ਸ਼ਰੇਆਮ ਬੱਚਿਆਂ ਦੀ ਮਜੂਦਗੀ 'ਚ ਔਰਤ ਵੇਚ ਰਹੀ ਦੇਸੀ ਸ਼ਰਾਬ, ਵੀਡੀਓ ਵਾਇਰਲ

ਡੇਰਾ ਬਾਬਾ ਨਾਨਕ ਹਲਕੇ ਦੇ ਪਿੰਡ ਸ਼ਕਰੀ 'ਚ ਇੱਕ ਔਰਤ ਸ਼ਰੇਆਮ ਦੇਸ਼ੀ ਸ਼ਰਾਬ ਵੇਚਦੀ ਹੋਈ ਨਜ਼ਰ ਆ ਰਹੀ ਹੈ। ਸ਼ਰਾਬ ਵੇਚਦੇ ਹੋਇਆ ਔਰਤ ਦਾ ਇਹ ਵੀਡੀਓ ਸ਼ੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਿਹਾ ਹੈ। ਪੁਲਿਸ ਨੇ ਮਾਮਲਾ ਦਰਜ ਕਹ ਔਰਤ ਦੀ ਭਾਲ ਸ਼ੁਰੂ ਕਰ ਦਿੱਤੀ ਹੈ।

ਗੁਰਦਾਸਪੁਰ: ਡੇਰਾ ਬਾਬਾ ਨਾਨਕ ਹਲਕੇ ਦੇ ਪਿੰਡ ਸ਼ਕਰੀ 'ਚ ਇੱਕ ਔਰਤ ਸ਼ਰੇਆਮ ਦੇਸ਼ੀ ਸ਼ਰਾਬ ਵੇਚਦੀ ਹੋਈ ਨਜ਼ਰ ਆ ਰਹੀ ਹੈ। ਇਸ ਔਰਤ ਦਾ ਸ਼ਰਾਬ ਵੇਚਦੇ ਹੋਇਆ ਵੀਡੀਓ ਸ਼ੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਿਹਾ ਹੈ। ਵੀਡੀਓ ਵਾਇਰਲ ਹੋਣ ਤੋਂ ਬਾਅਦ ਪੁਲਿਸ ਨੇ ਔਰਤ ਦੇ ਘਰ 'ਚ ਛਾਪੇਮਾਰੀ ਕਰਕੇ ਉਸਦੇ ਮੁੰਡੇ ਨੂੰ ਗਿਰਫ਼ਤਾਰ ਕੀਤਾ ਹੈ। ਘਰ ਦੀ ਤਲਾਸ਼ੀ ਦੌਰਾਨ ਪੁਲਿਸ ਨੇ ਦੇਸ਼ੀ ਸ਼ਰਾਬ ਨੂੰ ਬਰਾਮਦ ਕੀਤਾ ਹੈ। ਪੁਲਿਸ ਮੁਤਾਬਕ ਔਰਤ ਹੱਲੇ ਤੱਕ ਫਰਾਰ ਹੈ। ਪੁਲਿਸ ਨੇ ਮਾਮਲਾ ਦਰਜ ਕਰ ਔਰਤ ਦੀ ਭਾਲ ਸ਼ੁਰੂ ਕਰ ਦਿੱਤੀ ਹੈ।

ਪੁਲਿਸ ਥਾਣਾ ਘੁੰਮਣ ਕਲਾਂ ਦੇ ਐਸ.ਐਚ.ਓ ਅਮਰੀਕ ਸਿੰਘ ਨੇ ਦੱਸਿਆ ਕਿ ਫਰਾਰ ਔਰਤ ਦਾ ਨਾਮ ਗਿਆਨੋ ਹੈ ਅਤੇ ਇਹ ਪਿੰਡ ਸ਼ਕਰੀ ਦੀ ਰਹਿਣ ਵਾਲੀ ਹੈ ਇਸ ਦੇ ਘਰ ਵਿੱਚ ਛਾਪੇਮਾਰੀ ਕਰ ਘਰ ਵਿੱਚ ਪਈ ਦੇਸ਼ੀ ਸ਼ਰਾਬ ਅਤੇ ਇਸਦੇ ਮੁੰਡੇ ਮੰਗਾਂ ਮਸੀਹ ਨੂੰ ਗਿਰਫ਼ਤਾਰ ਕਰ ਮਾਮਲਾ ਦਰਜ ਕਰ ਲਿਆ ਗਿਆ ਹੈ।