ ਇੰਨੇ ਕਰੋੜ ਦਾ ਕਾਰੋਬਾਰ

'12th Fail' Submitted For Oscars: ਵਿਕਰਾਂਤ ਮੈਸੀ ਸਟਾਰਰ ਫਿਲਮ 12ਵੀਂ ਫੇਲ੍ਹ ਨੂੰ 96ਵੇਂ ਆਸਕਰ ਐਵਾਰਡ ਲਈ ਭੇਜਿਆ ਗਿਆ ਹੈ। ਇਸ ਗੱਲ ਦਾ ਖੁਲਾਸਾ ਫਿਲਮ ਨਾਲ ਜੁੜੇ ਇਸ ਖਾਸ ਵਿਅਕਤੀ ਨੇ ਕੀਤਾ ਹੈ।

ਹੈਦਰਾਬਾਦ: ਸਭ ਤੋਂ ਪ੍ਰਤਿਭਾਸ਼ਾਲੀ ਅਦਾਕਾਰ ਵਿਕਰਾਂਤ ਮੈਸੀ ਦੀ ਸਭ ਤੋਂ ਵਧੀਆ ਫਿਲਮ 12ਵੇਂ ਫੇਲ੍ਹ ਆਸਕਰ ਦੇ ਲਈ ਗਈ ਹੈ। ਫਿਲਮ 12ਵੀਂ ਫੇਲ੍ਹ 27 ਅਕਤੂਬਰ ਨੂੰ ਰਿਲੀਜ਼ ਹੋਈ ਸੀ। ਬਾਕਸ ਆਫਿਸ 'ਤੇ 12ਵੀਂ ਫੇਲ੍ਹ ਦਾ ਜਾਦੂ ਅਜੇ ਵੀ ਬਰਕਰਾਰ ਹੈ। ਫਿਲਮ ਨੂੰ ਰਿਲੀਜ਼ ਹੋਏ 29 ਦਿਨ ਹੋ ਚੁੱਕੇ ਹਨ। ਇਸ ਫਿਲਮ ਦਾ ਨਿਰਦੇਸ਼ਨ ਵਿਧੂ ਵਿਨੋਦ ਚੋਪੜਾ ਨੇ ਕੀਤਾ ਹੈ ਅਤੇ ਪੂਰੀ ਫਿਲਮ ਦੀ ਅਗਵਾਈ ਅਦਾਕਾਰ ਵ੍ਰਿਕਾਂਤ ਮੈਸੀ ਕਰ ਰਹੇ ਹਨ। ਹੁਣ ਇੱਕ ਇਵੈਂਟ ਵਿੱਚ ਵਿਕਰਾਂਤ ਨੇ ਖੁਲਾਸਾ ਕੀਤਾ ਹੈ ਕਿ ਮੇਕਰਸ ਨੇ ਫਿਲਮ 12ਵੀਂ ਫੇਲ੍ਹ ਨੂੰ 10 ਮਾਰਚ 2024 ਨੂੰ ਹੋਣ ਵਾਲੇ ਆਸਕਰ ਐਵਾਰਡਸ ਲਈ ਭੇਜ ਦਿੱਤਾ ਹੈ।

ਵਿਕਰਾਂਤ ਨੇ ਕੀਤਾ ਖੁਲਾਸਾ:ਇਸ ਇਵੈਂਟ ਵਿੱਚ ਵਿਕਰਾਂਤ ਨੇ ਆਪਣੇ ਸੰਘਰਸ਼ ਬਾਰੇ ਗੱਲ ਕਰਦੇ ਹੋਏ ਆਪਣੇ ਪ੍ਰਸ਼ੰਸਕਾਂ ਨੂੰ ਇਹ ਖੁਸ਼ਖਬਰੀ ਦਿੱਤੀ ਹੈ। 36 ਸਾਲ ਦੇ ਵਿਕਰਾਂਤ ਨੇ ਦੱਸਿਆ ਕਿ ਉਹ 15 ਸਾਲ ਦੀ ਉਮਰ ਤੋਂ ਫਿਲਮ ਇੰਡਸਟਰੀ 'ਚ ਕੰਮ ਕਰ ਰਹੇ ਹਨ। ਤੁਹਾਨੂੰ ਦੱਸ ਦੇਈਏ ਕਿ ਵਿਕਰਾਂਤ ਨੇ ਆਪਣੀ ਐਕਟਿੰਗ ਦੀ ਸ਼ੁਰੂਆਤ ਟੀਵੀ ਤੋਂ ਕੀਤੀ ਸੀ। ਵਿਕਰਾਂਤ ਇੱਕ ਚੰਗਾ ਡਾਂਸਰ ਵੀ ਹੈ। ਅਦਾਕਾਰ ਨੇ ਕਈ ਸਟੇਜ 'ਤੇ ਡਾਂਸ ਸ਼ੋਅ ਵੀ ਕੀਤੇ ਹਨ।

12ਵੀਂ ਫੇਲ੍ਹ ਦੀ ਬਾਕਸ ਆਫਿਸ ਰਿਪੋਰਟ:27 ਅਕਤੂਬਰ ਨੂੰ ਰਿਲੀਜ਼ ਹੋਈ ਫਿਲਮ 12ਵੀਂ ਫੇਲ੍ਹ ਅੱਜ ਰਿਲੀਜ਼ ਦੇ 30ਵੇਂ ਦਿਨ 'ਤੇ ਚੱਲ ਰਹੀ ਹੈ। ਸਿਰਫ 20 ਕਰੋੜ ਰੁਪਏ ਦੇ ਬਜਟ ਨਾਲ ਬਣੀ ਫਿਲਮ 12ਵੀਂ ਫੇਲ੍ਹ ਨੇ ਘਰੇਲੂ ਬਾਕਸ ਆਫਿਸ 'ਤੇ 45.13 ਕਰੋੜ ਰੁਪਏ ਅਤੇ ਦੁਨੀਆ ਭਰ 'ਚ 55.18 ਕਰੋੜ ਰੁਪਏ ਦੀ ਕਮਾਈ ਕੀਤੀ ਹੈ।