ਕਾਂਗਰਸ ਮਹਿਲਾ ਦਾ ਅਨੋਖਾ ਪ੍ਰਦਰਸ਼ਨ, ਢਿੱਡ 'ਤੇ ਰੱਖਿਆ ਗੈਸ ਸਿਲੰਡਰ

ਚੰਡੀਗੜ੍ਹ ਵਿਖੇ ਮਹਿਲਾ ਕਾਂਗਰਸ ਵਿੰਗ ਨੇ ਗੈਸ ਸਿਲੰਡਰ ਦੇ ਵਧੇ ਹੋਈਆਂ ਕੀਮਤਾਂ ਦੇ ਵਿਰੋਧ ਵਿੱਚ ਚੁੱਲ੍ਹਾ ਬਾਲ ਕੇ ਰੋਟੀਆਂ ਬਣਾਈਆਂ ਅਤੇ ਮਹਿਲਾ ਕਾਂਗਰਸ ਦੀ ਪ੍ਰਧਾਨ ਨੇ ਆਪਣੇ ਢਿੱਡ ਉੱਤੇ ਸਿਲੰਡਰ ਰੱਖ ਕੇ ਮਹਿੰਗਾਈ ਦੇ ਵਿਰੁੱਧ ਪ੍ਰਦਰਸ਼ਨ ਕੀਤਾ।

ਚੰਡੀਗੜ੍ਹ : ਮਹਿੰਗਾਈ ਨੂੰ ਲੈ ਕੇ ਕਾਂਗਰਸ ਹਰ ਵਾਰ ਭਾਜਪਾ ਸਰਕਾਰ ਵਿਰੁੱਧ ਮੋਰਚਾ ਖੋਲ੍ਹਦੀ ਹੈ। ਅਜਿਹਾ ਇੱਕ ਪ੍ਰਦਰਸ਼ਨ ਚੰਡੀਗੜ੍ਹ ਵਿਖੇ ਵੇਖਣ ਨੂੰ ਮਿਲਿਆ।

ਤੁਹਾਨੂੰ ਦੱਸ ਦਈਏ ਕਿ ਚੰਡੀਗੜ੍ਹ ਦੇ ਸੈਕਟਰ 25 ਵਿਖੇ ਕਾਂਗਰਸ ਦੀਆਂ ਮਹਿਲਾਵਾਂ ਨੇ ਭਾਜਪਾ ਸਰਕਾਰ ਵਿਰੁੱਧ ਨਾਅਰੇਬਾਜ਼ੀ ਕੀਤੀ। ਕਾਂਗਰਸ ਦੀ ਮਹਿਲਾਵਾਂ ਨੇ ਇੱਕ ਅਨੋਖੇ ਤਰ੍ਹਾਂ ਹੀ ਪ੍ਰਦਰਸ਼ਨ ਕੀਤਾ। ਦੀਪਾ ਦੂਬੇ ਦੀ ਅਗਵਾਈ ਵਿੱਚ ਮਹਿਲਾਵਾਂ ਨੇ ਲਕੜੀਆਂ ਨਾਲ ਚੁੱਲ੍ਹੇ 'ਤੇ ਰੋਟੀਆਂ ਬਣਾਈਆਂ ਅਤੇ ਭਾਜਪਾ ਸਰਕਾਰ ਵਿਰੁੱਧ ਨਾਅਰੇਬਾਜ਼ੀ ਕੀਤੀ।

ਮਹਿਲਾਵਾਂ ਮੈਂਬਰਾਂ ਦਾ ਕਹਿਣਾ ਹੈ ਕਿ ਗੈਸ ਸਿਲੰਡਰ ਦੀਆਂ ਵਧੀਆਂ ਹੋਈਆਂ ਕੀਮਤਾਂ ਨੇ ਲੋਕਾਂ ਦਾ ਰੋਟੀ ਖਾਣਾ ਦੁੱਭਰ ਕਰ ਦਿੱਤਾ ਹੈ। ਉਨ੍ਹਾਂ ਕਿਹਾ ਕਿ ਵਧੀਆਂ ਕੀਮਤਾਂ ਕਾਰਨ ਹੁਣ ਮਹਿਲਾਵਾਂ ਰੋਟੀ ਪਕਾਉਣ ਦੇ ਲਾਇਕ ਨਹੀਂ ਰਹੀਆਂ।

ਉੱਥੇ ਹੀ ਇਸ ਪ੍ਰਦਰਸ਼ਨ ਵਿੱਚ ਸ਼ਾਮਲ ਇੱਕ 103 ਸਾਲਾ ਔਰਤ ਦਾ ਕਹਿਣਾ ਹੈ ਕਿ ਸਰਕਾਰ ਨੇ ਤਾਂ ਮਹਿੰਗਾਈ ਦੀ ਹੱਦ ਹੀ ਕਰ ਦਿੱਤੀ ਹੈ। ਸਾਡੇ ਸਮੇਂ ਤਾਂ ਲੋਕਾਂ ਦਾ ਗੁਜ਼ਾਰਾ ਬੜੇ ਹੀ ਸੌਖਿਆਂ ਹੋ ਜਾਂਦਾ ਸੀ।

ਉੱਥੇ ਹੀ ਚੰਡੀਗੜ੍ਹ ਤੋਂ ਮਹਿਲਾ ਕਾਂਗਰਸ ਦੀ ਪ੍ਰਧਾਨ ਦੀਪਾ ਦੁੱਬੇ ਨੇ ਆਪਣੇ ਢਿੱਡ ਉੱਤੇ ਗੈਸ ਦਾ ਸਿਲੰਡਰ ਰੱਖ ਕੇ ਮਹਿੰਗਾਈ ਵਿਰੁੱਧ ਪ੍ਰਦਰਸ਼ਨ ਕੀਤਾ। ਦੁੱਬੇ ਦਾ ਕਹਿਣਾ ਹੈ ਕਿ ਇਹ ਸਲੰਡਰ ਹੁਣ ਸਾਡੇ ਉੱਤੇ ਭਾਰ ਬਣ ਗਿਆ ਹੈ। ਇਸ ਲਈ ਉਹ ਆਪਣੇ ਉੱਪਰ ਸਲੰਡਰ ਰੱਖ ਕੇ ਇਹ ਪ੍ਰਗਟਾਉਣਾ ਚਾਹੁੰਦੇ ਹਨ ਕਿ ਇਸ ਮਹਿੰਗੇ ਸਲੰਡਰ ਨੇ ਸਾਨੂੰ ਦੱਬ ਦਿੱਤਾ ਹੈ।