ਪੈਟਰੋਲ ਤੇ ਡੀਜ਼ਲ ਦੀਆਂ ਕੀਮਤਾਂ 'ਚ ਲਗਾਤਾਰ 12ਵੇਂ ਦਿਨ ਵੀ ਵਾਧਾ, ਜਾਣੋ ਪੰਜਾਬ ਦੇ ਰੇਟ

ਪੈਟਰੋਲ ਤੇ ਡੀਜ਼ਲ ਦੀਆਂ ਕੀਮਤਾਂ 'ਚ ਲਗਾਤਾਰ ਵਾਧਾ ਜਾਰੀ ਹੈ। ਇਹ 12ਵਾਂ ਦਿਨ ਹੈ ਜਦੋਂ ਕਿ ਪੈਟਰੋਲ ਤੇ ਡੀਜ਼ਲ ਦੀਆਂ ਕੀਮਤਾਂ 'ਚ ਵਾਧਾ ਹੋ ਰਿਹਾ ਹੈ। ਮਹਿੰਗਾਈ ਨਾਲ ਜੂਝ ਰਹੇ ਆਮ ਲੋਕਾਂ ਲਈ ਤੇਲ ਦੀਆਂ ਕੀਮਤਾਂ ਜੇਬ 'ਤੇ ਵਾਧੂ ਬੋਝ ਪਾ ਸਕਦੀਆਂ ਹਨ।

ਚੰਡੀਗੜ੍ਹ : ਦੇਸ਼ 'ਚ ਪੈਟਰੋਲ ਤੇ ਡੀਜ਼ਲ ਦੀਆਂ ਕੀਮਤਾਂ ਲਗਾਤਾਰ ਨਵੇਂ ਰਿਕਾਰਡ ਬਣਾ ਰਹੀਆਂ ਹਨ। ਤੇਲ ਦੀਆਂ ਵਧਦੀਆਂ ਕੀਮਤਾਂ ਨੂੰ ਲੈ ਕੇ ਲੋਕਾਂ 'ਚ ਭਾਰੀ ਰੋਸ ਹੈ। ਇਸ ਦੌਰਾਨ ਪੈਟਰੋਲ ਤੇ ਡੀਜ਼ਲ ਦੀਆਂ ਕੀਮਤਾਂ 12 ਵੇਂ ਦਿਨ ਮੁੜ ਵਧੀਆਂ ਹਨ।

ਦੇਸ਼ ਦੀ ਰਾਜਧਾਨੀ ਦਿੱਲੀ 'ਚ ਪੈਟਰੋਲ ਦੀ ਕੀਮਤ 39 ਪੈਸੇ ਦੇ ਵਾਧੇ ਨਾਲ 91.58 ਰੁਪਏ ਪ੍ਰਤੀ ਲੀਟਰ ਹੋ ਗਈ ਹੈ, ਜਦੋਂਕਿ ਡੀਜ਼ਲ 80 ਪੈਸੇ ਦੇ ਵਾਧੇ ਨਾਲ 80.97 ਰੁਪਏ ਪ੍ਰਤੀ ਲੀਟਰ ਵਿੱਕ ਰਿਹਾ ਹੈ।

ਪੰਜਾਬ 'ਚ ਤੇਲ ਦੀਆਂ ਕੀਮਤਾਂ ਨੇ ਕੀਤਾ 90 ਦਾ ਅੰਕੜਾ ਪਾਰ

• ਇੰਡੀਅਨ ਆਈਲ ਵੈਬਸਾਈਟ ਦੇ ਮੁਤਾਬਕ ਚੰਡੀਗੜ੍ਹ 'ਚ ਪੈਟਰੋਲ ਦੀ ਕੀਮਤ 37 ਪੈਸੇ ਦੇ ਵਾਧੇ ਨਾਲ 87.16 ਰੁਪਏ ਪ੍ਰਤੀ ਲੀਟਰ ਹੋ ਗਈ ਹੈ, ਜਦੋਂਕਿ 80.67 ਰੁਪਏ ਪ੍ਰਤੀ ਲੀਟਰ ਵਿੱਕ ਰਿਹਾ ਹੈ।
  

  ਪੈਟਰੋਲ ਤੇ ਡੀਜ਼ਲ ਦੀਆਂ ਕੀਮਤਾਂ 'ਚ ਲਗਾਤਾਰ 12ਵੇਂ ਦਿਨ ਵੀ ਵਾਧਾ, ਜਾਣੋ ਪੰਜਾਬ ਦੇ ਰੇਟ
• ਅੰਮ੍ਰਿਤਸਰ 'ਚ ਪੈਟਰੋਲ ਦੀ ਕੀਮਤ 94.76 ਰੁਪਏ ਪ੍ਰਤੀ ਲੀਟਰ ਹੋ ਗਈ ਹੈ, ਜਦੋਂਕਿ 86.20 ਰੁਪਏ ਪ੍ਰਤੀ ਲੀਟਰ ਵਿੱਕ ਰਿਹਾ ਹੈ। ਸ੍ਰੀ ਆਨੰਦਪੁਰ ਸਾਹਿਬ ਵਿਖੇ ਪੈਟਰੋਲ 92.04 ਤੇ ਡੀਜ਼ਲ ਦਾ ਰੇਟ 83.34 ਰੁਪਏ ਹੈ। ਹੁਸ਼ਿਆਰਪੁਰ 'ਚ ਪੈਟਰੋਲ 91.35 ਤੇ ਡੀਜ਼ਲ 82.48 ਰੁਪਏ ਹੈ।
• ਮਾਨਸਾ 'ਚ ਪੈਟਰੋਲ ਦਾ ਰੇਟ 91.36 ਤੇ ਡੀਜ਼ਲ ਦਾ ਰੇਟ 82.87 ਰੁਪਏ ਹੈ। ਸ੍ਰੀ ਮੁਕਤਸਰ ਸਾਹਿਬ 'ਚ ਪੈਟਰੋਲ ਦਾ ਰੇਟ 91.86 ਤੇ ਡੀਜ਼ਲ ਦਾ ਰੇਟ 83.00 ਰੁਪਏ ਹੈ। ਬਰਨਾਲਾ ਵਿਖੇ ਪੈਟਰੋਲ 91.31 ਰੁਪਏ ਤੇ ਡੀਜ਼ਲ 83 ਰੁਪਏ ਪ੍ਰਤੀ ਲੀਟਰ ਵਿੱਕ ਰਿਹਾ ਹੈ।
• ਜਲੰਧਰ 'ਚ ਪੈਟਰੋਲ ਦਾ ਰੇਟ 91.42 ਰੁਪਏ ਤੇ ਡੀਜ਼ਲ ਦਾ ਰੇਟ 82.71 ਰੁਪਏ ਹੈ। ਲੁਧਿਆਣਾ ਪੈਟਰੋਲ ਦਾ ਰੇਟ 91.59 ਰਪੁਏ ਪ੍ਰਤੀ ਲੀਟਰ ਤੇ ਡੀਜ਼ਲ ਦਾ ਰੇਟ 82.49 ਰੁਪਏ ਹੈ। ਖੰਨਾ 'ਚ ਪੈਟਰੋਲ 91.41 ਤੇ ਡੀਜ਼ਲ 82.53 ਰੁਪਏ, ਫਾਜ਼ਿਲਕਾ 'ਚ ਪੈਟਰੋਲ 92.21 ਤੇ ਡੀਜ਼ਲ 83.29 ਰੁਪਏ ਹੈ। ਇਸ ਤੋਂ ਇਲਾਵਾ ਬਠਿੰਡਾ 'ਚ ਪੈਟਰੋਲ ਦਾ ਰੇਟ 91.47 ਰੁਪਏ ਤੇ ਡੀਜ਼ਲ ਦਾ ਰੇਟ 82.60 ਰੁਪਏ ਹੈ।
• ਫਿਰੋਜ਼ਪੁਰ ਵਿੱਚ ਪੈਟਰੋਲ 92.35 ਰੁਪਏ ਪ੍ਰਤੀ ਲੀਟਰ ਤੇ ਡੀਜ਼ਲ 83.41 ਰੁਪਏ ਪ੍ਰਤੀ ਲੀਟਰ ਵਿੱਕ ਰਿਹਾ ਹੈ। ਸ੍ਰੀ ਫ਼ਤਿਹਗੜ੍ਹ ਸਾਹਿਬ ਵਿਖੇ ਪੈਟਰੋਲ ਦਾ ਰੇਟ 91.34 ਅਤੇ ਡੀਜ਼ਲ ਦਾ ਰੇਟ 82.58 ਹੈ। ਇਸ ਤੋਂ ਇਲਾਵਾ ਰੂਪਨਗਰ ਵਿੱਚ ਵੀ ਪੈਟਰੋਲ 91.35 ਤੇ ਡੀਜ਼ਲ 82.99 ਰੁਪਏ ਪ੍ਰਤੀ ਲੀਟਰ ਹੈ।