ਲੁਧਿਆਣਾ :ਕੇਂਦਰ ਸਰਕਾਰ ਵੱਲੋਂ ਬਣਾਏ ਤਿੰਨ ਖੇਤੀ ਕਾਨੂੰਨਾਂ ਖਿਲਾਫ ਦਿੱਲੀ ਬਾਰਡਰ 'ਤੇ ਕਿਸਾਨ ਅੰਦੋਲਨ ਜਾਰੀ ਹੈ। ਕਿਸਾਨ ਅੰਦੋਲਨ 'ਚ ਹਰਿਆਣਾ ਦੇ ਇੱਕ ਕਿਸਾਨ ਵੱਲੋਂ 51 ਲੱਖ ਦੀ ਮੱਝ ਵੇਚ ਕੇ ਲੰਗਰ ਲਗਾਉਣ ਦਾ ਚਰਚਾ ਹੈ। ਚਰਚਾ ਹੈ ਕਿ ਸਰਸਵਤੀ ਨਾਂਅ ਦੀ ਮੱਝ 51ਲੱਖ ਰੁਪਏ 'ਚ ਵਿਕੀ ਹੈ। ਇਸ ਸਬੰਧੀ ਮੱਝ ਦੇ ਮਾਲਕ ਪਵਿੱਤਰ ਸਿੰਘ ਨੇ ਹੈਰਾਨੀਜਕ ਖੁਲਾਸੇ ਕੀਤੇ ਹਨ।
51 ਲੱਖ ਦੀ ਵਿੱਕੀ ਮੱਝ ਬਾਰੇ ਖੁਲਾਸਾ
ਪਵਿੱਤਰ ਸਿੰਘ ਨੇ ਦੱਸਿਆ ਕਿ ਉਹ ਸਮਰਾਲਾ ਦੇ ਕਸਬਾ ਮਾਛੀਵਾੜਾ ਦਾ ਵਸਨੀਕ ਹੈ। ਉਸ ਨੇ ਮੋਹਰਾ ਨਸਲ ਦੀ ਸਰਸਵਤੀ ਮੱਝ ਨੂੰ 51 ਲੱਖ 'ਚ ਨਹੀਂ ਖਰੀਦਿਆ, ਬਲਕਿ ਉਸ ਨੇ 7 ਮੱਝਾਂ ਦੇ ਨਾਲ 2.50 ਲੱਖ ਰੁਪਏ ਨਗਦ ਹਰਿਆਣਾ ਦੇ ਵਪਾਰੀ ਸੁਖਬੀਰ ਟਾਂਡਾ ਨੂੰ ਦਿੱਤੇ ਸਨ। ਇਹ ਜ਼ਰੂਰ ਹੈ ਕਿ ਸੁਖਬੀਰ ਵੱਲੋਂ ਕਿਸਾਨ ਅੰਦੋਲਨ 'ਚ ਲੋਕਾਂ ਦੇ ਸਹਿਯੋਗ ਨਾਲ ਲੰਗਰ ਜ਼ਰੂਰ ਲਾਇਆ ਗਿਆ ਹੈ। ਪਵਿੱਤਰ ਸਿੰਘ ਮੁਤਾਬਕ ਸੋਸ਼ਲ ਮੀਡੀਆ ਤੇ ਲੋਕਾਂ ਨੂੰ ਗਲਤ ਦੱਸ ਕੇ ਗੁੰਮਰਾਹ ਕੀਤਾ ਜਾ ਰਿਹਾ ਹੈ ਕਿ ਹਰਿਆਣਾ ਦੇ ਵਪਾਰੀ ਸੁਖਬੀਰ ਟਾਂਡਾ ਨੇ 51 ਲੱਖ ਰੁਪਏ 'ਚ ਮੋਹਰਾ ਨਸਲ ਦੀ ਮੱਝ ਸਰਸਵਤੀ ਨੂੰ ਵੇਚ ਕੇ ਦਿੱਲੀ 'ਚ ਚੱਲ ਰਹੇ ਕਿਸਾਨ ਅੰਦੋਲਨ 'ਚ ਲੰਗਰ ਲਾਇਆ ਹੈ।