ਚੰਡੀਗੜ੍ਹ: ਪੰਜਾਬ ਅਤੇ ਹਰਿਆਣਾ ਹਾਈ ਕੋਰਟ ਨੇ ਇੱਕ ਮਾਮਲੇ ਚ ਸੁਣਵਾਈ ਕਰਦਿਆਂ ਵਿਅਕਤੀ ਤੋਂ ਸਵਾਲ ਕੀਤਾ ਕਿ ਉਹਨੇ ਆਪਣੇ ਵਿਆਹ ਨੂੰ ਵੈਦ ਰੂਪ ਤੋਂ ਖ਼ਤਮ ਕਿਉਂ ਨਹੀਂ ਕੀਤਾ। ਹਾਈਕੋਰਟ ਨੇ ਇਹ ਸਵਾਲ ਉਸ ਸਮੇਂ ਕੀਤਾ ਜਦੋਂ ਉਹ ਵਿਅਕਤੀ ਅਤੇ ਉਸ ਦੀ ਲਿਵ ਇਨ ਰਿਲੇਸ਼ਨਸ਼ਿਪ ਮਹਿਲਾ ਸਾਥੀ ਨੇ ਇੱਕ ਸੁਰੱਖਿਆ ਪਟੀਸ਼ਨ ਦਾਖਿਲ ਕੀਤੀ ਤੇ ਦਾਅਵਾ ਕੀਤਾ ਕਿ ਉਸ ਦੀ ਪਤਨੀ ਉਸ ਨੂੰ ਛੱਡ ਕੇ ਚਲੀ ਗਈ। ਉਸਦਾ ਕਹਿਣਾ ਸੀ ਕਿ ਮਜ਼ਬੂਰਨ ਆਪਣੇ ਬੱਚਿਆਂ ਦੀ ਦੇਖਭਾਲ ਲਈ ਉਹ ਮਹਿਲਾ ਦੇ ਨਾਲ ਰਹਿ ਰਿਹਾ ਹੈ।
ਜਸਟਿਸ ਅਰੁਣ ਮੋਂਗਾ ਦੀ ਡਿਵੀਜ਼ਨ ਬੈਂਚ ਨੇ ਆਪਣੇ ਫ਼ੈਸਲੇ ਵਿੱਚ ਕਿਹਾ ਕਿ ਜੇਕਰ ਬੱਚਿਆਂ ਨੂੰ ਜਨਮ ਦੇਣ ਵਾਲੀ ਮਾਂ ਉਨ੍ਹਾਂ ਤੇ ਨਾਲ ਨਹੀਂ ਰਹਿੰਦੀ ਤਾਂ ਵੀ ਵਿਆਹ ਨੂੰ ਵੈਦ ਰੂਪ ਤੋਂ ਖ਼ਤਮ ਕਰਨਾ ਜ਼ਰੂਰੀ ਸੀ। ਉਨ੍ਹਾਂ ਕਿਹਾ ਕਿ ਬਿਨਾਂ ਤਲਾਕ ਦਿੱਤੇ ਕਿਸੇ ਹੋਰ ਮਹਿਲਾ ਦੇ ਨਾਲ ਰਹਿਣਾ ਚਾਹੇ ਵਜ੍ਹਾ ਕੋਈ ਵੀ ਹੋਵੇ ਉਹ ਕਿਸੀ ਤਰ੍ਹਾਂ ਵੀ ਵਿਅਕਤੀ ਦੇ ਮਨ ਦੀ ਸਦਭਾਵਨਾ ਨਹੀਂ ਦਿਖਾਉਂਦਾ। ਹਾਲਾਂਕਿ ਮਾਮਲੇ 'ਚ ਮਹਿਲਾ ਸਾਥੀ ਨੂੰ ਕਿਸੇ ਵੀ ਤਰ੍ਹਾਂ ਦੀ ਕੋਈ ਪ੍ਰੇਸ਼ਾਨੀ ਨਾ ਹੋਵੇ, ਹਾਈ ਕੋਰਟ ਨੇ ਸੁਰੱਖਿਆ ਦੇਣ ਦੇ ਆਦੇਸ਼ ਦਿੱਤੇ ਹਨ।ਅਦਾਲਤ ਨੇ ਕਿਹਾ ਜੇਕਰ ਮਹਿਲਾ ਨੂੰ ਕੋਈ ਵੀ ਜ਼ੋਖ਼ਮ ਚੁੱਕਣਾ ਪੈਂਦਾ ਹੈ ਤਾਂ ਉਹ ਨਿਆਂ ਦਾ ਮਜ਼ਾਕ ਹੋਵੇਗਾ,ਇਸ ਕਰਕੇ ਉਹ ਸੁਰੱਖਿਆ ਦੀ ਹੱਕਦਾਰ ਹੈ।
ਪਟੀਸ਼ਨਕਰਤਾਵਾਂ ਨੇ ਲਿਵ ਇਨ ਰਿਲੇਸ਼ਨਸ਼ਿਪ ਵਿੱਚ ਹੋਣ ਦਾ ਦਾਅਵਾ ਕੀਤਾ ਅਤੇ ਮਹਿਲਾ ਸਾਥੀ ਦੇ ਮਾਪੇ ਅਤੇ ਰਿਸ਼ਤੇਦਾਰਾਂ ਤੋਂ ਖੱਤਰੇ ਦੀ ਆਸ਼ੰਕਾ ਦੇ ਕਾਰਨ ਆਪਣੀ ਜੀਵਨ ਅਤੇ ਸਵਤੰਤਰਤਾ ਦੀ ਰੱਖਿਆ ਲਈ ਦਿਸ਼ਾ ਨਿਰਦੇਸ਼ ਮੰਗੇ। ਉਨ੍ਹਾਂ ਦਾਅਵਾ ਕੀਤਾ ਕਿ ਮਹਿਲਾ ਦੇ ਪਰਿਵਾਰ ਵਾਲੇ ਉਨ੍ਹਾਂ ਦੇ ਸਿਸਟਮ ਤੋਂ ਖੁਸ਼ ਨਹੀਂ ਹਨ। ਪਟੀਸ਼ਨਕਰਤਾ ਵਿਅਕਤੀ ਦਾ ਪਹਿਲਾਂ ਤੋਂ ਹੀ ਵਿਆਹ ਹੋਇਆ ਸੀ ਪਰ ਉਸ ਦੀ ਪਤਨੀ ਉਸ ਨੂੰ ਛੱਡ ਕੇ ਕਿਸੇ ਹੋਰ ਵਿਅਕਤੀ ਦੇ ਨਾਲ ਰਹਿ ਰਹੀ ਹੈ। ਦੋਨਾਂ ਦੇ ਦੋ ਬੱਚੇ ਇੱਕ 19 ਸਾਲਾ ਬੇਟਾ ਤੇ 16 ਸਾਲ ਦੀ ਬੇਟੀ ਹਨ, ਜੋ ਪਿਤਾ ਦੇ ਨਾਲ ਰਹਿ ਰਹੇ ਹਨ। ਜਦਕਿ ਲਿਵ ਇਨ ਰਿਲੇਸ਼ਨਸ਼ਿਪ ਵਿੱਚ ਰਹਿ ਰਹੀ ਮਹਿਲਾ ਨੇ ਦੱਸਿਆ ਕਿ ਉਹ ਵਿਧਵਾ ਹੈ ਅਤੇ ਉਸ ਦੇ ਵਿਆਹ ਤੋਂ ਉਸ ਦੇ ਦੋ ਬੱਚੇ ਹਨ ਜਿਸ ਵਿਚ 12 ਸਾਲ ਤੇ 7 ਸਾਲ ਦੇ ਦੋ ਬੇਟੇ ਹਨ।