ਚੰਡੀਗੜ੍ਹ: ਸਿੱਧੂ ਮੂਸੇਵਾਲਾ ਆਪਣੀ ਗਾਇਕੀ ਦੇ ਵੱਖਰੇ ਅੰਦਾਜ਼ ਕਾਰਨ ਪੂਰੇ ਦੁਨੀਆ ਵਿੱਚ ਮਸ਼ਹੂਰ ਹੋਇਆ ਹੈ। ਜਿੱਥੇ ਸਿੱਧੂ ਦੀਆਂ ਥੋੜ੍ਹੇ ਸਮੇਂ ਵਿੱਚ ਮਸ਼ਹੂਰ ਹੋਣ ਦੀਆਂ ਗੱਲਾਂ ਚੱਲਦੀਆਂ ਹਨ ਤਾਂ ਨਾਲ ਹੀ ਉਨ੍ਹਾਂ ਨਾਲ ਜੁੜੇ ਵਿਵਾਦਾਂ ਦੀ ਚਰਚਾ ਵੀ ਅਕਸਰ ਹੁੰਦੀ ਹੈ। ਸਿੱਧੂ ਮੂਸੇਵਾਲਾ ਨਾਲ ਕਈ ਤਰ੍ਹਾਂ ਦੀ ਵਿਵਾਦ ਵੀ ਨਾਲੋ-ਨਾਲ ਚੱਲਦੇ ਰਹੇ ਹਨ।
ਮੂਸੇੇਵਾਲਾ ਨਾਲ ਜੁੜੇ ਵਿਵਾਦ: ਗਾਇਕੀ ਦੌਰਾਨ ਮੂਸੇਵਾਲਾ ’ਤੇ ਗਾਣਿਆਂ ਅਤੇ ਹੋਰ ਕਈ ਮਾਮਲਿਆਂ ਨੂੰ ਲੈਕੇ ਕੇਸ ਦਰਜ ਵੀ ਹੋਏ।
ਮੂਸੇਵਾਲਾ ਨਾਲ ਜੁੜੇ ਵਿਵਾਦ ਅਤੇ ਕੇਸ ਕੌਣ ਹੈ ਮੁੂਸੇਵਾਲਾ: ਵੈਸੇ ਤਾਂ ਹਰ ਕੋਈ ਛੋਟੇ ਤੋਂ ਛੋਟਾ ਬੱਚਾ ਸਿੱਧੂ ਮੂਸੇਵਾਲਾ ਨੂੰ ਜਾਣਦਾ ਹੀ ਹੈ ਕਿਉਂਕਿ ਸਿੱਧੂ ਮੂਸੇਵਾਲਾ ਦੇ ਗਾਣੇ ਜ਼ਿਆਦਾਤਰ ਨੌਜਵਾਨਾਂ ਵਿੱਚ ਜ਼ਿਆਦਾ ਪ੍ਰਚੱਲਿਤ ਸਨ। ਇਸਦੇ ਨਾਲ ਹੀ ਸਿੱਧੂ ਬਾਰੇ ਹਰ ਕੋਈ ਜਾਨਣ ਦੀ ਵੀ ਇੱਛਾ ਰੱਖਦਾ ਹੈ ਕਿ ਸਿੱਧੂ ਵਾਲਾ ਕਿੱਥੋਂ ਦਾ ਹੈ ਅਤੇ ਕਿਵੇਂ ਆਪਣੀ ਗਾਇਕੀ ਦਾ ਕੈਰੀਅਰ ਸ਼ੁਰੂ ਕੀਤਾ ਅਤੇ ਕਿੱਥੋਂ ਉਸਨੇ ਪੜ੍ਹਾਈ ਕੀਤੀ। ਇੱਥੋਂ ਤੱਕ ਕਿ ਉਸਦੇ ਮਾਤਾ ਪਿਤਾ ਬਾਰੇ ਜਾਨਣ ਦੀ ਲਾਲਸਾ ਵੀ ਹਰ ਕੋਈ ਰੱਖਦਾ ਹੈ।
ਮੂਸੇਵਾਲਾ ਦੇ ਕੁਝ ਮਸ਼ਹੂਰ ਗਾਣੇ ਤੇ ਫਿਲਮਾਂ:ਨੌਜਵਾਨ ਪੀੜ੍ਹੀ ਸਿੱਧੂ ਮੂਸੇਵਾਲਾ ਦੇ ਹਰ ਨਵੇਂ ਗਾਣੇ ਦੀ ਬੇਸਬਰੀ ਨਾਲ ਉਡੀਕ ਕਰਦੀ ਰਹਿੰਦੀ ਸੀ। ਸਿੱਧੂ ਮੂਸੇਵਾਲਾ ਸ਼ਾਇਦ ਹੀ ਕੋਈ ਗਾਣਾ ਹੋਵੇ ਜੋ ਨਾ ਚੱਲਿਆ ਹੋਵੇ। ਉਸ ਵੱਲੋਂ ਗਾਇਕਾ ਹਰ ਗਾਣ ਦੇਸ਼ ਵਿਦੇਸ਼ਾ ਵਿੱਚ ਸੁਣਿਆ ਗਿਆ ਹੈ। ਇਸ ਦੌਰਾਨ ਮੂਸੇਵਾਲਾ ਨਾਲ ਕਈ ਵਿਵਾਦ ਵੀ ਜੁੜੇ ਉਸ ਉੱਪਰ ਕਈ ਮਾਮਲੇ ਵੀ ਦਰਜ ਹੋਏ। ਗਾਇਕੀ ਦੇ ਨਾਲ-ਨਾਲ ਮੂਸੇਵਾਲਾ ਵੱਲੋਂ ਫਿਲਮਾਂ ਵਿੱਚ ਕੰਮ ਕੀਤਾ ਹੈ।
ਮੂਸੇਵਾਲਾ ਦੇ ਕੁਝ ਮਸ਼ਹੂਰ ਗੀਤ ਤੇ ਫਿਲਮਾਂ ਕੋਰੋਨਾ ਦੌਰਾਨ ਚਰਚਾ ਚ ਸਿੱਧੂ: ਕੋਰੋਨਾ ਦੌਰਾਨ ਵੀ ਸਿੱਧੂ ਮੂਸੇਵਾਲਾ ਕਾਫੀ ਚਰਚਾ ਰਿਹਾ ਜਦੋਂ ਉਨ੍ਹਾਂ ਨੇ ਗੀਤ ਗਾਇਆ ਸੀ ਜਿਸਦਾ ਨਾਮ ਹੈ ਗੁਰਬਖਸ਼ ਗਵਾਚਾ ਇਟਲੀ ਤੋਂ ਆਇਆ ਹਾਂ। ਇਸ ਗਾਣੇ ਨੂੰ ਲੈਕੇ ਮੂਸੇਵਾਲਾ ਉੱਤੇ ਸਵਾਲ ਉੱਠੇ।
ਕੋਰੋਨਾ ਦੌਰਾਨ ਚਰਚਾ ਚ ਮੂਸੇਵਾਲਾ ਸਿਆਸਤ ਚ ਐਂਟਰੀ:ਗਾਇਕੀ ਵਿੱਚ ਸ਼ੌਹਰਤ ਹਾਸਿਲ ਕਰਨ ਤੋਂ ਬਾਅਦ ਮੂਸੇਵਾਲਾ ਵੱਲੋਂ ਸਿਆਸਤ ਵਿੱਚ ਐਂਟਰੀ ਕੀਤੀ ਗਈ। ਮੂਸੇਵਾਲਾ ਪੰਜਾਬ ਕਾਂਗਰਸ ਵਿੱਚ ਸ਼ਾਮਿਲ ਹੋਏ ਅਤੇ ਮਾਨਸਾ ਵਿਧਾਨਸਭਾ ਹਲਕੇ ਤੋਂ ਕਾਂਗਰਸ ਦੀ ਟਿਕਟ ਉੱਪਰ ਚੋਣ ਲੜੀ। ਇਸ ਚੋਣ ਵਿੱਚ ਮੂਸੇਵਾਲਾ ਨੂੰ ਆਪ ਉਮੀਦਵਾਰ ਡਾ. ਵਿਜੇ ਸਿੰਗਲਾ ਤੋਂ ਕਰਾਰੀ ਹਾਰ ਹੋਈ। ਜਿਸ ਤੋਂ ਬਾਅਦ ਮੂਸੇਵਾਲਾ ਨੂੰ ਕਾਫੀ ਟਰੋਲ ਵੀ ਕੀਤਾ ਗਿਆ। ਸਿਆਸਤ ਵਿੱਚ ਆਉਣ ਨੂੰ ਲੈਕੇ ਵੀ ਮੂਸੇਵਾਲਾ ਦੀ ਪ੍ਰਸ਼ੰਸਕਾਂ ਤੇ ਹੋਰ ਲੋਕਾਂ ਵੱਲੋਂ ਕਾਫੀ ਆਲੋਚਨਾ ਕੀਤੀ ਗਈ ਸੀ।
ਸਿੱਧੂ ਮੂਸੇਵਾਲਾ ਦਾ ਜਨਮ:ਸਿੱਧੂ ਮੂਸੇਵਾਲਾ ਦਾ ਜਨਮ 11 ਜੂਨ 1993 ਨੂੰ ਹੋਇਆ ਸੀ। ਮੂਸੇਵਾਲਾ ਦਾ ਅਸਲੀ ਨਾਂ ਸ਼ੁਭਦੀਪ ਸਿੰਘ ਸਿੱਧੂ ਹੈ ਅਤੇ ਉਹ ਮਾਨਸਾ ਜ਼ਿਲ੍ਹੇ ਦੇ ਪਿੰਡ ਮੂਸੇ ਵਾਲਾ ਦਾ ਰਹਿਣ ਵਾਲਾ ਸੀ। ਉਹ ਇੱਕ ਮਸ਼ਹੂਰ ਭਾਰਤੀ ਗਾਇਕ, ਗੀਤਕਾਰ ਅਤੇ ਅਦਾਕਾਰ ਹੈ, ਜੋ ਪੰਜਾਬੀ ਸੰਗੀਤ ਅਤੇ ਪੰਜਾਬੀ ਸਿਨੇਮਾ ਨਾਲ ਜੁੜਿਆ ਹੋਇਆ ਸੀ।
ਮਾਂ ਪਿੰਡ ਦੀ ਹੈ ਸਰਪੰਚ:ਸਿੱਧੂ ਮੂਸੇਵਾਲਾ ਦੀ ਮਾਂ ਇੱਕ ਪਿੰਡ ਦੀ ਸਰਪੰਚ ਹੈ। ਪੰਜਾਬੀ ਗਾਇਕ ਨੂੰ ਪਹਿਲਾਂ ਵੀ ਆਪਣੇ ਗੀਤਾਂ ਵਿੱਚ ਹਿੰਸਾ ਅਤੇ ਬੰਦੂਕ ਸੱਭਿਆਚਾਰ ਨੂੰ ਉਤਸ਼ਾਹਿਤ ਕਰਨ ਲਈ ਆਲੋਚਨਾ ਦਾ ਸਾਹਮਣਾ ਕਰਨਾ ਪਿਆ ਸੀ।
ਇੰਜੀਨੀਅਰਿੰਗ ਦਾ ਵਿਦਿਆਰਥੀ:ਸਿੱਧੂ ਮੂਸੇਵਾਲਾ ਇੰਜੀਨੀਅਰਿੰਗ ਕਰ ਰਿਹਾ ਹੈ ਅਤੇ ਕਾਲਜ ਦੇ ਦਿਨ੍ਹਾਂ ਵਿੱਚ ਗਾਉਣਾ ਸ਼ੁਰੂ ਕਰ ਦਿੱਤਾ ਸੀ। ਪਿਛਲੇ ਸਾਲ ਉਸ ਦੇ ਗੀਤ 'ਸੰਜੂ' ਕਾਰਨ ਹਿੰਸਾ ਅਤੇ ਬੰਦੂਕ ਸੱਭਿਆਚਾਰ ਨੂੰ ਉਤਸ਼ਾਹਿਤ ਕਰਨ ਦੇ ਦੋਸ਼ 'ਚ ਉਸ ਵਿਰੁੱਧ ਐੱਫ.ਆਈ.ਆਰ. ਕੋਵਿਡ ਲਾਕਡਾਊਨ ਦੌਰਾਨ ਫਾਇਰਿੰਗ ਰੇਂਜ 'ਤੇ ਏ.ਕੇ.-47 ਰਾਈਫਲਾਂ ਨਾਲ ਗੋਲੀਆਂ ਚਲਾਈਆਂ ਜਾ ਰਹੀਆਂ ਤਸਵੀਰਾਂ ਵਾਇਰਲ ਹੋਣ ਤੋਂ ਬਾਅਦ ਮਾਮਲਾ ਦਰਜ ਕੀਤਾ ਗਿਆ ਸੀ। ਇਸ ਗੀਤ 'ਚ ਸਿੱਧੂ ਮੂਸੇਵਾਲਾ ਆਪਣੇ ਖਿਲਾਫ ਚੱਲ ਰਹੇ ਕੇਸਾਂ ਨੂੰ ਲੈ ਕੇ ਡੀਂਗਾਂ ਮਾਰਦੇ ਨਜ਼ਰ ਆਏ ਸਨ।
ਗੀਤਕਾਰ ਵੱਜੋਂ 'ਲਾਈਸੈਂਸ' ਗੀਤ ਤੋਂ ਕੀਤੀ ਸ਼ੁਰੂਆਤ:ਉਸ ਨੇ ਆਪਣੇ ਕਰੀਅਰ ਦੀ ਸ਼ੁਰੂਆਤ ਮਸ਼ਹੂਰ ਗੀਤ 'ਲਾਈਸੈਂਸ' ਤੋਂ ਇੱਕ ਗੀਤਕਾਰ ਵੱਜੋਂ ਕੀਤੀ ਸੀ। ਇਨ੍ਹਾਂ ਦੇ ਇਸ ਗੀਤ ਨੂੰ ਨਿੰਜਾ ਨੇ ਗਾਇਆ ਸੀ। ਸਿੱਧੂ ਮੂਸੇਵਾਲਾ ਨੇ ਆਪਣੇ ਕਰੀਅਰ ਦੀ ਸ਼ੁਰੂਆਤ 'ਜ਼ੀ ਵੀਗਨ' ਨਾਲ ਗਾਇਕ ਵੱਜੋਂ ਕੀਤੀ ਸੀ। ਇਸ ਤੋਂ ਬਾਅਦ ਉਨ੍ਹਾਂ ਨੇ ਬ੍ਰਾਊਨ ਬੁਆਏਜ਼ ਨਾਲ ਕਈ ਟਰੈਕਾਂ 'ਤੇ ਕੰਮ ਕੀਤਾ।
ਆਪਣੇ ਗੀਤ 'ਸੋ ਹਾਈ' ਨਾਲ ਵਿਸ਼ਵ ਭਰ ਵਿੱਚ ਹਾਸਿਲ ਕੀਤੀ ਸਫਲਤਾ:ਸ਼ੁਭਦੀਪ ਸਿੰਘ ਸਿੱਧੂ ਉਰਫ਼ ਸਿੱਧੂ ਮੂਸੇਵਾਲਾ ਨੇ ਆਪਣੇ ਟਰੈਕ 'ਸੋ ਹਾਈ' ਨਾਲ ਵਿਸ਼ਵ ਭਰ ਵਿੱਚ ਸਫਲਤਾ ਹਾਸਲ ਕੀਤੀ। ਬਾਅਦ ਵਿੱਚ ਉਸਨੇ ਆਪਣੀ ਪਹਿਲੀ ਐਲਬਮ 'PBX 1' ਰਿਲੀਜ਼ ਕੀਤੀ, ਜੋ ਬਿਲਬੋਰਡ ਕੈਨੇਡੀਅਨ ਐਲਬਮਾਂ ਚਾਰਟ 'ਤੇ 66ਵੇਂ ਨੰਬਰ 'ਤੇ ਸੀ। ਐਲਬਮ ਦੀ ਸਫਲਤਾ ਤੋਂ ਬਾਅਦ, ਉਸਨੇ ਆਪਣੇ ਗੀਤ ਸੁਤੰਤਰ ਤੌਰ 'ਤੇ ਜਾਰੀ ਕਰਨੇ ਸ਼ੁਰੂ ਕਰ ਦਿੱਤੇ। ਉਸਦੇ ਸਿੰਗਲ '47' ਨੇ ਵੀ ਯੂਕੇ ਸਿੰਗਲ ਚਾਰਟ ਵਿੱਚ ਜਗ੍ਹਾ ਬਣਾਈ। ਸਾਲ 2020 ਵਿੱਚ, ਗਾਰਡੀਅਨ ਦੁਆਰਾ ਸਿੱਧੂ ਨੂੰ 50 ਨਵੇਂ ਕਲਾਕਾਰਾਂ ਵਿੱਚ ਸ਼ਾਮਲ ਕੀਤਾ ਗਿਆ ਸੀ।
ਲੁਧਿਆਣੇ ਵਿੱਚ ਹਰਵਿੰਦਰ ਬਿੱਟੂ ਤੋਂ ਸਿੱਖੀ ਸੰਗੀਤ ਦੀ ਕਲਾ:ਸਿੱਧੂ ਮੂਸੇਵਾਲਾ ਗੁਰੂ ਨਾਨਕ ਦੇਵ ਇੰਜੀਨੀਅਰਿੰਗ ਕਾਲਜ, ਲੁਧਿਆਣਾ ਤੋਂ ਇੰਜੀਨੀਅਰਿੰਗ ਕਰ ਰਿਹਾ ਹੈ। ਉਸਨੇ ਡੀਏਵੀ ਕਾਲਜ ਫੈਸਟ ਵਿੱਚ ਵੀ ਪ੍ਰਦਰਸ਼ਨ ਕੀਤਾ ਸੀ। ਮੂਸੇਵਾਲਾ ਤੁਪਕ ਸ਼ਕੂਰ ਤੋਂ ਬਹੁਤ ਪ੍ਰੇਰਿਤ ਸੀ। ਉਹ ਛੇਵੀਂ ਜਮਾਤ ਤੋਂ ਹੀ ਆਪਣਾ ਹਿਪਹੌਪ ਸੰਗੀਤ ਸੁਣ ਰਿਹਾ ਹੈ। ਉਸਨੇ ਲੁਧਿਆਣੇ ਵਿੱਚ ਹਰਵਿੰਦਰ ਬਿੱਟੂ ਤੋਂ ਸੰਗੀਤ ਦੀ ਕਲਾ ਸਿੱਖੀ। ਸ਼ੁਭਦੀਪ ਸਿੰਘ ਸਿੱਧੂ ਦੀ ਕਰਨ ਔਜਲਾ ਨਾਲ ਦੁਸ਼ਮਣੀ ਹੈ। ਦੋਵੇਂ ਆਪਣੇ ਗੀਤਾਂ, ਸੋਸ਼ਲ ਮੀਡੀਆ ਹੈਂਡਲ ਅਤੇ ਲਾਈਵ ਪਰਫਾਰਮੈਂਸ ਰਾਹੀਂ ਕਈ ਵਾਰ ਇਕ-ਦੂਜੇ ਨੂੰ ਜਵਾਬ ਦੇ ਚੁੱਕੇ ਸਨ।
ਇਹ ਵੀ ਪੜ੍ਹੋ:ਨਹੀਂ ਰਿਹਾ ਸਿੱਧੂ ਮੂਸੇਵਾਲਾ, ਗੋਲੀਆਂ ਮਾਰ ਕੇ ਕੀਤਾ ਕਤਲ
