ਜਲੰਧਰ: ਬੀਤੇ ਦਿਨੀ ਫਗਵਾੜਾ ਦੇ ਸੂਦਾਂ ਮਹੱਲਾ ਵਿਖੇ ਇੱਕ ਘਰ ਵਿੱਚ ਹੋਈ ਚੋਰੀ ਦੇ ਮਾਮਲੇ ਨੂੰ ਸੁਲਝਾਉਦੇ ਹੋਏ 2 ਦੋਸ਼ੀਆਂ ਨੂੰ ਫਗਵਾੜਾ ਪੁਲਿਸ ਨੇ ਗ੍ਰਿਫਤਾਰ ਕਰਨ ਵਿੱਚ ਸਫਲਤਾ ਹਾਸਲ ਕੀਤੀ ਹੈ। ਪੁਲਿਸ ਨੇ ਉਕਤ ਮੁਲਜ਼ਮਾਂ ਕੋਲੋ ਚੋਰੀ ਕੀਤੀ ਨਗਦੀ ਅਤੇ ਸੋਨੇ ਦਾ ਬਿਸਕੁੱਟ ਵੀ ਬਰਾਮਦ ਕਰ ਲਿਆ ਹੈ।
ਇਸ ਸਬੰਧੀ ਗੱਲਬਾਤ ਕਰਦਿਆ ਡਾ. ਐੱਸਪੀ ਫਗਵਾੜਾ ਏਆਰ ਸ਼ਰਮਾਂ ਨੇ ਦੱਸਿਆ ਕਿ ਸੁਰਜੀਤ ਕੁਮਾਰ ਸੂਦ ਪੁੱਤਰ ਕਿਸ਼ੋਰੀ ਲਾਲ ਸੂਦ ਵਾਸੀ ਸੂਦਾਂ ਮਹੱਲਾ ਫਗਵਾੜਾ ਨੇ ਥਾਣਾ ਸਿਟੀ ਵਿਖੇ ਬਿਆਨ ਦਰਜ਼ ਕਰਵਾਇਆ ਸੀ ਕਿ ਉਹ ਆਪਣੇ ਘਰ ਵਿੱਚ ਇਕੱਲਾ ਹੀ ਰਹਿੰਦਾ ਹੈ ਅਤੇ ਉਹ ਜਦੋਂ ਕਿਸੇ ਕੰਮ ਵਾਸਤੇ ਘਰੋਂ ਬਾਹਰ ਗਿਆ ਤਾਂ ਚੋਰਾਂ ਨੇ ਉਹਨਾਂ ਦੇ ਘਰ ਅੰਦਰ ਦਾਖਲ ਹੋ ਕੇ ਘਰ ਦੀ ਅਲਮਾਰੀ ਵਿੱਚੋਂ ਸਾਢੇ ਤਿੰਨ ਰੁਪਏ ਦੀ ਨਗਦੀ ਅਤੇ 4 ਗ੍ਰਾਂਮ ਦਾ ਇੱਕ ਸੋਨੇ ਦਾ ਬਿਸਕੁੱਟ ਚੋਰੀ ਕਰ ਲਿਆ ਅਤੇ ਫਿਰ ਫਰਾਰ ਹੋ ਗਏ।
ਫਗਵਾੜਾ ਵਿੱਚ ਚੋਰੀ ਕਰਨ ਵਾਲੇ ਗੈਂਗ ਦੇ ਦੋ ਮੈਂਬਰਾਂ ਨੂੰ ਪੁਲਿਸ ਨੇ ਕੀਤਾ ਗ੍ਰਿਫਤਾਰ