ਜਲੰਧਰ: ਕੋਰੋਨਾ ਵਾਇਰਸ ਵਿਰੁੱਧ ਜੰਗ ਵਿੱਚ ਮੂਹਰਲੀ ਕਤਾਰ ਵਿੱਚ ਲੜ ਰਹੇ ਸਫਾਈ ਕਰਮੀ ਇਸ ਔਖੀ ਘੜੀ ਵਿੱਚ ਬਹੁਤ ਹੀ ਅਹਿਮ ਭੂਮੀਕਾ ਨਿਭਾ ਰਹੇ ਹਨ। ਦੂਜੇ ਪਾਸੇ ਇਨ੍ਹਾਂ ਕਰਮੀਆਂ ਦੀ ਸੁਰੱਖਿਆ ਯਕੀਨੀ ਬਣਾਉਣ ਦੇ ਪ੍ਰਸ਼ਾਸਨ ਦੇ ਦਾਅਵੇ ਜ਼ਮੀਨੀ ਪੱਧਰ 'ਤੇ ਖੋਖਲੇ ਨਜ਼ਰ ਆ ਰਹੇ ਹਨ।
ਸੈਨੇਟਾਈਜ਼ਰ ਦੀ ਥਾਂ ਸਫ਼ਾਈ ਕਰਮੀਆਂ ਨੂੰ ਦਿੱਤੇ ਗਏ ਐਕਸਪਾਈਰੀ ਡੇਟ ਲੰਘੇ ਸਾਬਣ - cleanliness workers given expired soaps
ਕੋਰੋਨਾ ਵਿਰੁੱਧ ਲੜਾਈ ਵਿੱਚ ਲੋਕਾਂ ਦੀ ਸੇਵਾ ਵਿੱਚ ਲੱਗੇ ਸਫਾਈ ਕਰਮੀਆਂ ਨੂੰ ਜਲੰਧਰ ਨਗਰ ਨਿਗਮ ਸੈਨੇਟਾਈਜ਼ਰ ਦੀ ਥਾਂ ਉਹ ਸਾਬਣ ਦਿੱਤੇ ਜਿਨ੍ਹਾਂ ਦੀ ਐਕਸਪਾਈਰੀ ਡੇਟ ਬੀਤ ਚੁੱਕੀ ਹੈ।
ਸੈਨੇਟਾਈਜ਼ਰ ਦੀ ਥਾਂ ਸਫ਼ਾਈ ਕਰਮੀਆਂ ਨੂੰ ਦਿੱਤੇ ਐਕਸਪਾਈਰੀ ਡੇਟ ਲੰਘੇ ਸਾਬਣ
ਪ੍ਰਸ਼ਾਸਨ ਦੇ ਇਨ੍ਹਾਂ ਦਾਅਵਿਆਂ ਦੀ ਪੋਲ ਖੋਲ੍ਹਦਾ ਅਜਿਹਾ ਹੀ ਇੱਕ ਮਾਮਲਾ ਜਲੰਧਰ ਤੋਂ ਸਾਹਮਣੇ ਆਇਆ ਹੈ, ਜਿੱਥੇ ਨਗਰ ਨਿਗਮ ਦੇ ਸਫ਼ਾਈ ਕਰਮਚਾਰੀਆਂ ਨੂੰ ਸੈਨੇਟਾਈਜ਼ਰ ਦੀ ਥਾਂ ਉਹ ਸਾਬਣ ਦਿੱਤੇ ਗਏ ਜਿਨ੍ਹਾਂ ਦੀ ਐਕਸਪਾਈਰੀ ਡੇਟ ਬੀਤ ਚੁੱਕੀ ਹੈ। ਇਸ ਮੌਕੇ ਸਫਾਈ ਕਰਮੀਆਂ ਨੇ ਅਧਿਕਾਰੀਆਂ 'ਤੇ ਦੋਸ਼ ਲਗਾਏ ਕਿ ਅਫ਼ਸਰਾਂ ਵੱਲੋਂ ਉਨ੍ਹਾਂ ਨਾਲ ਵਿਤਕਰਾ ਕੀਤਾ ਜਾਂਦਾ ਹੈ।
ਸੈਨੇਟਾਈਜ਼ਰ ਦੀ ਥਾਂ ਸਫ਼ਾਈ ਕਰਮੀਆਂ ਨੂੰ ਦਿੱਤੇ ਐਕਸਪਾਈਰੀ ਡੇਟ ਲੰਘੇ ਸਾਬਣ
ਇਸ ਸਬੰਧੀ ਜਦੋਂ ਜੇਈ ਤੋਂ ਸਵਾਲ ਪੁੱਛੇ ਗਏ ਤਾਂ ਉਨ੍ਹਾਂ ਨੇ ਕਿਹਾ ਕਿ ਜਦੋਂ ਉਨ੍ਹਾਂ ਦੇ ਕੋਲ ਸਾਬਣ ਆਏ ਸੀ ਤਾਂ ਉਨ੍ਹਾਂ ਨੇ ਇਹ ਸਾਬਣ ਸਫਾਈ ਕਰਮਚਾਰੀਆਂ ਨੂੰ ਵੰਡ ਦਿੱਤੇ ਸਨ ਪਰ ਡੇਟ ਨਹੀਂ ਚੈੱਕ ਕੀਤੀ ਗਈ ਸੀ। ਜਦੋਂ ਉਨ੍ਹਾਂ ਤੋਂ ਇੰਨੇ ਪੁਰਾਣੇ ਸਟਾਕ ਦੇ ਬਾਰੇ ਪੁੱਛਿਆ ਗਿਆ ਤਾਂ ਉਨ੍ਹਾਂ ਆਪਣਾ ਪੱਲਾ ਝਾੜਦੇ ਹੋਏ ਕਿਹਾ ਕਿ ਇਹ ਮਾਮਲਾ ਉੱਚ ਆਧਿਕਾਰੀਆਂ ਦੇ ਧਿਆਨ ਵਿੱਚ ਲਿਆਂਦਾ ਜਾਵੇਗਾ।