ਸਿਆਸਤ ਕਾਰਨ ਹੇਮਾ ਮਾਲਿਨੀ ਨੇ ਕਰਵਾਇਆ ਸਕੂਲ ਬੰਦ

ਬਾਲੀਵੁੱਡ ਅਦਾਕਾਰਾ ਹੇਮਾ ਮਾਲਿਨੀ ਨੇ ਚੋਣ ਜਾਬਤੇ ਦਾ ਉਲੰਘਣ ਕੀਤਾ ਹੈ। ਉਨ੍ਹਾਂ ਸਰਕਾਰੀ ਸਕੂਲ ਦੇ ਵਿੱਚ ਰੈਲੀ ਨੂੰ ਸੰਬੋਧਨ ਕੀਤਾ ਹੈ।

ਮਥੁਰਾ :ਬਾਲੀਵੁੱਡ ਦੀ ਡਰੀਮ ਗਰਲ ਹੇਮਾ ਮਾਲਿਨੀ 'ਤੇ ਮਥੁਰਾ ਪੁਲਿਸ ਨੇ ਐਫਆਈਆਰ ਦਰਜ ਕਰ ਲਈ ਹੈ। ਅਦਾਕਾਰੀ ਤੋਂ ਸਿਆਸਤ ਦੇ ਵਿੱਚ ਆਈ ਹੇਮਾ ਮਾਲਿਨੀ ਨੇ ਚੋਣ ਜਾਬਤੇ ਦਾ ਉਲੰਘਣ ਕੀਤਾ ਹੈ। ਉਨ੍ਹਾਂ ਇਕ ਸਰਕਾਰੀ ਸਕੂਲ ਦੇ ਵਿੱਚ ਰੈਲੀ ਨੂੰ ਸੰਬੋਧਨ ਕੀਤਾ ਜੋ ਕਿ ਕਾਨੂੰਨੀ ਤੌਰ 'ਤੇ ਬਿਲਕੁਲ ਵੀ ਵਾਜਿਬ ਨਹੀਂ ਸੀ।
ਮਥੁਰਾ ਦੇ ਇਕ ਪੁਲਿਸ ਅਧਿਕਾਰੀ ਮੁਤਾਬਿਕ 2 ਅ੍ਰਪੈਲ ਨੂੰ ਹੇਮਾ ਮਾਲਿਨੀ ਦੀ ਟੀਮ ਨੇ ਪਬਲਿਕ ਮੀਟਿੰਗ ਦੀ ਆਗਿਆ ਲਈ ਹੋਈ ਸੀ। ਪਰ ਉਨ੍ਹਾਂ ਮੌਕੇ 'ਤੇ ਮੀਟਿੰਗ ਦਾ ਪ੍ਰਬੰਧ ਇਕ ਸਰਕਾਰੀ ਸਕੂਲ ਦੇ ਵਿੱਚ ਕਰ ਲਿਆ । ਸਰਕਾਰੀ ਸਕੂਲਾਂ 'ਚ ਚੋਣਾਂ ਸੰਬਧੀ ਸਮਾਗਮ ਕਰਨਾ ਕਾਨੂੰਨੀ ਤੌਰ 'ਤੇ ਇਕ ਜੁਰਮ ਹੈ।

ਦੱਸ ਦਈਏ ਕਿ ਕੁਝ ਮੀਡੀਆ ਰਿਪੋਰਟਾਂ ਮੁਤਾਬਿਕ ਸਰਕਾਰੀ ਸਕੂਲ ਦੀ ਪ੍ਰਿੰਸੀਪਲ ਨੇ ਇਹ ਕਿਹਾ ਹੈ ਕਿ ਹੇਮਾ ਮਾਲਿਨੀ ਨੇ ਮਿਡ-ਡੇ-ਮੀਲ ਪਰੋਸੇ ਜਾਣ ਤੋਂ ਬਾਅਦ ਸਕੂਲ ਬੰਦ ਕਰਵਾ ਦਿੱਤਾ ਸੀ। ਕਿਉਂਕਿ ਰੈਲੀ ਦੇ ਸ਼ੌਰ-ਸ਼ਰਾਬੇ 'ਚ ਬੱਚਿਆਂ ਦਾ ਪੜ੍ਹਣਾ ਮੁਸ਼ਕਿਲ ਸੀ।