ਗੁਰਦਾਸਪੁਰ: ਬੀਤੀ ਰਾਤ ਆਏ ਤੂਫ਼ਾਨ ਦੇ ਕਾਰਨ ਪੰਜਾਬ ਦੇ ਵੱਖ-ਵੱਖ ਹਿੱਸਿਆ ਵਿੱਚ ਕਾਫ਼ੀ ਮਾਲੀ ਨੁਕਸਾਨ ਹੋਇਆ ਹੈ। ਜ਼ਿਲ੍ਹੇ ਦੇ ਪਿੰਡ ਢਾਡੀਆਲਾ ਨਜ਼ਾਰਾ ਦੇ ਵਿੱਚ 12 ਹਜ਼ਾਰ ਸਕੇਅਰ ਫੁੱਟ ਦਾ ਪੋਲਟਰੀ ਫਾਰਮ ਪੂਰੀ ਤਰ੍ਹਾਂ ਤਬਾਹ ਹੋ ਗਿਆ ਹੈ। ਤੂਫ਼ਾਨ ਕਾਰਨ ਇਸ ਪੋਲਟਰੀ ਫਾਰਮ ਨੂੰ 50 ਲੱਖ ਦੇ ਨੁਕਾਸਨ ਹੋਇਆ ਹੈ, ਉਥੇ ਹੀ 5 ਹਜ਼ਾਰ ਮੁਰਗਾ ਵੀ ਮਰ ਗਿਆ ਹੈ।
ਤੇਜ਼ ਤੁਫ਼ਾਨ ਨੇ ਢੇਹ-ਢੇਰੀ ਕੀਤਾ ਤਿੰਨ ਮੰਜਿਲਾ ਪੋਲਟਰੀ ਫਾਰਮ
ਜਾਣਕਾਰੀ ਦਿੰਦੇ ਹੋਏ ਪੋਲਟਰੀ ਫਾਰਮ ਦੇ ਮਾਲਿਕ ਸਾਬਕਾ ਫੌਜੀ ਗੁਰਪ੍ਰੀਤ ਸਿੰਘ ਨੇ ਦਸਿਆ, ਕਿ ਫੌਜ ਵਿਚ 17 ਸਾਲ ਦੀ ਨੌਕਰੀ ਕਰਨ ਤੋਂ ਬਾਅਦ, ਉਸ ਨੇ ਇਹ ਪੋਲਟਰੀ ਫਾਰਮ ਬਣਾਇਆ ਸੀ। 2 ਮੰਜਿਲਾਂ ਪੋਲਟਰੀ ਫਾਰਮ ਦੀ ਪਹਿਲੀ ਮੰਜ਼ਿਲ ਵਿੱਚ ਕਰੀਬ 5 ਹਜ਼ਾਰ ਦੇ ਕਰੀਬ ਮੁਰਗਾ ਸਨ। ਪਰ ਬੀਤੀ ਰਾਤ ਆਏ ਤੂਫ਼ਾਨ ਦੇ ਕਾਰਨ ਪੋਲਟਰੀ ਫਾਰਮ ਦੀ ਪੂਰੀ ਤਰ੍ਹਾਂ ਤਬਾਹ ਹੋ ਗਿਆ ਹੈ।