ਲੁਧਿਆਣਾ: ਕੋਰੋਨਾ ਵਾਇਰਸ ਦੇ ਚਲਦੇ ਜਿੱਥੇ ਸੂਬੇ 'ਚ ਕਰਫਿਊ ਜਾਰੀ ਹੈ। ਉੱਥੇ ਹੀ ਸਰਕਾਰ ਵੱਲੋਂ ਕਰਫਿਊ ਦਾ ਸਮਾਂ ਵਧਾ ਦਿੱਤਾ ਗਿਆ ਹੈ ਤਾਂ ਜੋ ਲੋਕ ਆਪਣੇ ਘਰਾਂ 'ਚ ਰਹਿ ਕੇ ਕੋਰੋਨਾ ਮਹਾਂਮਾਰੀ ਤੋਂ ਬੱਚ ਸਕਣ। ਇਸ ਦੇ ਉਲਟ ਸ਼ੇਰਪੁਰ ਦੇ ਰਣਜੀਤ ਨਗਰ ਇਲਾਕੇ 'ਚ ਮੇਲਾ ਲਗਾਇਆ ਗਿਆ ਹੈ। ਇੱਥੇ ਕਰਫਿਊ ਦਾ ਕੋਈ ਅਸਰ ਨਜ਼ਰ ਨਹੀਂ ਆਇਆ।
ਸ਼ੇਰਪੁਰ 'ਚ ਮੇਲਾ, ਪ੍ਰਸ਼ਾਸਨ ਬੇਖ਼ਬਰ
ਇਸ ਮੇਲੇ ਦੌਰਾਨ ਸ਼ੇਰਪੁਰ ਇਲਾਕੇ ਦੇ ਰਣਜੀਤ ਨਗਰ 'ਚ ਪ੍ਰਵਾਸੀ ਮਜਦੂਰਾਂ ਦਾ ਭਾਰੀ ਇੱਕਠ ਵੇਖਿਆ ਗਿਆ। ਇਸ ਦੌਰਾਨ ਵੱਡੀ ਗਿਣਤੀ 'ਚ ਰੇਹੜੀਆਂ, ਦੁਕਾਨਾਂ ਤੇ ਫੜੀਆਂ ਲੱਗੀ ਹੋਇਆਂ ਨਜ਼ਰ ਆਇਆਂ। ਇਸ ਦੌਰਾਨ ਮਹਿਜ ਤਿੰਨ ਪੁਲਿਸ ਮੁਲਾਜ਼ਮ ਹੀ ਨਜ਼ਰ ਆਏ ਤੇ ਉਨ੍ਹਾਂ ਵੱਲੋਂ ਇੱਥੇ ਮੇਲੇ ਨੂੰ ਰੋਕਣ ਲਈ ਕੋਈ ਸਖ਼ਤ ਕਾਰਵਾਈ ਨਹੀਂ ਕੀਤੀ ਗਈ। ਸੂਚਨਾ ਮਿਲ ਦੇ ਹੀ ਜਿਵੇਂ ਮੀਡੀਆ ਉੱਥੇ ਪਹੁੰਚੀ ਤਾਂ ਮੌਕੇ 'ਤੇ ਦੁਕਾਨਦਾਰ ਤੇ ਲੋਕ ਰੇਹੜੀਆਂ ਤੇ ਆਪੋ-ਆਪਣਾ ਸਮਾਨ ਲੈ ਕੇ ਭਜਦੇ ਨਜ਼ਰ ਆਏ।