ਮੋਹਾਲੀ: ਸ਼ਹਿਰ ਦੇ ਸੈਕਟਰ 71 ਵਿਖੇ ਸਥਿਤ ਆਈਵੀਵਾਈ ਹਸਪਤਾਲ ’ਚ ਵੀਰਵਾਰ ਨੂੰ ਉਸ ਸਮੇਂ ਹੰਗਾਮਾ ਹੋ ਗਿਆ, ਜਦੋਂ ਆਇਸੋਲੇਸ਼ਨ ਵਾਰਡ ’ਚ ਭਰਤੀ ਐਨਆਰਆਈ ਮਰੀਜ਼ ਦੀ ਅਚਾਨਕ ਮੌਤ ਹੋ ਗਈ। ਇਸ ਮੌਕੇ ਮ੍ਰਿਤਕ ਦੇ ਪਰਿਵਾਰਕ ਮੈਂਬਰ ਆਪਣੇ ਮਰੀਜ਼ ਦੀ ਮੌਤ ਦਾ ਸਦਮਾ ਸਹਿਣ ਨਹੀਂ ਕਰ ਪਾਏ ਤੇ ਉਨ੍ਹਾਂ ਹਸਪਤਾਲ ’ਚ ਜੰਮ ਕੇ ਬਵਾਲ ਕੀਤਾ।
ਮੋਹਾਲੀ ਦਾ ਆਈਵੀਵਾਈ ਹਸਪਤਾਲ
ਇਸ ਘਟਨਾ ਸਬੰਧੀ ਦੱਸਦਿਆ ਕਾਨਪੁਰ ਦੇ ਸ਼ਾਮ ਨਗਰ ਦੀ ਰਹਿਣ ਵਾਲੀ ਨੀਲਮ ਵਾਜਪਾਈ ਨੇ ਆਈਵੀਵਾਈ ਹਸਪਤਾਲ ’ਤੇ ਅਣਗਹਿਲੀ ਦਾ ਇਲਜ਼ਾਮ ਲਗਾਇਆ। ਉਨ੍ਹਾਂ ਦੱਸਿਆ ਕਿ ਉਹ ਹੋਟਲ ਤਾਜ ’ਚ ਠਹਿਰੇ ਹੋਏ ਸਨ, ਇਸ ਦੌਰਾਨ ਉਨ੍ਹਾਂ ਦੇ ਪੁੱਤਰ ਦੀ ਅਚਾਨਕ ਤਬੀਅਤ ਖ਼ਰਾਬ ਹੋਈ ਤਾਂ ਉਸਨੂੰ ਮੋਹਾਲੀ ਦੇ ਆਈਵੀਵਾਈ ਹਸਪਤਾਲ ’ਚ ਭਰਤੀ ਕਰਵਾਇਆ ਗਿਆ। ਹਸਪਤਾਲ ਦੇ ਸਟਾਫ਼ ਨੇ ਉਨ੍ਹਾਂ ਦੇ ਪੁੱਤਰ ਨੂੰ ਆਈਸੋਲੇਸ਼ਨ ਵਾਰਡ ’ਚ ਭਰਤੀ ਕਰ ਲਿਆ ਤੇ ਸਟਾਫ਼ ਵਾਲਿਆਂ ਨੇ ਉਸਨੂੰ ਕੋਰੋਨਾ ਦੇ ਖ਼ਤਰੇ ਕਾਰਣ ਉਸਦੇ ਪੁੱਤਰ ਨਾਲ ਕਾਫ਼ੀ ਦਿਨ ਮਿਲਣ ਨਹੀਂ ਦਿੱਤਾ।