ਸੁਖਬੀਰ ਤੇ ਹਰਸਿਮਰਤ ਦੀ ਮੋਦੀ ਨੂੰ ਅਪੀਲ

ਸ਼੍ਰੋਮਣੀ ਅਕਾਲੀ ਦਲ ਦੇ ਪ੍ਰਧਾਨ ਸੁਖਬੀਰ ਸਿੰਘ ਬਾਦਲ ਤੇ ਸਾਬਕਾ ਕੇਂਦਰੀ ਮੰਤਰੀ ਹਰਸਿਮਰਤ ਕੌਰ ਬਾਦਲ ਨੇ ਪੰਜਾਬ ਦੇ ਹਲਾਤਾਂ 'ਤੇ ਫ਼ਿਕਰਮੰਦ ਹੁੰਦੇ ਹੋਏ ਮੋਦੀ ਨੂੰ ਅਪੀਲ਼ ਕੀਤੀ ਹੈ ਕਿ ਅੰਨਦਾਤਾ ਦੀਆਂ ਸ਼ਿਕਾਇਤਾਂ ਨੂੰ ਦੂਰ ਕਰਨ ਕਰ ਇਹ ਟਕਰਾਵ ਖ਼ਤਮ ਕਰਨ।

ਚੰਡੀਗੜ੍ਹ: ਸ਼੍ਰੋਮਣੀ ਅਕਾਲੀ ਦਲ ਦੇ ਪ੍ਰਧਾਨ ਸੁਖਬੀਰ ਸਿੰਘ ਬਾਦਲ ਨੇ ਆਪਣੀ ਸਾਬਕਾ ਭਾਈਵਾਲ ਪਾਰਟੀ ਦੇ ਨੇਤਾ ਤੇ ਦੇਸ਼ ਦੇ ਮੁੱਖ ਮੰਤਰੀ ਨੂੰ ਅਪੀਲ਼ ਕੀਤੀ ਕਿ ਤਕਰਾਰ ਵਾਲੇ ਹਲਾਤ ਨਾ ਬਣਾਏ ਜਾਣ। ਇਸ ਲੜੀ 'ਚ ਸਾਬਕਾ ਕੇਂਦਰੀ ਮੰਤਰੀ ਹਰਸਿਮਰਤ ਕੌਰ ਬਾਦਲ ਨੇ ਵੀ ਟਵੀਟ ਕੀਤਾ ਜਿਸ 'ਚ ਉਨ੍ਹਾਂ ਨੇ ਕਿਹਾ ਕਿ ਅੰਨਦਾਤਾ ਨਾਲ ਧੱਕਾ ਨਾ ਕੀਤਾ ਜਾਵੇ।

ਸੁਖਬੀਰ ਸਿੰਘ ਬਾਦਲ ਦਾ ਟਵੀਟ

ਸੁਖਬੀਰ ਸਿੰਘ ਬਾਦਲ ਨੇ ਟਵੀਟ ਕਰ ਕੇ ਮੋਦੀ ਜੀ ਨੂੰ ਕਿਹਾ ,"ਸਰਕਾਰ ਦਾ ਅੰਦਾਤਾ ਨਾਲ ਟਕਰਾਅ ਪੰਜਾਬ ਤੇ ਦੇਸ਼ ਨੂੰ ਭਾਜੜਾਂ ਵੱਲ ਧੱਕ ਰਿਹਾ ਹੈ।ਇਹ ਪਹਿਲਾਂ ਤੋਂ ਹੀ ਪੰਜਾਬ ਬਨਾਮ ਦਿੱਲੀ 'ਚ ਤਬਦੀਲ ਹੋ ਚੁੱਕਾ ਹੈ। ਇਹ ਅਣਸੁਖਾਂਵੀ ਘਟਨਾ ਵੀ ਵਾਪਰ ਸਕਦੀ ਹੈ। ਮੈਂ ਮੋਦੀ ਜੀ ਨੂੰ ਬੇਨਤੀ ਕਰਦਾਂ ਹਾਂ ਕਿ ਉਹ ਕਿਸਾਨਾਂ ਦੀ ਸ਼ਿਕਾਇਤਾਂ ਦੂਰ ਕਰਨ ਤੇ ਪੰਜਾਬ ਨੂੰ ਸੰਕਟ ਦੇ ਮੁੰਹ 'ਚ ਨਾ ਸੁੱਟਣ।"

ਬੀਬਾ ਬਾਦਲ ਦਾ ਟਵੀਟ

ਬੀਬਾ ਬਾਦਲ ਨੇ ਫ਼ਿਕਰ ਜਤਾਉਂਦਿਆਂ ਟਵੀਟ ਕੀਤਾ ਕਿ,"ਇੱਕ ਬੇਹਦ ਤਣਾਅਪੂਰਨ ਤੇ ਖ਼ਤਰਨਾਕ ਸਥਿਤੀ ਕੇਂਦਰ ਦੀ ਅਸੰਵੇਦਨਸ਼ੀਲ ਦੇ ਕਿਸਾਨਾਂ ਦੀਆਂ ਜਾਇਜ਼ ਮੰਗਾਂ ਨੂੰ ਅਣਗੌਲਿਆਂ ਕਰਕੇ ਪੈਦਾ ਹੋ ਰਹੀ ਹੈ। ਜਦੋਂ ਤੱਕ ਪ੍ਰਧਾਨ ਮੰਤਰੀ ਇਸ 'ਚ ਦਖ਼ਲ ਨਹੀਂ ਦੇਣਗੇ ਤੇ ਕਿਸਾਨਾਂ ਦੀਆਂ ਖੇਤੀ ਕਾਨੂੰਨਾਂ ਨੂੰ ਲੈ ਕੇ ਚਿੰਤਾਂਵਾਂ ਦਾ ਹੱਲ ਨਹੀਂ ਕਰਦੇ , ਇਹ ਇੱਕ ਖਤਰਨਾਕ ਸਥਿਤੀ ਦਾ ਕਾਰਨ ਬਣ ਸਕਦੈ। ਪ੍ਰਧਾਨਮੰਤਰੀ ਨੂੰ ਰਾਜਨੇਤਾ ਵਾਂਗੂ ਬਰਤਾਵ ਕਰਨਾ ਚਾਹੀਦਾ।

ਇਹ ਚਿੰਤਾ ਦਾ ਕਾਰਨ

ਕਿਸਾਨ ਜਥੇਬੰਦੀਆਂ ਖੇਤੀ ਕਾਨੂੰਨਾਂ ਦੇ ਵਿਰੋਧ 'ਚ ਦਿੱਲੀ ਨੂੰ ਕੂਚ ਕਰ ਗਈਆਂ ਹਨ ਤੇ ਰੱਸਤੇ 'ਚ ਉਨ੍ਹਾਂ ਨੂੰ ਹਰਿਆਣਾ ਸਰਕਾਰ ਰੋਕਣ ਦੀ ਕੋਸ਼ਿਸ਼ ਕਰ ਰਿਹੈ। ਜਿਸ ਨਾਲ ਹਲਾਤ ਬਿਗੜਣ ਦੀ ਆਸ਼ੰਕਾ ਹੈ।