ਸੰਗਰੂਰ: ਸੁਨਾਮ ਉਧਮ ਸਿੰਘ ਵਾਲਾ ਸਥਾਨਕ ਬੱਸ ਸਟੈਂਡ ਨੇੜੇ ਇੱਕ ਦੁਕਾਨ 'ਚ ਵੀਰਵਾਰ ਨੂੰ ਲੱਗੀ ਅੱਗ ਦੇ ਸਬੰਧ ਵਿੱਚ ਪੁਲਿਸ ਨੇ 3 ਲੋਕਾਂ ਵਿਰੁੱਧ ਮਾਮਲਾ ਦਰਜ ਕੀਤਾ ਹੈ। ਪਰ, ਇਸ ਘਟਨਾ ਤੋਂ ਬਾਅਦ ਦੁਕਾਨਦਾਰਾਂ ਵੱਲੋਂ ਬੱਸ ਸਟੈਂਡ ਰੋਡ 'ਤੇ ਚੱਕਾ ਜਾਮ ਕੀਤਾ ਗਿਆ।
ਦੁਕਾਨਦਾਰ ਨੀਲਮ ਰਾਣੀ ਦੇ ਦੱਸੇ ਮੁਤਾਬਕ, ਇਹ ਦੁਕਾਨ ਉਨ੍ਹਾਂ ਕੋਲੋਂ 22 ਸਾਲਾ ਤੋ ਕਿਰਾਏ 'ਤੇ ਸੀ ਅਤੇ ਦੁਕਾਨ ਮਾਲਕ ਵੱਲੋਂ ਇਸ ਦੁਕਾਨ ਨੂੰ ਅੱਗ ਲਗਾਈ ਗਈ ਹੈ, ਜਿਸ 'ਚ ਉਨ੍ਹਾਂ ਦਾ ਲੱਖਾਂ ਦਾ ਨੁਕਸਾਨ ਹੋ ਗਿਆ। ਇਸਦੇ ਚਲਦੇ ਪੁਲਿਸ ਨੇ 3 ਲੋਕਾਂ ਵਿਰੁੱਧ ਮਾਮਲਾ ਦਰਜ ਕੀਤਾ ਹੈ।
ਇਸ ਮੌਕੇ ਡੀਐੱਸਪੀ ਰਾਜੇਸ਼ ਸਨੇਹੀ ਅਤੇ ਥਾਣਾ ਮੁਖੀ ਮੇਜਰ ਸਿੰਘ ਨੇ ਦੱਸਿਆ ਕਿ ਉਨ੍ਹਾਂ ਨੇ ਦੁਕਾਨ ਦੇ ਪਿਛੋਂ ਪਾੜ ਲਗਾ ਕੇ ਇਹ ਅੱਗ ਲਗਾਈ ਹੈ ਜਿਸ ਨੂੰ ਲੈ ਕੇ ਧਾਰਾ 'ਚ ਹੋਰ ਵਾਧਾ ਕੀਤਾ ਜਾ ਰਿਹਾ ਹੈ। ਉਨ੍ਹਾਂ ਕਿਹਾ ਕਿ ਮੁਲਜ਼ਮਾਂ ਨੂੰ ਫੜਨ ਲਈ ਪੂਰੇ ਯਤਨ ਕੀਤੇ ਜਾ ਰਹੇ ਹਨ ਅਤੇ ਉਹ ਭਰੋਸਾ ਦਿਵਾਉਂਦੇ ਹਨ ਕਿ ਉਨ੍ਹਾਂ ਨੂੰ ਜਲਦ ਫੜ੍ਹ ਲਿਆ ਜਾਵੇਗਾ।
ਸੁਨਾਮ ਉਧਮ ਸਿੰਘ ਵਾਲਾ ਸਥਾਨਕ ਬਸ ਸਟੈਂਡ