ਨਾਭਾ: ਭਾਰਤੀ ਕਿਸਾਨ ਯੂਨੀਅਨ ਏਕਤਾ ਡਕੌਦਾਂ ਨੇ ਸੋਮਵਾਰ ਨੂੰ ਸ਼ਹੀਦ ਬੀਬੀ ਕਿਰਨਜੀਤ ਕੌਰ ਮਹਿਲ ਕਲਾਂ ਦੀ 23ਵੀਂ ਸ਼ਰਧਾਂਜਲੀ ਕਾਨਫਰੰਸ ਮਨਾਈ ਗਈ। ਸ਼ਰਧਾਂਜਲੀ ਸਮਾਗਮ ਨਾਭਾ ਦੀ ਸਬ ਤਹਿਸੀਲ ਭਾਦਸੋਂ ਦੇ ਪਿੰਡ ਸੁੱਧੇਵਾਲ ਵਿਖੇ ਮਨਾਇਆ ਗਿਆ। ਬੀਬੀ ਕਿਰਨਜੀਤ ਕੌਰ ਨੂੰ ਸ਼ਰਧਾਂਜਲੀ ਦੇਣ ਲਈ ਕਾਨਫਰੰਸ ਵਿੱਚ ਵੱਡੀ ਗਿਣਤੀ ਵਿੱਚ ਵੱਖ-ਵੱਖ ਪਿੰਡ ਦੇ ਕਿਸਾਨ ਜੁੜੇ ਹੋਏ ਸਨ।
ਬੀਬੀ ਕਿਰਨਜੀਤ ਕੌਰ ਮਹਿਲਕਲਾਂ ਦੀ 23ਵੀਂ ਸ਼ਹੀਦੀ ਕਾਨਫਰੰਸ ਮਨਾਈ
ਇਸ ਮੌਕੇ ਭਾਰਤੀ ਕਿਸਾਨ ਯੂਨੀਅਨ ਦੇ ਆਗੂਆਂ ਨੇ ਲੋਕਾਂ ਨੂੰ ਬੀਬੀ ਕਿਰਨਜੀਤ ਕੌਰ ਦੀ ਸ਼ਹੀਦੀ ਬਾਰੇ ਜਾਣੂੰ ਕਰਵਾਇਆ। ਆਗੂਆਂ ਨੇ ਦੱਸਿਆ ਕਿ ਕਿਵੇਂ ਗੁੰਡਿਆਂ ਅੱਗੇ ਹਾਰ ਨਾ ਮੰਨਦੀ ਹੋਈ ਕਿਰਨਜੀਤ ਨੇ ਸ਼ਹੀਦੀ ਪਾਈ ਸੀ। 1997 ਵਿੱਚ ਮਹਿਲ ਕਲਾਂ ਵਿਖੇ ਗੁੰਡਿਆਂ ਵੱਲੋਂ ਸਕੂਲ ਤੋਂ ਪਰਤਦਿਆਂ ਬੀਬੀ ਕਿਰਨਜੀਤ ਨੂੰ ਜ਼ਬਰ-ਜਿਨਾਹ ਪਿੱਛੋਂ ਕਤਲ ਕਰਕੇ ਖੇਤ ਵਿੱਚ ਦੱਬ ਦਿੱਤਾ ਗਿਆ ਸੀ। ਲੋਕਾਂ ਵੱਲੋਂ ਸੰਘਰਸ਼ ਕਰਨ ਤੋਂ ਬਾਅਦ ਕਿਰਨਜੀਤ ਕੌਰ ਦੀ ਲਾਸ਼ ਖੇਤਾਂ ਵਿੱਚੋਂ ਕਢਵਾਈ ਗਈ ਅਤੇ ਗੁੰਡਿਆਂ ਨੂੰ ਸਜ਼ਾ ਦਿਵਾਈ ਗਈ ਸੀ।