ਹੁਸ਼ਿਆਰਪੁਰ:ਦੇਸ਼ ਦੀਆਂ ਰਾਜਸੀ ਪਰਟੀਆਂ ਕਿਸਾਨਾਂ ਅਤੇ ਕਿਸਾਨੀ ਮਸਲਿਆਂ ਲਈ ਗੰਭੀਰ ਨਹੀਂ ਹਨ। ਜਿਸ ਕਾਰਨ ਅੱਜ ਕਿਸਾਨਾਂ ਨੂੰ ਦਿੱਲੀ ਬਾਰਡਰਾਂ 'ਤੇ ਆਪਣੀਆਂ ਮੰਗਾਂ ਲਈ ਡੇਰੇ ਜਮਾਉਣੇ ਪਏ ਹਨ| ਇਹ ਵਿਚਾਰ ਕਿਸਾਨੀ ਹੱਟ ਦੇ ਡਾਇਰੈਕਟਰ ਹਰਵਿੰਦਰ ਸਿੰਘ ਸੰਧੂ ਨੇ ਗੜ੍ਹਸ਼ੰਕਰ ਵਿਖੇ ਕਿਸਾਨਾਂ ਅਤੇ ਆਮ ਲੋਕਾਂ ਲਈ ਸਸਤੇ ਰਾਸ਼ਨ ਦੀ ਕਿਸਾਨੀ ਹਟ ਦੇ ਉਦਘਾਟਨ ਮੌਕੇ ਬੋਲਦਿਆਂ ਪ੍ਰਗਟ ਕੀਤੇ|
ਕਿਸਾਨਾਂ ਅਤੇ ਆਮ ਲੋਕਾਂ ਲਈ ਸਸਤੇ ਰਾਸ਼ਨ ਦੀ ਕਿਸਾਨੀ ਹੱਟ ਖੋਲ੍ਹੀ ਗਈ
ਸੰਧੂ ਨੇ ਕਿਹਾ ਕਿ ਉਹ ਕਿਸੇ ਵੀ ਪਾਰਟੀ ਨੂੰ ਦੋਸ਼ ਨਹੀਂ ਦਿੰਦੇ ਪਰੰਤੂ ਪਾਰਟੀਆਂ ਚਲਾਉਣ ਅਤੇ ਦੇਸ਼ ਦੀ ਰਣਨੀਤੀ ਘੜਨ ਵਾਲਿਆਂ ਦੀ ਆਲੋਚਨਾ ਕਰਦੇ ਹਨ। ਜਿਸ ਕਾਰਨ ਅੱਜ ਦੇਸ਼ ਹੋਰ ਸਮੱਸਿਆਵਾਂ ਦੀ ਬਜਾਏ ਮੰਹਿਗਾਈ ਦੀ ਮਾਰ ਹੇਠ ਆ ਗਿਆ ਹੈ|
ਉਨ੍ਹਾਂ ਕਿਹਾ ਕਿ ਅੱਜ ਪੂਰੇ ਪੰਜਾਬ ਵਿਚ 13 ਕਿਸਾਨੀ ਹੱਟ ਖੋਲ੍ਹੇ ਜਾਂ ਰਹੇ ਹਨ। ਜਲਦ ਹੀ ਸਾਰੇ ਪੰਜਾਬ ਦੇ ਹਰ ਛੋਟੇ ਵੱਡੇ ਸ਼ਹਿਰ ਵਿਚ ਇਹ ਸਸਤੇ ਰਾਸ਼ਨ ਦੀਆਂ ਦੁਕਾਨਾਂ ਖੋਲ੍ਹੀਆਂ ਜਾਣਗੀਆਂ। ਜਿਸ ਤੋਂ ਉਸ ਸ਼ਹਿਰ ਕਸਬੇ ਅਤੇ ਆਸ ਪਾਸ ਦੇ ਪਿੰਡਾਂ ਦੇ ਲੋਕ ਫ਼ਾਇਦਾ ਚੁੱਕ ਸਕਦੇ ਹਨ|