ਪਤੀ ਤੇ ਤਿੰਨ ਕਮਾਊ ਪੁੱਤ ਹੋਣ ਦੇ ਬਾਵਜੂਦ ਧੱਕੀ ਖਾ ਰਹੀ ਹੈ ਬਜ਼ੁਰਗ ਮਾਂ

2 ਪੈਨਸਨਾਂ ਲੈ ਰਹੇ ਰਿਟਾਇਰ ਫੌਜੀ ਤੇ ਤਿੰਨ ਕਮਾਊ ਪੁੱਤਾਂ ਦੇ ਹੋਣ ਦੇ ਬਾਵਜੂਦ ਵੀ 70 ਸਾਲ ਦੀ ਬਜ਼ੁਰਗ ਬਿਨਾ ਛੱਤ ਦੇ ਰਹਿ ਰਹੀ ਹੈ ਜੋ ਕਿ ਦਰ-ਦਰ ਦੀਆਂ ਠੋਕਰਾ ਖਾ ਰਹੀ ਹੈ ਤੇ ਇਨਸਾਫ ਦੀ ਮੰਗ ਕਰ ਰਹੀ ਹੈ।

ਲੁਧਿਆਣਾ: ਕਹਿੰਦੇ ਹਨ ਕਿ ਪੁੱਤ ਕਪੁੱਤ ਹੋ ਜਾਂਦੇ ਹਨ ਅਜਿਹਾ ਹੀ ਇੱਕ ਮਾਮਲਾ ਪਿੰਡ ਸਿੜਾ ਤੋਂ ਸਾਹਮਣੇ ਆਇਆ ਹੈ ਜਿਥੇ ਬਜ਼ੁਰਗ ਮਹਿਲਾਂ ਆਪਣੇ ਰਿਟਾਇਰ ਫੌਜੀ ਪਤੀ ਤੇ ਤਿੰਨ ਵਿਆਹੇ ਨੌਜਵਾਨ ਕਮਾਊ ਪੱਤ ਹੋਣ ਦੇ ਬਾਵਜੂਦ ਵੀ ਠੋਕਰਾਂ ਖਾ ਰਹੀ ਹੈ। ਬਜ਼ੁਰਗ ਔਰਤ ਦਾ ਨਾ ਅਮਰਜੀਤ ਕੌਰ ਹੈ ਜਿਸ ਦੀ ਉਮਰ 70 ਸਾਲ ਤੋਂ ਵੱਧ ਹੈ। ਪੀੜਤ ਔਰਤ ਨੇ ਦੱਸਿਆ ਕਿ ਉਸ ਦਾ ਘਰ ਵਾਲਾ ਰਿਟਾਇਰ ਫੌਜੀ ਹੈ ਅਤੇ ਉਹ ਬੈਂਕ ਵਿੱਚ ਨੌਕਰੀ ਕਰ 2 ਪੈਨਸ਼ਨਾਂ ਲੈ ਰਿਹਾ ਹੈ ਜੋ ਉਸ ਨੂੰ ਰੋਟੀ ਨਹੀਂ ਦੇ ਰਿਹਾ ਤੇ ਉਸ ਦੇ ਪੁੱਤਰਾਂ ਨੇ ਵੀ ਉਸ ਨੂੰ ਘਰੋਂ ਕੱਢ ਦਿੱਤਾ ਹੈ। ਜੋ ਹੁਣ ਬਿਨਾਂ ਛੱਡ ਦੇ ਰਹਿ ਰਹੀ ਹੈ।

ਉਥੇ ਹੀ ਪੀੜਤਾ ਦੇ ਪਤੀ ਨੇ ਦੱਸਿਆ ਕਿ ਉਸ ਨੇ ਦੂਜਾ ਵਿਆਹ ਕਰਵਾਇਆ ਸੀ ਤੇ ਸਾਡੀ ਦੋਵਾਂ ਦੀ ਬਣੀ ਨਹੀਂ ਜਿਸ ਕਾਰਨ ਅਸੀਂ ਵੱਖ ਹੋ ਗਏ। ਉਹਨਾਂ ਨੇ ਕਿਹਾ ਕਿ ਪੰਚਾਇਤ ਨੇ ਫੈਸਲਾ ਕਰਵਾਇਆ ਸੀ ਤੇ ਮੈਂ ਉਸ ਨੂੰ ਮਹਿਨੇ ਬਾਅਦ ਖਰਚਾ ਵੀ ਦੇ ਰਿਹਾ ਹੈ, ਪਰ ਹੁਣ ਇਹ ਫਿਰ ਵੀ ਸਹਿਮਤੀ ਨਹੀਂ ਹੈ।
ਪਿੰਡ ਦੇ ਸਾਬਕਾ ਸਰਪੰਚ ਤੇ ਗੁਆਂਢੀਆ ਨੇ ਕਿਹਾ ਕਿ ਇਸ ਮਹਿਲਾਂ ਨਾਲ ਪਿਛਲੇ ਕਾਫੀ ਸਾਲਾ ਤੋਂ ਧੱਕਾ ਹੋ ਰਿਹਾ ਹੈ ਤੇ ਇਹ ਦਰ-ਦਰ ਦੀਆਂ ਠੋਕਰਾਂ ਖਾ ਰਹੀ ਹੈ। ਉਥੇ ਹੀ ਮਾਮਲੇ ਸਬੰਧੀ ਥਾਣਾ ਇੰਚਾਰਜ ਨੇ ਕਿਹਾ ਕਿ ਉਹਨਾਂ ਨੇ ਦੋਵੇ ਧਿਰਾਂ ਨੂੰ ਬੁਲਾਇਆ ਹੈ ਤੇ ਜੋ ਵੀ ਫੈਸਲਾ ਹੋਵੇਗਾ ਉਹ ਕਰ ਦਿੱਤਾ ਜਾਵੇਗਾ।