ਚੰਡੀਗੜ੍ਹ: ਪੰਜਾਬ ਪ੍ਰਦੇਸ਼ ਕਾਂਗਰਸ ਕਮੇਟੀ ਦੇ ਪ੍ਰਧਾਨ ਸੁਨੀਲ ਜਾਖੜ ਨੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ 'ਤੇ ਨਿਸ਼ਾਨਾ ਸਾਧਦਿਆਂ ਕਿਹਾ ਕਿ ਕੋਈ ਵੀ ਵਿਅਕਤੀ ਦੇਸ਼ ਤੋਂ ਵੱਡਾ ਨਹੀਂ ਹੈ ਅਤੇ ਦੇਸ਼ ਦਾ ਹਰ ਵਰਗ ਅੱਜ ਖ਼ਤਰੇ ਵਿੱਚ ਹੈ। ਨੌਜਵਾਨ, ਕਿਸਾਨ, ਜਵਾਨ, ਔਰਤਾਂ ਅਤੇ ਮੁਲਾਜ਼ਮ ਵਰਗ ਸਭ ਖ਼ਤਰੇ ਵਿੱਚ ਹੈ। ਨਰਿੰਦਰ ਮੋਦੀ ਗ਼ਰੀਬਾਂ ਦੀ ਵੋਟ ਲੈ ਕੇ ਹੁਣ ਗ਼ਰੀਬਾਂ ਨਾਲ ਹੀ ਧੋਖਾ ਕਰ ਰਿਹਾ।
ਅੱਜ ਹਾਲਾਤ ਅਜਿਹੇ ਬਣੇ ਹੋਏ ਹਨ ਕਿ ਬਾਈਕ ਜਾਂ ਸਕੂਟਰ ਤੇ ਆਪਣੇ ਕੰਮਾਂਕਾਰਾਂ ਤੇ ਜਾਣ ਵਾਲੇ ਲੋਕ ਸੌ ਰੁਪਏ ਦਾ ਤੇਲ ਵੀ ਸੋਚ ਸਮਝ ਕੇ ਪੁਆਉਂਦੇ ਹਨ। ਜਾਖੜ ਨੇ ਵੀ ਕਿਹਾ ਕਿ ਅੱਠ ਸੌ ਸੱਠ ਰੁਪਏ ਦੇ ਸਿਲੰਡਰ ਨਾਲ ਅੱਜ ਦੇ ਸਮੇਂ ਨਾ ਤਾਂ ਕੋਈ ਚਾਹ ਦੀ ਦੁਕਾਨ ਲਗਾ ਸਕਦਾ ਅਤੇ ਨਾ ਹੀ ਕੋਈ ਪਕੌੜੇ ਵੇਚਣ ਦਾ ਰੋਜ਼ਗਾਰ ਕਰ ਸਕਦੈ।
ਕੁਝ ਸੀਨੀਅਰ ਆਗੂ ਕਾਂਗਰਸ ਨੂੰ ਕਰ ਰਹੇ ਕਮਜ਼ੋਰ: ਜਾਖੜ