ਚੰਡੀਗੜ੍ਹ: ਮੁੱਢਲੀ ਸਹਾਇਤਾ ਬਕਸਾ ਹਰ ਵਾਹਨ 'ਚ ਹੋਣਾ ਜ਼ਰੂਰੀ ਹੈ ਕਿਉਂਕਿ ਜੇਕਰ ਕੋਈ ਅਣਸੁਖਾਂਵੀਂ ਘਟਨਾ ਵਾਪਰੇ ਤਾਂ ਉਸ ਨੂੰ ਇਲਾਜ ਦੀ ਮੁੱਢਲੀ ਸਹਾਇਤਾ ਦਿੱਤੀ ਜਾ ਸਕੇ। ਜ਼ਿਕਰ-ਏ-ਖ਼ਾਸ ਹੈ ਕਿ ਇਹ ਬਕਸਾ ਰੱਖਣਾ ਐਮਬੀ ਐਕਟ ਮੁਤਾਬਕ ਵੀ ਅਹਿਮ ਹੈ। ਕੀ ਆਮ ਲੋਕ ਇਨ੍ਹਾਂ ਨਿਯਮਾਂ ਦੀ ਪਾਲਣਾ ਕਰਦੇ ਹਨ ਜਾਂ ਨਹੀਂ, ਜਾਣਦੇ ਹਾਂ ਇਸ ਖ਼ਾਸ ਰਿਪੋਰਟ 'ਚ...
ਬਸਾਂ 'ਚ ਮੁੱਢਲੀ ਸਹਾਇਤਾ ਬਕਸੇ ਸਿਰਫ਼ ਨਾਂਅ ਦੇ
ਜਦੋਂ ਇਸ ਬਾਬਤ ਬਸਾਂ ਵਿੱਚ ਵੇਖਿਆ ਗਿਆ ਤਾਂ ਉਨ੍ਹਾਂ 'ਤੇ ਬਕਸਾ ਤਾਂ ਟੰਗਿਆ ਹੈ ਪਰ ਉਹ ਖਾਲੀ ਹੈ। ਜ਼ਿਆਦਾਤਰ ਬੱਸਾਂ ਦਾ ਇਹੀ ਹਾਲ ਵੇਖਿਆ ਗਿਆ। ਹਰ ਬੱਸ ਵਿੱਚ ਐਮਬੀ ਐਕਟ ਦੀ ਉਲੰਘਣਾ ਕੀਤੀ ਜਾ ਰਹੀ ਸੀ।
ਮੁੱਢਲੀ ਸਹਾਇਤਾ ਕਿੱਟ ਦੇ ਨਾਂਅ 'ਤੇ ਵਾਹਨਾਂ 'ਚ ਖਾਲੀ ਬਕਸੇ ਉਡਾ ਰਹੇ ਐਮਬੀ ਐਕਟ ਦੀਆਂ ਧੱਜੀਆਂ
ਯਾਤਰੀਆਂ 'ਚ ਭਾਰੀ ਰੋਸ
ਯਾਤਰੀਆਂ ਨੇ ਇਸ ਗੱਲ ਦਾ ਰੋਸ ਜਤਾਉਂਦਿਆਂ ਇਹ ਕਿਹਾ ਕਿ ਇਹ ਇੱਕ ਮਹੱਤਵਪੂਰਨ ਚੀਜ਼ ਹੈ ਪਰ ਉਹ ਹੀ ਇਨ੍ਹਾਂ ਬਸਾਂ 'ਚ ਗਾਇਬ ਹੈ। ਉਨ੍ਹਾਂ ਨੇ ਕਿਹਾ ਕਿ ਇਹ ਸਭ ਆਮ ਸਵਾਰੀ ਦੀ ਸੁਰੱਖਿਆ ਨਾਲ ਜੁੜਿਆ ਮੁੱਦਾ ਹੈ।