ਨਵੀਂ ਦਿੱਲੀ: ਭਾਰਤ ਕ੍ਰਿਕਟ ਟੀਮ ਦੇ ਨਵੇਂ ਮੁੱਖ ਕੋਚ ਚੁਣਨ ਲਈ ਕੁਝ ਦਿਨ ਹੋਰ ਲੱਗ ਸਕਦੇ ਹਨ ਕਿਉਂਕਿ ਤਿੰਨ ਮੈਂਬਰੀ ਕ੍ਰਿਕਟ ਸਲਾਹਕਾਰ ਕਮੇਟੀ (ਸੀ.ਏ.ਸੀ.) ਦੇ ਕੋਚ ਅਹੁਦੇ ਦੇ ਲਈ ਇੰਟਰਵਿਊ 15 ਅਗਸਤ ਦੇ ਬਾਅਦ ਲਿਆ ਜਾਵੇਗਾ।
ਪਹਿਲਾ ਜੋ ਖ਼ਬਰ ਆਈ ਸੀ ਉਸ ਮੁਤਾਬਕ ਕੋਚ ਦੇ ਅਹੁਦੇ ਲਈ ਇੰਟਰਵਿਊ 13 ਤੋਂ 14 ਅਗਸਤ ਨੂੰ ਹੋਣ ਦੀ ਸੰਭਾਵਨਾ ਸੀ। ਸੂਤਰਾਂ ਮੁਤਾਬਕ ਇਹ ਬੈਠਕ 13 ਜਾਂ 14 ਅਗਸਤ ਨੂੰ ਸ਼ੁਰੂ ਹੋਣੀ ਸੀ ਪਰ ਕੋਚ ਬਣਨ ਦੇ ਉਮੀਦਵਾਰਾਂ ਦੀ ਗਿਣਤੀ ਛਾਂਟ ਕਰਕੇ 6 ਰਹਿ ਗਈ ਹੈ। ਇਨ੍ਹਾਂ ਉਮੀਦਵਾਰਾਂ ਦੀ ਇੰਟਰਵਿਊ ਲਈ ਇੱਕ ਦਿਨ ਬਹੁਤ ਹੈ ਜਿਸ ਕਰਕੇ ਇਹ ਇੰਟਰਵਿਊ 15 ਅਗਸਤ ਤੋਂ ਹੋਵੇਗੀ। ਕੁਝ ਕਾਗਜ਼ੀ ਕਾਰਵਾਈ ਹਾਲੇ ਵੀ ਬਾਕੀ ਹੈ ਜਿਸ ਕਰਕੇ ਹੋਰ ਸਮਾਂ ਲੱਗ ਸਕਦਾ ਹੈ।