ਸੁਲਤਾਨਪੁਰ ਲੋਧੀ: ਕਹਿੰਦੇ ਹਨ ਕਿ ਹੌਸਲਾ ਹੋਵੇ ਤਾਂ ਸਾਰਾ ਕੁਝ ਸੰਭਵ ਹੈ ਤੇ ਉਤੋਂ ਮੌਕੇ ’ਤੇ ਦਿਮਾਗ ਨਾਲ ਕੰਮ ਲਿਆ ਹੋਵੇ ਤਾਂ ਸੋਨੇ ’ਤੇ ਸੁਹਾਗਾ। ਅਜਿਹੀ ਹੀ ਇੱਕ ਮਿਸਾਲ ਕਪੂਰਥਲਾ ਦੇ ਸੁਲਤਾਨਪੁਰ ਲੋਧੀ ਕਸਬੇ ਵਿੱਚ ਸਾਹਮਣੇ ਆਈ। ਇਥੇ ਇੱਕ ਨਿਡਰ ਕੁੜੀ ਨੇ ਉਸ ਦੇ ਘਰੋਂ ਮੋਬਾਈਲ ਫੋਨ ਖੋਹ ਕੇ ਨੱਸੇ ਬਦਮਾਸ਼ਾਂ ਨੂੰ ਸੀਸੀਟੀਵੀ ਫੁਟੇਜ (CCTV footage) ਤੇ ਮੋਬਾਈਲ ਵਾਹਟਸੈਪ ਗਰੁੱਪਾਂ (Whatsapp groups) ਰਾਹੀਂ ਕੁਝ ਸਮੇਂ ਵਿੱਚ ਹੀ ਲੱਭ ਲਿਆ ਤੇ ਆਪਣੇ ਸਾਥੀਆਂ ਦੀ ਮਦਦ ਨਾਲ ਫੜ ਕੇ ਪੁਲਿਸ ਹਵਾਲੇ ਕਰ ਦਿੱਤਾ।
ਪੰਜਾਬ ਵਿੱਚ ਲੁਟੇਰਿਆਂ ਦੇ ਹੌਸਲੇ ਬੁਲੰਦ
ਪੰਜਾਬ ਵਿੱਚ ਪਿਛਲੇ ਕੁਝ ਦਿਨਾਂ ਤੋਂ ਲੁਟੇਰਿਆਂ ਦੇ ਹੌਂਸਲੇ ਬੁਲੰਦ ਹੁੰਦੇ ਜਾ ਰਹੇ ਹਨ। ਦਿਨ ਦਿਹਾੜੇ ਸ਼ਰੇਆਮ ਲੁੱਟਾਂ ਖੋਹਾਂ ਦੀ ਵਾਰਦਾਤਾਂ ਨੂੰ ਵੱਲੋਂ ਬੇਖੌਫ਼ ਹੋਕੇ ਅੰਜਾਮ ਦਿੱਤਾ ਜਾ ਰਿਹਾ ਹੈ। ਤਾਜਾ ਮਾਮਲਾ ਸੁਲਤਾਨਪੁਰ ਲੋਧੀ ਦੇ ਸਿੱਖਾਂ ਮੁਹੱਲੇ ਦਾ ਹੈ। ਜਿੱਥੇ ਘਰ ਵਿੱਚ ਬਜੁਰਗ ਅੋਰਤ ਤੋਂ ਦੋ ਲੁਟੇਰੇ ਦਿਨ ਦਹਾੜੇ ਬੇਖੌਫ ਘੜ ਵਿੱਚ ਵੜ ਕੇ ਮੋਬਾਈਲ ਖੋਂਹਦੇ ਹਨ ਤੇ ਫਰਾਰ ਹੋ ਜਾਂਦੇ ਹਨ। ਇਸ ਦੋਰਾਨ ਬਜੁਰਗ ਅੋਰਤ ਵੱਲੋਂ ਸਾਰੀ ਸੂਚਨਾ ਫੋਨ ਉੱਤੇ ਆਪਣੀ ਬੇਟੀ ਗੁਰਵਿੰਦਰ ਕੋਰ ਨੂੰ ਦਿੱਤੀ ਜਾਂਦੀ ਹੈ। ਬੇਟੀ ਘਰ ਆਉਁਦੀ ਹੈ ਤੇ ਸੀਸੀਟੀਵੀ ਕੈਮਰਿਆਂ ਵਿੱਚੋਂ ਲੁਟੇਰਿਆਂ ਦੇ ਚਿਹਰੇ ਕੱਢ ਕੇ ਆਪਣੇ ਸਰਕਲ ਵਿੱਚ ਭੇਜਦੀ ਹੈ ਜਿਸ ਤੋਂ ਬਾਅਦ ਲੁਟੇਰਿਆਂ ਦੀ ਭਾਲ ਸੁਰੂ ਹੋ ਜਾਂਦੀ ਹੈ।
ਖੁਦ ਹੀ ਫੜੇ ਲੁਟੇਰੇ