ਚੰਡੀਗੜ੍ਹ: ਕੋਰੋਨਾ ਵਾਇਰਸ ਦੇ ਚੱਲਦਿਆਂ ਦੇਸ਼ ਭਰ ਦੇ ਵਿੱਚ ਲੌਕਡਾਊਨ ਕੀਤਾ ਗਿਆ ਹੈ। ਲੌਕਡਾਉਨ ਦਾ ਅਸਰ ਚੰਡੀਗੜ੍ਹ ਦੇ ਵੱਖ-ਵੱਖ ਸੈਕਟਰਾਂ 'ਚ ਵੀ ਵੇਖਣ ਨੂੰ ਮਿਲ ਰਿਹਾ ਹੈ। ਹਾਲਾਤ ਅਜਿਹੇ ਹਨ ਕਿ ਸੈਕਟਰ 38 ਸਥਿਤ ਮੋਟਰ ਮਾਰਕਿਟ ਵਿੱਚ ਖੜ੍ਹੀਆਂ ਮਹਿੰਗੀਆਂ ਗੱਡੀਆਂ ਧੂੜ ਫੱਕ ਰਹੀਆਂ ਹਨ। ਸ਼ਹਿਤੂਤ ਦੇ ਦਰੱਖਤਾਂ ਥੱਲ੍ਹੇ ਖੜ੍ਹੀਆਂ ਗੱਡੀਆਂ 'ਤੇ ਮਿੱਟੀ, ਘੱਟਾ ਤਾਂ ਪੈ ਹੀ ਰਿਹਾ ਹੈ, ਨਾਲ ਹੀ ਪੇਂਟ ਵੀ ਖਰਾਬ ਹੋ ਰਿਹਾ ਹੈ।
ਚੰਡੀਗੜ੍ਹ 'ਚ ਖੜ੍ਹੀਆਂ ਮਹਿੰਗੀਆਂ ਗੱਡੀਆਂ ਫੱਕ ਰਹੀਆਂ ਧੂੜ
ਮਾਰਕਿਟ ਵਿੱਚ ਕਈ ਗੱਡੀਆਂ ਦੇ ਇੰਜਨ ਖੁੱਲ੍ਹੇ ਪਏ ਹਨ। ਇਸ ਬਾਬਤ ETV ਨੂੰ ਜਾਣਕਾਰੀ ਦਿੰਦਿਆਂ ਮਕੈਨਿਕ ਨੇ ਕਿਹਾ ਕਿ ਜ਼ਿਆਦਾਤਰ ਇਨ੍ਹਾਂ ਮਹਿੰਗੀ ਗੱਡੀਆਂ ਦਾ ਜਿੱਥੇ ਨੁਕਸਾਨ ਹੋ ਰਿਹਾ ਹੈ। ਉੱਥੇ ਹੀ ਜਿਹੜੀਆਂ ਗੱਡੀਆਂ ਦੇ ਇੰਜਣ ਖੁੱਲ੍ਹੇ ਹੋਏ ਹਨ, ਉਨ੍ਹਾਂ ਦੀ ਸਰਵਿਸ ਮੁੜ ਕਰਨੀ ਪਵੇਗੀ ਕਿਉਂਕਿ ਜ਼ਿਆਦਾ ਲੰਬਾ ਸਮਾਂ ਖੜ੍ਹਾ ਹੋਣ ਕਾਰਨ ਕੋਈ ਵੀ ਡੀਜ਼ਲ ਗੱਡੀ ਖਰਾਬ ਹੋ ਜਾਂਦੀ ਹੈ।