ਦਿਨ ਦਿਹਾੜੇ ਸੜਕ ਵਿਚਾਲੇ ਨੌਜਵਾਨ ਨੇ ਸਾਥੀ ਦਾ ਕੀਤਾ ਕਤਲ

ਲਵਲੀ ਅੱਜ ਉਹ ਆਪਣਾ ਸਮਾਨ ਵਾਪਿਸ ਲੈਣ ਆਇਆ ਸੀ ਜਿਸ ਮਗਰੋਂ ਦੋਹਾਂ ’ਚ ਤਕਰਾਰ ਹੋ ਗਈ ਤੇ ਲਵਨੀ ਨੇ ਆਪਣੀ ਕਿਰਪਾਨ ਨਾਲ ਨਛੱਤਰ ਸਿੰਘ ਦਾ ਕਤਲ ਕਰ ਦਿੱਤਾ।

ਲੁਧਿਆਣਾ:ਸ਼ਹਿਰ ’ਚ ਉਸ ਸਮੇਂ ਦਹਿਸ਼ਤ ਦਾ ਮਾਹੌਲ ਬਣ ਗਿਆ ਜਦੋਂ ਇੱਕ ਨੌਜਵਾਨ ਨੇ ਆਪਣੇ ਹੀ ਸਾਥੀ ਨੌਜਵਾਨ ਦਾ ਦਿਨ-ਦਿਹਾੜੇ ਤੇਜ਼ਧਾਰ ਹਥਿਆਰ ਨਾਲ ਕਤਲ ਕਰ ਦਿੱਤਾ। ਮ੍ਰਿਤਕ ਦੀ ਪਛਾਣ ਨਛੱਤਰ ਸਿੰਘ ਵੱਜੋਂ ਹੋਈ ਹੈ। ਦੱਸ ਦਈਏ ਕਿ ਨਛੱਤਰ ਸਿੰਘ ਜੋ ਕਬਾੜ ਦਾ ਕੰਮ ਕਰਦਾ ਸੀ ਉਹ ਆਪਣੇ ਸਾਥੀ ਜਸਪ੍ਰੀਤ ਸਿੰਘ ਉਰਫ਼ ਲਵਲੀ ਤੋਂ ਗੈਸ ਕਟਰ ਤੇ ਹੋਰ ਸਮਾਨ ਲੈ ਕੇ ਆਇਆ ਹੋਇਆ ਸੀ ਤੇ ਲਵਲੀ ਅੱਜ ਉਹ ਆਪਣਾ ਸਮਾਨ ਵਾਪਿਸ ਲੈਣ ਆਇਆ ਸੀ ਜਿਸ ਮਗਰੋਂ ਦੋਹਾਂ ’ਚ ਤਕਰਾਰ ਹੋ ਗਈ ਤੇ ਲਵਨੀ ਨੇ ਆਪਣੀ ਕਿਰਪਾਨ ਨਾਲ ਨਛੱਤਰ ਸਿੰਘ ਦਾ ਕਤਲ ਕਰ ਦਿੱਤਾ।

ਉਥੇ ਹੀ ਪੀੜਤ ਪਰਿਵਾਰ ਦਾ ਕਹਿਣਾ ਹੈ ਕਿ ਉਹਨਾਂ ਦਾ ਇੱਕ ਹੀ ਘਰ ’ਚ ਕਮਾਉਣ ਵਾਲਾ ਸੀ ਜਿਸ ਕਾਰਨ ਉਹਨਾਂ ਨੇ ਇਨਸਾਫ ਦੀ ਮੰਗ ਕੀਤੀ ਹੈ। ਉਥੇ ਹੀ ਪੁਲਿਸ ਦਾ ਕਹਿਣਾ ਹੈ ਕਿ ਮੁਲਜ਼ਮ ਖਿਲਾਫ ਮਾਮਲਾ ਦਰਜ ਕਰ ਉਸ ਦੀ ਭਾਲ ਕੀਤੀ ਜਾ ਰਹੀ ਹੈ।